IḶUAIAN 10:3 - Alkitab Singog In Mongondow Masa In Tanaa

³ Dá ki Musa bo ki Harun minayá nokipodungkuḷ kon i datu bo noguman kon inia, “Ki Tuhan, Allah in bangusa Ibrani, noguman, ‘Dapot in toonu iko doí tumungkud kon i-Nakó? Pomayádon mako in umat-Ku mayá, sinbá mosia in motaau mayá moibada kon i-Nakó.

IḶUAIAN 10:3 Iomraidhean Croise

DATU MITA IMITÁNEA 18:21

Bo ki Elia in dinimiug kon rayat tatua bo noguman, “Dapotpa in toonu in moiko umuran motoḻindua in gina? Aka ki Tuhan tua in Allah, yo sumbadon in ki Tuhan! Aka Baal tatua in Allah, yo sumbadon in Baal!” Rayat inta noyosipun kon tua in tongádon kibio-biómai.

DATU MITA IMITÁNEA 21:29

“Inontongmudon degá in ki Ahab nopoompá in dodia kon tayowon-Ku? Tuamai, diá-Kubí popoangoi in bodito kon bonu in sia mobiagpa. Bain kon dodai in ki adínea bo popoangoian-Ku in bodito tatua kon motoḷuadínea.”

DATU MITA 2 22:19

nomanasaḷ in iko bo inumompá kon tayowon-Ku. Ginogondok-Kudon kon mohukum kon Yerusalem bo intaunea mita. Aidan-Ku kon kotá tatua in oontongon inta mokoondok, bo tangoi in Yerusalem in baḻíon-Ku tangoi kutukon. Táe naonda in kinodongoganmu in gogondok-Ku tatua, nongombaḷ in iko bo nomerak kon ḷambungmu nobaḻí tomponuot kon morobonoḷ in ginamu. Dinongog-Kudon in sambayangmu,

TAWARIKH 2 33:12

Kon bonu in roriganea tatua sinumonsiup in sia kon i Tuhan Allahnea, bo nosambayang nopoigum in totuḷung-Nea.

TAWARIKH 2 33:19

Kon bonu in buk Ouman in Nabi mita pinais domandon in sambayang i Manasye bo tubag i Allah kon sambayang tatua, bo ouman in dosanea mita kon dodai in sia diápa nogogai in nogaid kon dosa, tampat mita pososumbaan kon berhala bo patong mita i Dewi Asyera inta pinomianea, bo berhala mita inta sinumbanea.

TAWARIKH 2 34:27

iko in nomanasaḷ bo sinumonsiup kon tayowon-Ku. Akuoi in nogumandon kon Yerusalem bo intau mita inta nogutun kon tua, táe naonda in iko nokodongog kon onu inta pinotaau-Ku tatua nongombaḷ in iko bo nomerak kon ḷambungmu nobaḻí tomponuot kon morobonoḷ in dodobmu. Dinongog-Kudon in sambayangmu,

TAWARIKH 2 7:14

bo umat-Ku inta nomaké in tangoi-Ku tua sinumonsiup, bo mosambayang poḷat namangoi kon i-Nakó bo nonaḷámai kon aid monia inta moraat, dá nongkon soroga indongogan-Ku in sambayang monia. Ampungankubí in dosa mita monia bo baḻíon-Kudon in butá monia mobiag motompia bui.

AYUB 42:6

Tuamai in mooyá in akuoi monorop kon bayongan in tosingogonku bo takin momanasaḷ akuoi in ḻimitú kon butá bo ḷobud.”

IḶUAIAN 10:4

Aka diápa doman tarimaanmu, dá ikoḷom in popoangoi-Ku in pangkoḷá kon butámu naa.

IḶUAIAN 16:28

Bo ki Tuhan noguman kon i Musa, “Dapotpa in toonu moiko doí mokidongog kon parenta-Ku mita?

IḶUAIAN 4:23

bo iko ain pinarentaan-Ku sinbá mobogoi kon i adí-Ku tatua mayá sinbá sia in motaaudon mosumba kon i-Nakó, táe diá inogoimu. Tanaa in Akuoi moḻimodon kon i adímu inta guya-guyang.’ ”

IḶUAIAN 5:1

Onda intua ki Musa bo ki Harun minayá kon tayowon i datu in Mesir bo noguman, “Nanaa in parenta i Tuhan, ki Allah Israel, ‘Ogoiaidon in kasampatan bangusa-Ku mayá sinbá mosia in motaau moibada kon i-Nakó kon padang gurun.’ ”

IḶUAIAN 9:17

Umpaka natua, iko umuranpabí doman mosiḷantud bo diápa doman ogoimu mayá in umat-Ku.

AMSAL 1:22

“Ei intau dondunguḷ! Modapot in toonu in moiko umuran natua? Toonu in mogogai in moiko in mopoompámai kon pongotahuan bo doí motarima kon topotundú?

AMSAL 1:24

Moiko in inoiníkudon, táe doí mokidongog in moiko bo diá mopandungmai.

AMSAL 18:12

Intau inta moḷoḷatú in moḷabúbí, intau inta moompá in dodia in horomatonbí.

YESAYA 1:5

Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

YESAYA 2:11

Intau moḷoḷatú in poompáanbí bo intau mododia potungkudon. Tongá ki Tuhan tontaní in poḷantudon.

YEREMIA 13:10

Bangusa inta moraat tanaa totok in pamandot bo diá motoḷutui kon i-Nakó. Mosia in moibada bo mosumba kon ilah mita ibanea. Tuamai mosia in mobaḻí naonda bo bintoḷ nopoḷok inta diá in mangaḻenea tua.

YEREMIA 13:18

Ki Tuhan in noguman kon inakó, “Potabá in datu bo ki inánea moponag nongkon pomomarentaannea, sin mahkotanea inta mopia in noḷabúdon kon uḷunea.

YEREMIA 50:29

Ki Tuhan in noguman, “Potabádon in momomiot monubu kon Babel. Pokipiotaidon in intau mita inta mongotaná momiot. Kopungdon in kotá tatua bo dikadon pomayá mako in intau tobatúmai in mokoḷagui. Tuḻíaidon in bayongan oaidnea bo popoaidon kon inia podudui in aidnea, sin sia in nopoaidon in inta mokotor kon i-Nakó, Inta Totok in motusi, Allah in Israel.

YEHEZKIEL 5:6

Táe Yerusalem ain nondoí kon parenta-Ku bo noniata magí noiḻiudon kon kororaat in bangusa mita ibanea, nodapot in noiḻiudon in diá kototoinduduinea kon negara mita inta kon ḻibuneamai. Yerusalem iḻimimpat kon parenta-Ku mita bo doí dumudui kon hukum-Ku mita.”

DANIEL 5:22

Táe ki adínea ḷoḷaki, inta ki Tuangku tontaní, in doí tumonsiup, umpaka kinotaauandon i Tuangku in tua komintan.

PINOGIAPAN 14:27

“Umaai in toonu in intau mita moraat tatua mongunsingog kon i-Nakó? Bayongan inta inamui monia tua dinongog-Kudon.

SURAT I PAULUS KON JAMAAT RUM 2:4

Andeka diá pandungonmai monimu in totabi, kososabar-Nea bo kopopia in gina-Nea in notarima kon i monimu? Tantú kinotaauan bidon monimu kon ki Allah in nopoontong in kopopia in gina-Nea, sin ibogon-Nea moiko in mogogaidon mogaid kon dosa mita.

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!

YAKOBUS 4:10

Moiko in musti mokopoompá kon dodia kon tayowon i Tuhan, dá poḷantudon i Tuhan in moiko.

PETRUS 1 5:6

Manangka intua kodu-koduduidon in moiko kon kawasa i Allah inta moropot, sinbá poḷantudon-Nea in moiko aka wakutuneadon.