IBRANI 9:7 - Alkitab Singog In Mongondow Masa In Tanaa

⁷ Bo inta motaau tumuot kon yuang inta totok in moako tua in tongábí imang inta totok moḷoben. Sia in tumuot mogaid kon oaidannea, komintan in totaong. Sia in tumuot kon tampat tatua takin kodia-dia in dugú inta posumba kon i Allah saḷaku sosumba inta potobutnea kon dosanea tontaní bo dosa mita in umat i Allah inta diá sinuod pinomia.

IBRANI 9:7 Iomraidhean Croise

SAMUEL 2 6:7

Bo kon dodaipa doman tatua ki Tuhan sinumorú kon i Uza, sin aidnea tatua in mopoompábímai kon i Tuhan. Iḻimod-Nea in ki Uza kon tampat tatua, kon diug in Poti Dodandian.

TAWARIKH 2 33:9

Ki Manasye nokopopisí kon rayat in Yohuda nogaid kon dosa mita inta moraa-raat nongkon dosa inta inaidan in bangusa mita inta pinoguntun i Tuhan nongkon Kanaan kon tungkuḷ in umat i Tuhan sinumuot kon butá tatua.

MAZMUR 19:12

Mogogundoi-Mu naa in bagupa inogoian in tompoingat in bayongan tatua; bungai in pinogaidan sinadia kon intau inta notoindudui kon tua.

MAZMUR 95:10

Opat nopuḷú notaong in koonggotnea mobú in Akuoi kon i monia; guman-Ku: Totuu, bangusa tatua in diá motoḷutui! Mosia in diá nopandungmai kon parenta-Ku mita.

IḶUAIAN 30:10

Komintan in totaong ki Harun musti mogaid kon upacara pondaritan kon mezbah takin mopopisik kon tungoi opat in dugú in biag inta pinokuruban sin pongampungan kon dosa. Tua in musti pomiaan pomuḷoi in taong dapot kon adí bo ompu. Mezbah tatua musti motusi komintan bo tongábí kon i-Nakó.”

YESAYA 28:7

Nabi mita doman bo imang mita in noḷoḷangu popisí in noiḻiudon bayong in anggur bo arak in ininum. Moibambodon in mosia in mayá bo moipintudon magí-mako sin notombaukdon in raian monia. Nabi mita in diádon momangaḻe kon oontongon mita inta inogoi i Allah kon i monia. Imang mita diádon motaau mopoyotutui kon pelekara mita inta kon tayowon monia.

YESAYA 29:14

Tuamai in taḻikokogan-Ku in mosia in sambok inta moyo-moyodudui. Intau inta mobijaksana in mobaḻí mobodok, bo bayongan in pandoi monia diábí in mangaḻenea.”

YESAYA 3:12

Umat-Ku in rorigaanbí in intau mopopoḷuan in doit bo daiton gamáan in mopoporente. Umat-Ku in poḷaḻeon in itoinea mita modapot in diádon kotaauannea in daḷan inta musti bayáannea.”

YESAYA 9:16

Bangusa tatua ain nonaḷámai kon Tuhan bo moromúdon bo bayongan in tosingogon monia moraat. Tuamai in kon sigad in tayow mobiag mita diá tobatúmai in sinaḻiban i Tuhan. Sia in diábí notabi kon boba-bobay mita bo uno-unon. Táe ki Tuhan in sinumorúpabí bo umuran mohukum.

HOSEA 4:12

Moiko in mopoigum in topotundú kon kayu topongkó! Tungkud tobatú in mopotaau kon inimu kon onu inta koibogmu kotaauan! Moiko in notongkai in buḷoi bobay tobatú inta nobaḻí sundaḷ; moiko in nonaḷámai kon i-Nakó bo nobogoi in awakmu kon ilah mita ibanea.

IMAMAT 16:34

Upacara tatua musti aidan totaong in komintan sin pondaritan kon bangusa Israel nongkon bayongan dosa monia. Tuata in atorang mita inta musti umuran duduian monia dapot kon adí bo ompu. Inaidan i Musa intua notongkai ná inta ain pinoguman i Tuhan kon inia.

IMAMAT 5:18

Saḷaku kuruban ponoḻiu kon karugian dá sia in musti modia kon domba tobatú ande bembé koḷakian inta mopia totok bo boḻinea iapon podudui in boḻinea inta ain nobaḻí atorang kon Ḷoḷaigan i Tuhan. Imang mopokuruban in tua potobut kon dosa intau tatua, dá intau tatua ampungandon i Tuhan.

AMOS 2:14

Umpaka intau inta totok in moḻikat yo diábí doman mokoḷagui; intau moropot in kobuḻianbí in ropotnea, bo intau motorindog in diábí mokoposaḷamat kon awaknea tontaní.

PINOGIAPAN 15:25

Bo imang musti mogaid kon upacara potobutan kon dosa in umat. Dá ampungan in taḷá monia inta diá sinuod inaidan monia, bo popisí in mosia ain nodia kon kuruban potobut kon dosa bo kuruban payongon kon i Tuhan.

EPESUS 4:18

Raian monia tua in nosindipdon. Diábí kinotaauan monia in kobiagan inta inogoi i Allah, sin mosia in beresibí diá nonotaau in onu bo onu soaḷ ki Allah. Natua in mosia sin gina in motogat.

IBRANI 10:3

Táe noniata magí, yo kuruban mita inta pinosumba pomuḷoi in taong tua in tongábí moponorop bui kon intau mita kon bayongan dosa monia.

IBRANI 6:19

Onu i harap mako naton tua in naonda bo jangkar inta noikanom mako kon tampat inta modaḷom totok bo nobaḻí kokadaian inta moropot totok bo mokoaman kon kobiagan naton. Onu inta iharap mako tua ain noidapot in yuang inta totok in motusi kon Baḷoi Tuhan kon soroga.

IBRANI 7:27

Sia in diábí notongkai in imang mita moḷoben ibanea inta pomuḷoi in singgai musti moposumba in kuruban sin potobut kon bayongan taḷánea tontaní. Mopaḷut mako kon tua sia in moposumba doman in kuruban potobut kon dosa mita in umat. Ki Yesus in tongábí komintan noposumba in kuruban bo awak-Neabí tontaní in pinosumba-Nea saḷaku kuruban.

IBRANI 9:3

Kon dotá in bonunea, inta kon tumimai in gorden induanea, oyúon in yuang inta sinangoian “Yuang Totok Motusi.”