IBRANI 9:5 - Alkitab Singog In Mongondow Masa In Tanaa

⁵ Kon tudu in poti tatua oyúon in kerub doyowa, tuata in mahaḷuk kokoḻikipan inta nobaḻí lambang koangoian i Allah. Koḻikip in mahaḷuk doyowa tatua noibuká mako kon tudu in taḷob in poti tatua, tobatú tampat pongongampungan kon dosa. Táe tua mita in diá koinsilangan batu-batúon tanaa mako.

IBRANI 9:5 Iomraidhean Croise

DATU MITA 2 19:15

bo nosambayang, kainia, “Tuhan, Allah in Israel, inta iḻimitú kon tudu in Kerub, Tongábí Iko tontaní in Allah inta nongawasa kon bayongan in dodatuan kon dunia naa. Ikobí in nomaḻí kon ḷangit bo butá.

TAWARIKH 1 28:11

Nopaḷut mako kon tua ki Daud in noposarakadon kon i Salomo in tomayá mogaid kon Baḷoi Tuhan, gudangnea mita, bayongan in gopotnea, bo yuang Inta Totok in Motusi, tampat pongongampungan kon dosa.

MAZMUR 80:1

Kon i itoi in mododondong. Podudui in dondong: Bungang bakung. Mazmur kosakusian i Asap.

MAZMUR 99:1

Ki Tuhan in Datu; bangusa mita in mourotbí. Sia in nomarenta kon tudu in kerub, butá in nodandú.

IMAMAT 16:13

Dupa tatua musti tubáannea kon tayowon in Poti Dodandian, sahingga poyoknea moikoḷubung kon taḷob in poti tatua bo diádon ontongon i Harun, sin aka ontongonnea, yo matoi in sia.

IMAMAT 16:2

kai-Nia, “Potaaudon kon i Harun ki utatmu tua, kon tongábí kon singgai inta ain sinantú sia in motaau tumuot kon Yuang inta Totok in Motusi inta ain sinondí in toḻipoi, sin kon tuata Akuoi mokipogontong kon bonu in goḷom kon ḻimonik in taḷob in Poti Dodamean. Aka ki Harun ḻimimpat kon parenta tatua, yo matoi in sia.

PINOGIAPAN 7:89

Pomuḷoi in ki Musa tumuot kon Ḷoḷaigan i Tuhan sin moyosingog i Tuhan, sia mokodongog kon singog i Tuhan inta moguman kon inia nongkon tudu in taḷob in Poti Dodandian inta sinoyuak in patong kerub doyowa.

SURAT I PAULUS KON JAMAAT RUM 9:4

Mosia tua in intau inta piniḻí bo binaḻí-Neadon ki adí-Nea mita tontaní. Sia in noponiatadon in kawasa-Nea kon i monia. Sia in nomia kon dodandian takin i monia bo nobogoi in hukum in agama. Pinoguman domandon i Allah kon i monia in soaḷ pooibada bo mosia in notarima domandon kon dandi mita i Allah.

EPESUS 3:10

Makusud i Allah tua in bá tanaa mako jamaat-Nea, mopotaau in bayongan yagi-yagi soaḷ kabijaksanaan i Allah kon pomarenta mita bo kon bayongan inta nongawasa kon soroga.

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.

PETRUS 1 1:12

Ki Allah ain noguman kon nabi mita tatua, kon onu in pinomia monia tatua, deemanbí inaidan monia sin kopontingan monia tontaní, táe kopontinganbí monimu, tua in soaḷ mita inta tanaa mako ain dinongog monimu notarang nongkon intau mita inta nopoyaput in Habar Mopia soaḷ ki Yesus Kristus. Mosia in nopoyaput intua komintan kon i monimu takin kawasa in Roho i Allah inta pinotabá-Nea mangoi nongkon soroga. Bo umpakabí malaekat mita yo moibogbí doman totok monotaau kon habar inta pinoyaput monia tua.

SAMUEL 1 4:4

Bo nopotabádon in mosia kon intau minayá in Silo sin mogamá kon Poti Dodandian i Tuhan inta nobaḻí tampat pomomarentaan i Tuhan Inta Totok in Mokawasa. Ki adí i Eli doyowa, ki Hopni bo ki Pinehas, dinumudui doman kon Poti Dodandian tatua.