IBRANI 9:4 - Alkitab Singog In Mongondow Masa In Tanaa

⁴ Kon bonu in yuang tatua oyúon in tobatú meja pototubáan kon sosumba, meja inta pinomia nongkon buḷawan. Oyúon doman in poti Dodandian inta komintan inoḻitan in buḷawan. Kon bonu in poti tatua oyúon in kuyon buḷawan inta binonuan in manna, tungkud i Harun inta ain nomoḻimping, bo batu doyowa inta pinomaisan kon parenta i Allah inta mopuḷú.

IBRANI 9:4 Iomraidhean Croise

DATU MITA IMITÁNEA 8:21

Kon bonu in Baḷoi Tuhan tatua aindon sinadiaku in tampat in Poti Dodandian inta pinotagúan kon batu inta pinomaisan kon dodandian i Tuhan takin mogoguyang naton kon tungkuḷ in Sia nodia kon i monia iḻumuai nongkon Mesir.”

DATU MITA IMITÁNEA 8:9

Kon bonu in Poti Dodandian tatua diábí in ibanea mako koḻikudbí in batu doyowa. Batu mita tatua in binonu i Musa kon poti tatua tungkuḷ kon Buḷud in Sinai, kon dodai in ki Tuhan nomia kon dodandian takin bangusa in Israel kon tungkuḷ in mosia kon binayáan nongkon Mesir minayá in butá in Kanaan.

TAWARIKH 2 5:10

Kon bonu in Poti Dodandian tatua diábí in ibanea mako koḻikudbí in batu doyowa tatua. Batu mita tatua in binonudon i Musa kon Buḷud in Sinai, kon tungkuḷ in ki Tuhan nomia kon Dodandian takin bangusa in Israel kon dodai in mosia kon bonu in bobayáan nongkon Mesir minayá in Kanaan.

IḶUAIAN 26:33

Bo popobambédon in kaeng tatua kon ḻimonag in pipidan kokaud kon atop in Ḷoḷaigan. Kon tumi musti popoukat in Poti Dodandian inta pinobonuan kon batu inta pinomaisan kon hukum i Tuhan. Kaeng tatua nonigad kon Yuang Motusi nongkon Yuang Totok Motusi.

IḶUAIAN 31:18

Naonda in nopaḷut mako noyosingog i Musa kon tudu in Buḷud Sinai, ki Allah nobogoidon kon inia in batu doyowa inta pinomaisan i Allah kon parenta-Nea mita.

IḶUAIAN 32:15

Ki Musa in nosiḻigdon nongkon buḷud tatua takin kodia-dia in batu inta posiḷosi pinomaisan kon parenta mita i Allah.

IḶUAIAN 34:29

Kon tungkuḷ in ki Musa nosiḻig nongkon Buḷud in Sinai kodia-dia in Parenta Mopuḷú tatua, pogotnea in nonindar sin sia ain nongonguman i Tuhan, táe ki Musa tontaní in diábí nonotaau kon pogotnea tua in nonindar.

IḶUAIAN 37:25

Ki Bezaleel nomia kon mezbah tobatú nongkon kayu akasia sin pototubáan kon dupa. Mezbah tatua notonggopat; koḷanggó bo kooḷadnea in togogopat nopuḷú bo ḻima nosenti bo koḷantudnea in siow nopuḷú nosenti. Bo kon sikunea opat dotá in omonikanea pinomiaan kon tungoi inta pinoyotobatú takin mezbah tatua.

IḶUAIAN 39:35

Poti Dodandian inta pinobonuan kon batu doyowa takin kayu tombuḻigan bo taḷobnea,

IḶUAIAN 40:3

Diadon potuot in Poti Dodandian inta pinobonuan kon Parenta Mopuḷú bo popokoḷobdon in kaeng koḷobnea kon munanea.

IMAMAT 16:12

musti in sia mogamá kon tampat in tuḷú nongkon mezbah bo bonuannea in baga in tuḷú kopuḻingon bo doyowa noyangkom in dupa moaḷus, bodongka diaannea tumuot kon Yuang Totok Motusi.

PINOGIAPAN 17:10

Onda intua ki Tuhan noguman kon i Musa, “Ukatdon bui in tungkud i Harun kon tayowon in Poti Dodandian. Tungkud tatua musti tagúon mobaḻí tompoingat kon bangusa in Israel inta moibog momarontak tatua kon matoibí in mosia aka mosia umuran mongunsingog.”

PINOGIAPAN 17:5

Tungkud in intau inta piḻíon-Ku in momoḻimping. Natuata in Akuoi mopogogai in amui mita in intau mita inta umuran mongunsingog kon i monimu.”

PINOGIAPAN 17:8

Nopoikoḷomai kon singgai, naonda in ki Musa sinumuot kon bonu in Ḷoḷaigan i Tuhan, inontongnea kon tungkud i Harun, inta tungkud in suku Lewi, aindon nomoḻimping. Tungkud tatua nonondaundon, nomusir bo nopomungai in toḻitoi inta ain nogurang!

ULANGAN 9:11

Oo, naonda in noitaḻib in opat nopuḷú nosinggai bo opat nopuḷú nogobii, ki Tuhan nobogoi kon inakó in batu dodandian doyowa tua.

ULANGAN 9:9

Akuoi notakod kon buḷud tatua sin motarima kon batu dodandian inta pinomia i Tuhan takin i monimu. Opat nopuḷú nosinggai bo opat nopuḷú nogobii in koonggotnea akuoi nogutun kon buḷud tatua takin diá nopongaa-ngaan ande diá noponginu-nginum.

WAHYU 11:19

Dá nobukatdon in Baḷoi Allah kon soroga, bo kinoontongandon in Poti Dodandian kon bonunea. Bo nongilatdon moyo-moyodudui bo gonugur in gotup inta modowawá mako, takin doman ḻinug bo uyan eis inta totok morogot.

WAHYU 8:3

Tobatú malaekat ibanea inta nodia kon pototubáan kon kamania inta pinomia nongkon buḷawan, namangoi bo sinimindog kon tayowon meja pogogukatan kon sosumba. Sia inogoian in kamania nobayong sin potakin kon sambayang mita in bayongan umat i Allah bo posumba doman kon meja pototuduan kon sosumba inta kon tayowon tampat pomomarentaan.