IBRANI 9:10 - Alkitab Singog In Mongondow Masa In Tanaa

¹⁰ Sin upacara mita tatua in tongábí soaḷ kokaanon bo oinumon bo noyagi-yagimaidon upacara pondaritan. Bayongan intua tongábí atorang mita in intau inta pakéon modapot wakutunea ki Allah monoimbagu kon dunia naa.

IBRANI 9:10 Iomraidhean Croise

IḶUAIAN 29:4

Potabádon in ki Harun bo ki adínea mita mamangoi kon ngara in Ḷoḷaigan-Ku bo mondarit kon awak.

IḶUAIAN 40:12

Mopaḷut mako kon tua, potabádon in ki Harun bo ki adínea mita mamangoi kon ngara in Ḷoḷaigan bo mondarit kon awak.

YEHEZKIEL 4:14

Táe akuoi in notubag, “Kaasí Tuhan Inta Totok in moḷantud! Pinangkoipamai kon mointokan nodapot in tanaa, diápa kon dodai in onda in akuoi in noponajis in awakku pinongin nokaan kon mahaḷuk inta minatoi andeka ki agat in mahaḷuk inta mokokaan kon mahaḷuk ibanea. Diábí kon dodai in onda in akuoi in nokaan kon kaanon inta iharam.”

IMAMAT 13:58

Aka naonda in binatáan mako bo batangan in pinonopadan kon barang tatua noinggamá, dá barang tatua musti batáan bui, bain tua bo anggapon nodarit.

IMAMAT 16:24

Bo sia musti moinggú kon tampat tobatú inta ain sinantú bo moḷutúdon bui kon pakeangnea tontaní. Mopaḷut mako kon tua sia musti ḷumuai bo moposumba in kuruban tubáan sin pongampung kon dosanea tontaní bo dosa in bangusa Israel.

IMAMAT 16:4

Moiduduimai kon tua ki Harun musti monarukira kon atorang mita tanaa. Kon tungkuḷ in sia diápa tumuot kon Yuang inta Totok in Motusi sia musti moinggúpa muna bodongka momaké in pakeang imang, inta ḷambung, soḷana mopoḷok, baan bo bogot in uḷu, inta komintan nongkon kaeng linen.

IMAMAT 22:6

Imang tobatú inta ain nobaḻí nonajis popisí in kinotugatan tatua, sia in umuran monajis modapot kon mata in singgai tumoyop. Bo naonda mata in singgai tumoyop sia in diápabí motaau mokaan kon kaanon inta pinosumba kon i Tuhan aka diápa muna moinggú in sia.

PINOGIAPAN 6:3

diábí motaau in sia monginum kon anggur andeka bungai in ayop ibanea. Sia in diá doman motaau mokaan kon bungai in anggur inta bagu sinipú andeka inta ain noingkag, andeka onu kabí inta nongkon pangkoi in anggur; batoḷnea andeka tongákabí daunnea diábí motaau kaanonnea.

MARKUS 7:4

Onu in taḷuion kon pasar diápabí kaanon, aka diápa batáan muna. Nobayongpa doman in atorang nongkon mogoguyang monia inta umuranpa totok kinadaian monia; umpamanea atorang moyuyuk kon galas, palo, bo pakakat mita inta nongkon tambaga.

GALATIA 4:9

Tongá masa in tanaa, moiko aindon nopirisaya kon i Allah, ande singogon mako mopoḷok, ki Allah ain nonotaau kon i monimu. Táe nongonu sin moiko in buipabí mosumba kon dimukud mita inta moraat tatua?

EPESUS 1:10

Makusud in tomayá-Nea tatua in bá bayongan in yagi-yagi inta kon soroga ande inta kon dunia naa, in motobatúdon i Kristus saḷaku tongguḷu. Bo soaḷ tatua in iḷapatandon i Allah aka aindon wakutunea.

EPESUS 2:15

Hukum agama in Yahudi takin parenta bo atorangnea mita aindon pinopatan i Kristus, sinbá bangusa doyowa tatua in mobaḻídon tobangusa, bangusa in intau mobagu, inta motobatú takin-Nea. Tua in pinogogaid i Kristus nopoyodame.

ULANGAN 21:6

Bo bayongan guhanga nongkon kotá inta totok in nodiug bo musti mondarit kon ḻima monia kon tudu in sapi tatua

ULANGAN 23:11

Naonda in moḷoḷabungdon sia in musti moinggú bo naonda in tumoyopdon mata in singgai sia motaaudon bui mayá in ḷoḷaigan.

KOLOSE 2:16

Manangka intua donaaidon pomayá mako in intau mopotaḷá kon i monimu kon soaḷ kaanon ande inumon, ande soaḷ mita singgai moḷoben in agama, andeka porayaan mita in buḷan mobagu, ande soaḷ singgai in Sabat.

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

IBRANI 13:9

Dika moibog in moiko poyayingon in totundú mita inta mokoherang kon i monimu. Gina naton naa in musti irigonan in totabi i Allah, tuabí in mopia, deemanbí atorang mita soaḷ kokaanon. Intau mita inta tungkuḷ intua dinumudui kon atorang mita tatua in diá nokouḻí kon mangaḻenea.

IBRANI 2:5

Malaekat mita in diábí inogoian i Allah in kawasa momarenta kon dunia mobagu singgai moiduduimai, dunia inta yogot oumanon naton tanaa.

IBRANI 6:2

ande totundú inta pinodoyon kon baptisan andeka soaḷ momarakat kon intau ande soaḷ kobiagan bui naonda in matoi, andeka doman soaḷ kobiagan mononoi.

IBRANI 6:5

bo inta ain notarima kon pirman inta mopia nongkon i Allah bo kawasa mita in dunia inta kon singgai moiduduimai.

IBRANI 7:12

Dá aka ḷoḻitúan in imang mita bo mobaḷu-baḷuibí; yo hukum in agama Yahudi in mustibí doman mobaḷu-baḷui.

IBRANI 7:16

Sia in binaḻí imang deemanbí pinodoyon kon atorang mita inta pinomia in intau, táe pinodoyobí kon kobobiagnea inta inogoian in kawasa inta diá modai-dait.

IBRANI 9:1

Dodandian inta muna oyúonbí in atorang pooibada bo oyúon doman in tampat pooibadaan inta pinomia in intau.