IBRANI 8:5 - Alkitab Singog In Mongondow Masa In Tanaa

⁵ Oaidan inta inaidan monia tua saḷaku imang sabanarnea in tongábí gambaran bo oḻinow in onu inta kon soroga. Tua ain bidon pinotaau i Allah kon i Musa koḻipod, kon wakutu in sia noposindog in Ḷoḷaigan i Tuhan. Nanaa in guman i Allah kon i Musa, “Pokotorop! Tua komintan in mustibí pomiaanmu podudui in gambar inta pinoontong-Ku kon inimu kon tudu in buḷud.”

IBRANI 8:5 Iomraidhean Croise

TAWARIKH 1 28:12

Ki Daud in nobogoi doman in bayongan tomayá inta ain irainea sin pogaidan kon bosínea takin gopot mita inta kon ḻibunea, bo pogaidan kon gudang mita inta posipunan kon touḷut in Baḷoi Tuhan bo gudang mita pototagúan kon oogoi kon i Tuhan.

TAWARIKH 1 28:19

Bo ki Datu Daud in noguman, “Bayongan intua in kon bonu bidon in tomayá inta ain pinais podudui in topotundú inta inogoi i Tuhan tontaní sin aidan.”

IḶUAIAN 25:40

Ḷukadai sinbá sioḷ in totuduan togá tatua pomiaan podudui kon onu inta ain pinoontong kon inimu kon tudu in buḷud tanaa.”

IḶUAIAN 25:9

Ḷoḷaigan bo touḷutnea musti pomiaan monia podudui in tomayá inta bain tundúon-Ku kon inimu.”

IḶUAIAN 26:30

Posindogdon in Ḷoḷaigan tatua podudui in tomayá inta pinoontong-Ku kon inimu kon tudu in buḷud tanaa.

IḶUAIAN 27:8

Pomiadon in mezbah tatua nongkon dopí bo tongguangai kon dotá in bonunea, podudui in tomayá inta poontong-Ku kon inimu kon buḷud tanaa.”

PINOGIAPAN 8:4

Tampat in togá tatua, nodapot kon omonikanea bo bungang mita inta pinoḷambá pinomia nongkon buḷawan inta sinontaḷ, pinodudui kon contoh inta pinoontong i Tuhan kon i Musa.

MATIUS 2:12

Bo popisí in mosia aindon kinoyowan kon bonu in togoindop sinbá donaaidon mayá bui kon i Herodes. Dá mosia nobuidon kon ḻipú monia tontaní táe nongin daḷan ibaneadon.

OUMAN IN RASUL MITA 7:44

Ḷoḷaigan tampat i Allah angoian pokipodungkuḷan kon intau in kon mogoguyang naton kon padang gurun. Ḷoḷaigan tatua in pinomia i Musa podudui in parenta i Allah bo pinodudui in gambar inta pinoontong i Allah muna kon inia.

KOLOSE 2:17

Tua komintan in tongábí oḻinow nongkon soaḷ mita inta moiduduimai, táe inta moniata nongkon soaḷ mita tatua in ki Kristusbí!

IBRANI 10:1

Hukum in agama Yahudi tongábí nobogoi in gambaran inta diá nosilang kon soaḷ mita mopia inta kon singgai moiduduimai, deemanbí gambaran inta totokanea nongkon soaḷ mita tatua. Sin hukum mita tatua in diábí mokosompurna kon intau inta mamangoi mosumba kon i Allah takin kodia-dia in barang inta posumba. Umpakabí pomuḷoi in taong umuran moposumba in kuruban mita natua.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!

IBRANI 13:10

Oyúonbí in meja pobobogoian naton kon sosumba kon i Allah. Bo imang mita inta nogaid kon bonu in Baḷoi Tuhan, diábí motaau in mokaan kon kuruban inta kon tudu in meja tatua.

IBRANI 9:9

Naa nobaḻí lambang kon sempo in tanaa; mangaḻenea kon sosumba mita bo kuruban mita mahaḷuk inta pinosumba kon i Allah, diábí mokosompurna kon gina intau inta nodia kon sosumba.

YOSUA 22:28

Dá, niat nami in: aka kuma buí monimu in moguman natua, dá buí nami in motaaudon moguman, ‘Indoiai in mezbah tatua! Mogoguyang nami in noposindogdon in mezbah tobatú inta notombatangan in mezbah i Tuhan, deemanbí pobogoian kon kuruban payongon ande pobogoian kon sosumba, táe baḻíon tomponuot kon i naton posibotak.’

WAHYU 15:5

Onda intua inontongku in Baḷoi Tuhan kon soroga nobukat, bo ḷoḷaigan i Tuhan in kon bonunea.