IBRANI 8:2 - Alkitab Singog In Mongondow Masa In Tanaa

² Sia nopobayá in oaidan-Nea saḷaku Imang Moḷoben kon Tampat inta totok in Motusi kon bonu in Ḷoḷaigan i Tuhan. Ḷoḷaigan inta pinosindog i Tuhan tontaní, deemanbí intau in noposindog.

IBRANI 8:2 Iomraidhean Croise

IḶUAIAN 25:9

Ḷoḷaigan bo touḷutnea musti pomiaan monia podudui in tomayá inta bain tundúon-Ku kon inimu.”

IḶUAIAN 28:1

“Oinídon in ki Harun ki guya-guyangmu takin ki adí mita ki Nadab, ki Abihu, ki Eleazer bo ki Itamar, potondídon in mosia sinbá motaau mobantung kon i-Nakó mobaḻí imang.

IḶUAIAN 28:35

Jubah tatua musti pakéon i Harun aka sia mogaid kon oaidannea mobaḻí imang. Aka mamangoi in sia kon tayowon-Ku kon Yuang Motusi ande monaḷámai kon tampat tatua, yo kodongogandon in giring-giring tatua, sinbá diá matoi in sia.

IḶUAIAN 33:7

Pomuḷoi mako, aka bangusa Israel mononḷoḷaigan, ki Musa mogamá kon Ḷoḷaigan bo posindogonnea koḻin yayúon nongkon ḷoḷaigan mita monia. Ḷoḷaigan tatua sinangoian Ḷoḷaigan i Tuhan, bo ki ine in moibog moigum kon tonggina i Tuhan, mayá intua.

LUKAS 24:44

Onda intua Sia in noguman kon i monia, “Naadon in soaḷ mita inta ain pinoguman-Ku kon i monimu kon wakutu in kotaki-takinpa monimu in Akuoi: kon bayongan inta ain pinais soaḷ Akuoi kon bonu in buk i Musa bo buk in nabi mita, bo buk Mazmur, tua in mustibí mobaḻí.”

SURAT I PAULUS KON JAMAAT RUM 15:8

Torop in naa, ki Kristus ain nobantung kon intau in Yahudi sin mopoontong kon ki Allah in mogaidbí kon onu inta ain pinodandi-Nea kon mogoguyang naton.

KORINTUS 2 5:1

Sin kinotaauanbí nami kon aka baḷoi – makusudnea awak naton – inta pinogutunan naton kon dunia naa bo rumbunon, yo posadiaanbí i Allah in kita kon baḷoi inta kon soroga. Tampat inta pinomia i Allah tontaní bo inta diá mogogu-goguyaat.

KOLOSE 2:11

Lantaran notobatú takin i Kristus, dá moiko ain sinunat, táe deemanbí sunat inta inaidan in intau, táe sunatbí inta inaidan i Kristus, inta nopobebas kon i monimu nongkon kawasa in tabiat inta binaradosa.

IBRANI 10:11

Pomuḷoi in singgai imang intau Yahudi umuran mogaid kon oaidan monia saḷaku imang bo umuran doman mopobui-buimai in moposumba in kuruban mita ná inta biasamai pinosumba monia. Táe totuubí kon kuruban mita tatua in diábí mokopopat kon dosa.

IBRANI 10:21

Bo tanaa oyúondon in Imang momulia naton inta nobaḻí itoi kon Baḷoi Allah.

IBRANI 11:10

Ki Abraham in mogoḷat mako kon kotá inta sinomayá i Allah posindogon kon pondasi inta moroton.

IBRANI 9:1

Dodandian inta muna oyúonbí in atorang pooibada bo oyúon doman in tampat pooibadaan inta pinomia in intau.

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.