IBRANI 7:9 - Alkitab Singog In Mongondow Masa In Tanaa

⁹ Dá motaaubí singogon kon ki Lewi inta buínea mita mogamá domanmai kon mopuḷú noporsen nongkon onu inta nouḻí in intau Israel moguboḻibí doman kon silai tatua pongin i Abraham, wakutu in ki Abraham nobogoi intua kon i Melkisedek.

IBRANI 7:9 Iomraidhean Croise

KINOBAḺIAN 14:20

Dinayo-dayowdon in ki Allah Inta Totok in Moḷantud, inta ain nobogoi kon inimu in ropot dapot in nokountung nonayow kon musungmu.” Nopaḷut mako kon tua ki Abram nobogoi kon i Melkisedek in mopuḷú noporsen nongkon bayongan barang inta inagownea kon parang tatua inta ain dinianea mangoi.

MATIUS 7:8

Sin pomuḷoi in intau inta moigum motarima; bo intau inta motayak in mokouḻí; bo intau inta monangkokó, pobukatan kon ḷoḻingkop.

SURAT I PAULUS KON JAMAAT RUM 5:12

Dosa in sinumuot kon dunia naa nongin intau tobatú, bo nongkon dosa tatua nomuká domandon in popatoi. Akibatnea popatoi tatua in nongawasadon kon bayongan intau, sin bayongan intau in nogaid domandon kon dosa.

ULANGAN 26:12

Pomuḷoi in taong nogintoḷu moiko in musti mobogoi in sosumba mopuḷú noporosen, tuata in mopuḷú noporosen nongkon bungai in boyó kon butámu kon imang Lewi, intau ango-angoi, adí uno-unon bo inta dongkadon boba-bobay, dá kon bonu in bayongan kotámu mosia mokouḻí kon kaanon inta paraḷuon monia. Aka mopaḷutdon,

IBRANI 7:10

Umpakabí diápa noilahir in ki Lewi, táe motaau bidon tangoion kon sia in kon bonu bidon awak i Abraham mogoguyangnea tatua, wakutu in ki Melkisedek noyodungkuḷ i Abraham.

IBRANI 7:4

Dá ontongondon naton kon naa kon moḷobenbí totok in ki Melkisedek tua; sia in moḷoben tuamai in mogoguyang naton ki Abraham, nobogoi in mopuḷú noporsen kon inia nongkon bayongan inta nouḻínea kon pinoparangan tatua inta totok in mopia.

IBRANI 7:8

Imang mita inta motarimamai kon mopuḷú noporsen nongkon onu inta nouḻí in umat, mosia tua in intaubí doman inta mato-matoi. Táe podudui in onu inta pinais kon Buk Motusi, ki Melkisedek inta notarimadon kon mopuḷú noporsen ná silai imang tua in intaubí inta umuran nobiag.