IBRANI 7:5 - Alkitab Singog In Mongondow Masa In Tanaa

⁵ Aka kon hukum in agama Yahudi, imang mita buí i Lewi in mustibí mogamá kon mopuḷú noporsen nongkon bayongan inta nouḻí in umat inta ki utat monia, umpakabí tumpaḷa buí i Abraham in mosia.

IBRANI 7:5 Iomraidhean Croise

KINOBAḺIAN 35:11

Bo ki Allah in noguman doman, “Akuoibí naa in ki Allah Inta Totok in Mokawasa. Pononggadí bo pononggompudon inta kobarongon! Nongkon inimu momukádon in bangusa mita bo mobaḻí mogoguyang in datu mita.

KINOBAḺIAN 46:26

Buí i Yakub inta minayá in Mesir kobayongnea in onom nopuḷú bo onom in intau, diápabí pinoyoiyap in ki mototakanea mita.

DATU MITA IMITÁNEA 8:19

Tongá, deemanbí iko, táe ki adímubí in moposindog in baḷoi-Ku tatua.’

NEHEMIA 13:10

Koḻikud intua, kinobayáankumai in intau mita inta mopogogitogmai in musik bo intau mita in Lewi in nonaḷámaidon kon Yerusalem bo nobui kon gobánea-gobánea, sin rayat in diádon nobogoi kon onu in pakéon monia.

IḶUAIAN 1:5

Bayongan in buí i Yakub koantónea in pitu nopuḷú. Ki Yusup noiunadon nogutun kon Mesir.

IḶUAIAN 28:1

“Oinídon in ki Harun ki guya-guyangmu takin ki adí mita ki Nadab, ki Abihu, ki Eleazer bo ki Itamar, potondídon in mosia sinbá motaau mobantung kon i-Nakó mobaḻí imang.

PINOGIAPAN 18:7

Táe tongábí iko bo adímu mita in motaau mopobayá in oaidan in imang, kon bayongan oaidan inta noyotogot in mezbah bo onu inta kon Yuang Motusi. Tuata in kon bonu in totaaumu, sin Akuoi ain nomaḻí kon inimu imang. Bayongan intau inta diá inogoian in hak tatua yo hukumon matoi aka dimiug kon barang mita inta motusi tatua.”

ULANGAN 26:12

Pomuḷoi in taong nogintoḷu moiko in musti mobogoi in sosumba mopuḷú noporosen, tuata in mopuḷú noporosen nongkon bungai in boyó kon butámu kon imang Lewi, intau ango-angoi, adí uno-unon bo inta dongkadon boba-bobay, dá kon bonu in bayongan kotámu mosia mokouḻí kon kaanon inta paraḷuon monia. Aka mopaḷutdon,

IBRANI 5:4

Diábí in tobatúmai intau in gumogina in umaḻí Imang Moḷoben sin intau mobaḻí imang, aka moibog in ki Allah mogoiní kon inia bo mokiaid in oaidan tatua, ná ki Harun.

IBRANI 7:10

Umpakabí diápa noilahir in ki Lewi, táe motaau bidon tangoion kon sia in kon bonu bidon awak i Abraham mogoguyangnea tatua, wakutu in ki Melkisedek noyodungkuḷ i Abraham.