IBRANI 7:3 - Alkitab Singog In Mongondow Masa In Tanaa

³ Diá in katarangan mongo oyúon in ki amá ande ki inánea, ande mogoguyangnea. Diá doman in katarangan soaḷ kinolahirannea andeka kinopatoiannea. Sia in nádon onda bo ki Adí i Allah. Sia in nobaḻí Imang inta mononoi.

IBRANI 7:3 Iomraidhean Croise

IḶUAIAN 6:18

Ki Merari kogadí kon adí ḷoḷaki doyowa: Ki Mahli bo ki Musi. Tuata in inanakan in suku Lewi takin buí mita monia.

PINOGIAPAN 1:18

in nopotabá kon bayongan umat noyosipun kon singgai imitánea buḷan nogindua, bodongka pinipid in inanakan monia podudui in inanakan mita inta oyúon kon bonu in batúan suku monia. Tangoi in bayongan intau ḷoḷaki inta umurdon doyowa nopuḷú notaong bo namonik pinais bo iniap,

MATIUS 4:3

Dá namangoidon Ibilis bo noguman kon i-Nia, kainia: “Aka Iko totu-totuu ki Adí i Allah, yo aidaidon roti in batu mita tanaa”.

IBRANI 4:14

Manangka intua, musti umuran in kita kumadai kon onu inta ain ináku bo pinirisaya naton sin oyúondon in Imang naton momulia bo inta moḷoben. Sia ain sinumuot dapot kon tayowon i Allah, Sia tuata in ki Yesus ki Adí i Allah.

IBRANI 7:1

Ki Melkisedek naa in datu nongkon Salem bo imang i Allah inta totok in moḷantud. Wakutu in ki Abraham nobuidon nongkon pinoparangan bo nonaḷowdon kon datu mita, dá ki Melkisedek naa in namangoidon nonontomu bo nomarakat kon inia.

IBRANI 7:17

Sin kon bonu in Buk Motusi in pinaisdon nanaa, “Iko Imang inta umuran oyúon, ná ki Imang Melkisedek.”

IBRANI 7:2

Dá ki Melkisedek in inogoian i Abraham in mopuḷú noporsen nongkon bayongan inta nouḻínea kon pinoparangan. Tangoi Melkisedek naa, mangaḻenea: “Datu Moadil” muna-munamai; bo lantaran sia nongkon Salem dá tangoinea sinomangaḻean doman: “Datu Dodamean”.

IBRANI 7:6

Ki Melkisedek in deemanbí buí i Abraham, táe sia in notarima doman kon mopuḷú noporsen nongkon bayongan inta nouḻí i Abraham, bo nomarakat doman in sia kon i Abraham, intau inta ain notarima kon dandi mita nongkon i Allah.