IBRANI 7:21 - Alkitab Singog In Mongondow Masa In Tanaa

²¹ Táe ki Yesus in nobaḻí Imang pinakéanbí in ibot, nanaa in singog i Allah kon i-Nia, “Ki Tuhan in nongibotdon bo diábí baḷuian-Nea onu inta ain siningog-Nea: ‘Iko nion in Imang inta mononoi.’ ”

IBRANI 7:21 Iomraidhean Croise

MAZMUR 110:4

Takin ibot ki Tuhan ain nodandi, diábí gamáan-Nea bui, “Ikobí in imang modapot in mononoi, naonda bo ki Melkisedek.”

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

SURAT I PAULUS KON JAMAAT RUM 11:29

Sin aka ki Allah momiḻí kon intau bo mobogoi in barakat kon intau tatua, yo diábí kon dodai in onda in Sia mogamá bui kon onu inta ain pinomia-Nea.

IBRANI 5:6

Kon tontagá ibanea ki Allah in nosingog doman nanaa, “Iko nion in Imang inta mononoi, ná ki Imang Melkisedek.”

IBRANI 7:17

Sin kon bonu in Buk Motusi in pinaisdon nanaa, “Iko Imang inta umuran oyúon, ná ki Imang Melkisedek.”

IBRANI 7:20

Apadoman tua komintan siningog i Allah pinodoyon kon ibot. Diábí in ibot natua kon wakutu in imang mita tatua binaḻí imang.

IBRANI 7:23

Tobatú soaḷ inta moponting: Imang mita ibanea in mobayongbí sin mosia tua in mato-matoipabí sahingga in diádon motaau mogingguput kon oaidan monia.

IBRANI 7:28

Hukum in agama Yahudi nopobaḻí imang moḷoben kon intau diá nosompurna. Táe onda intua, nongkon hukum agama tatua inaidan i Allah in dandi inta sinakinan in ibot kon baḻíon-Neabí, Imang Moḷoben in ki Adí-Nea inta binaḻí-Nea mopoposaḷamat inta mosompurna bo inta diá mato-matoi.

SAMUEL 1 15:29

Inta Momulia ki Allah in Israel in diábí monguboḷ bo diábí doman momanasaḷ, sin Sia in deemanbí intau.”