IBRANI 7:2 - Alkitab Singog In Mongondow Masa In Tanaa

² Dá ki Melkisedek in inogoian i Abraham in mopuḷú noporsen nongkon bayongan inta nouḻínea kon pinoparangan. Tangoi Melkisedek naa, mangaḻenea: “Datu Moadil” muna-munamai; bo lantaran sia nongkon Salem dá tangoinea sinomangaḻean doman: “Datu Dodamean”.

IBRANI 7:2 Iomraidhean Croise

KINOBAḺIAN 28:22

Bo akuoi in mobogoi kon i Tuhan mopuḷú noporsen nongkon bayongan in yagi-yagi inta inogoi i Tuhan kon inakó. Batu tompoingat inta pinosindogku tanaa in mobaḻí tampat posumbaan kon i Tuhan.”

SAMUEL 2 23:3

Ki Allah i Yakub ain nosingog; kon inakó moḷoḷukad in Israel in noguman: “Datu inta nomarenta kon rayat takin moadil inta nonongganut takin toindudui kon i Tuhan,

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

TAWARIKH 1 22:9

Umpaka natua, nodandi in Sia kon inakó nanaa: ‘Iko in mokouḻíbí kon adí ḷoḷaki tobatú inta momarenta takin mobiag motompia sin Akuoi in motuḷung kon inia dá diá in musung in monubu kon inia. Sia in tangoian ki Salomo sin kon bonu in sia in momarenta, Akuoi in mobogoibí in kobiagan motompia bo moaman kon bayongan in Israel.

MAZMUR 72:7

Igumon mako kooadil in modugang kon bonu in wakutunea, bo kororomon in moiḻiu kon tungkuḷ in oyúonpa in buḷan.

IMAMAT 27:32

Tobatú nongkon biag mopuḷú tua in mobaḻí kapunyaan i Tuhan. Aka biag tatua iapon, dá pomuḷoi in biag inta noginpuḷú mobaḻí kapunyaan i Tuhan.

PINOGIAPAN 18:21

Guman i Tuhan kon i Harun, “Bayongan sosumba mopuḷú noporsen in intau mita Israel ogoi-Ku kon intau mita in Lewi. Tuata in tonsilai monia mobaḻí toguḷopí in pinogaidan monia kon Ḷoḷaigan-Ku.

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

LUKAS 2:14

“Dinayo-dayowdon in ki Allah kon tampat inta Totok in Moḷantud! Bo dodamean umuran kotaki-takin monimu, intau inta umuran mogaid kon mokosanang kon gina i Tuhan!”

SURAT I PAULUS KON JAMAAT RUM 3:26

Táe tanaa in hukumon-Neabí ki ine in mogaid kon inta diá mopia sin moponiata kon moadilbí in Sia. Aid-Nea tatua in moponiatabí kon Sia tua in totu-totuubí mobanar; bo pomuḷoi intau inta mopirisaya kon i Yesus, pinoniata-Neadon saḷaku intau inta ain noyopia bui takin i Allah.

IBRANI 7:1

Ki Melkisedek naa in datu nongkon Salem bo imang i Allah inta totok in moḷantud. Wakutu in ki Abraham nobuidon nongkon pinoparangan bo nonaḷowdon kon datu mita, dá ki Melkisedek naa in namangoidon nonontomu bo nomarakat kon inia.

IBRANI 7:3

Diá in katarangan mongo oyúon in ki amá ande ki inánea, ande mogoguyangnea. Diá doman in katarangan soaḷ kinolahirannea andeka kinopatoiannea. Sia in nádon onda bo ki Adí i Allah. Sia in nobaḻí Imang inta mononoi.

SAMUEL 1 8:15

Gobá in tudunea bo gobá in anggurmu poigumanneadon kon pajak mopuḷú noporosen nongkon bungai in boyó, bodongka ogoinea kon porwira mita bo pogawainea mita.

SAMUEL 1 8:17

Mopuḷú noporsen nongkon paanan in bembé dombamu in gamáannea. Bo moiko doman in baḻíonnea ki atanea.