IBRANI 7:14 - Alkitab Singog In Mongondow Masa In Tanaa

¹⁴ Kinotaauan bidon in bayongan imang kon ki Tuhan naton nongkon sukubí in Yahudi. Diábí kon dodai in onda in kinotangoian i Musa in suku tatua wakutu in sia nongonguman kon soaḷ imang mita.

IBRANI 7:14 Iomraidhean Croise

KINOBAḺIAN 46:12

Ki Yohuda; ki adínea mita: ki Syela ki Peres bo ki Zerah, yo ki adí mita i Yohuda ibanea, ki Er bo ki Onan in minatoi kon Kanaan. Ki adí mita i Peres in ki Hezron bo ki Hamul.

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

YESAYA 11:1

Buí i Datu Daud naonda bo pangkoi in kayu inta ain pinupuḷ. Táe ná doman onda nongkon tuodnea nomuká in poḻimping mobagu, natua doman nongkon buí i Daud in moiangoi in datu tobatú.

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

PINOGIAPAN 24:17

Inontongku in sia, táe deemanbí tanaa mako; binobuiku in sia, táe nongkon noyayú. Datu tobatú nongkon Israel in sia, mamangoi naonda bo tundi inta motarang. Itoi mita in Moab in toko ropúonku bangusa i Set in rimumudonnea.

MATIUS 2:6

Bo iko Betlehem, butá i Yohuda, iko in deemanbí totok in mointok kon sigad monia inta nomarenta kon Yohuda. Sin nongkon inimubí naa moisindog in tobatú intau inta mobaḻí itoi, Sia inta moḷukad kon bayongan umat-Ku kon Israel.”

LUKAS 1:43

Ki inebí in akuoi naa nodapot in ki iná i Tuhan namangoi noindoi kon inakó?

LUKAS 3:33

inta ki adí i Aminadab, ki adí i Admin, inta ki adí i Arni, ki adí i Hezron, ki adí i Peres, ki adí i Yohuda,

YOHANES 20:13

Malaekat mita tatua in noḻibó, “Iná, nongonu sin mongombaḷ?” Ki Maria in noguman, “Ki Tuhanku in ginamádon in intau, bo diá doman kinotaauanku mongo pinobayá monia in onda.”

YOHANES 20:28

Ki Tomas in noguman kon i Yesus, “Tuhanku bo Allahku!”

SURAT I PAULUS KON JAMAAT RUM 1:3

Habar Mopia tatua in soaḷbí ki Adí i Allah, inta ki Tuhan naton, ki Yesus Kristus. Inta aka podudui in awak ilo-ilow naa, yo Sia tua in buíbí i Daud.

SURAT I PAULUS KON JAMAAT RUM 2:3

Táe moiko in nomia doman kon soaḷ mita inta pinonapud monimu kon intau ibanea! Degá iraimai monimu, moiko nion in diábí kotugatan in hukuman i Allah?

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

PILIPI 3:8

Deemanbí tongá kon soaḷ mita tatua; táe kon bayongan doman in rupa-rupa inanggapkudon diá in mangaḻenea. Sin naonda in akuoi nonotaaudon kon i Kristus Yesus, yo kinorasaanku kon tuabí in mopia-pia nongkon bayongan in rupa-rupa. Lantaran ki Kristus, dá bayongan in rupa-rupa sinaḷaankudon sin tua komintan diábí in mangaḻenea, bo bá mouḻíkudon in ki Kristus,

IBRANI 7:13

Imakusud naa in ki Tuhan naton: Sia in nongkon sukubí ibanea, bo diápabí kon dodai in onda intau nongkon sukunea in nogaid saḷaku imang.

IBRANI 7:15

Onu inta inouman naa in nodugangdon nosilang, naonda in oyúondon imang ibanea ná ki Melkisedek.

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”

WAHYU 5:5

Bo tobatú in intau nongkon sigad in itoi mita tatua in noguman kon inakó, “Donaai mongombaḷ! Indoiai! Singa nongkon suku in Yohuda, buí i Daud inta moḷoben, ain nountung. Sia in mokosanggup moḷosi kon meterai pitu tatua bo mobuká kon buk tatua.”