IBRANI 7:12 - Alkitab Singog In Mongondow Masa In Tanaa

¹² Dá aka ḷoḻitúan in imang mita bo mobaḷu-baḷuibí; yo hukum in agama Yahudi in mustibí doman mobaḷu-baḷui.

IBRANI 7:12 Iomraidhean Croise

YESAYA 66:21

Tongosilai in kon sigad monia in baḻíon-Ku imang bo intau in Lewi.

YEHEZKIEL 16:61

Kotoropanmubí in aidmu mita bo angoian in oyá kon dodai in ki utatmu mita pobuion-Kudon kon inimu. Baḻíon-Ku in mosia naonda bo ki adímu mita, umpakabí intua diá noituot kon dodandian-Ku takinmu.

IBRANI 7:11

Wakutu in imang mita intau in Lewi nobaḻí itoi, hukum agama in Yahudi inogoi kon umat Israel, sin kon tungkuḷ intua imang mita intau in Lewi in diá mokotoindudui totok kon onu inta musti pomiaan monia, manangka intua musti oyúon imang ibanea, inta ná tai Imang Melkisedek, bo mosia naa in deemanbí nongkon kolompó i Imang Harun.

IBRANI 7:13

Imakusud naa in ki Tuhan naton: Sia in nongkon sukubí ibanea, bo diápabí kon dodai in onda intau nongkon sukunea in nogaid saḷaku imang.

IBRANI 9:10

Sin upacara mita tatua in tongábí soaḷ kokaanon bo oinumon bo noyagi-yagimaidon upacara pondaritan. Bayongan intua tongábí atorang mita in intau inta pakéon modapot wakutunea ki Allah monoimbagu kon dunia naa.