IBRANI 7:11 - Alkitab Singog In Mongondow Masa In Tanaa

¹¹ Wakutu in imang mita intau in Lewi nobaḻí itoi, hukum agama in Yahudi inogoi kon umat Israel, sin kon tungkuḷ intua imang mita intau in Lewi in diá mokotoindudui totok kon onu inta musti pomiaan monia, manangka intua musti oyúon imang ibanea, inta ná tai Imang Melkisedek, bo mosia naa in deemanbí nongkon kolompó i Imang Harun.

IBRANI 7:11 Iomraidhean Croise

GALATIA 2:21

Diábí sinolakku in totabi i Allah. Sin aka kuma bo oyúon in kasaḷamatan aka dumudui kon hukum in agama, yo diá bidon mangaḻe in kinopatoian i Kristus!

GALATIA 4:3

Natua doman in kita, kon dodai in diápa moguyang in pirisaya, yo kita in mobaḻípabí ata in Ibilis mita kon dunia naa.

GALATIA 4:9

Tongá masa in tanaa, moiko aindon nopirisaya kon i Allah, ande singogon mako mopoḷok, ki Allah ain nonotaau kon i monimu. Táe nongonu sin moiko in buipabí mosumba kon dimukud mita inta moraat tatua?

IBRANI 5:10

Bo ki Allahbí tontaní in nopobaḻí kon i-Nia saḷaku Imang Moḷoben, ná ki Imang Melkisedek tua!

IBRANI 5:6

Kon tontagá ibanea ki Allah in nosingog doman nanaa, “Iko nion in Imang inta mononoi, ná ki Imang Melkisedek.”

IBRANI 6:20

Ain binontangan i Yesus in daḷan bayáan naton tatua, Sia in sinumuotdon kon tua bo nobaḻí Imang naton Imang Moḷoben inta diádon mato-matoi ná ki Imang Melkisedek.

IBRANI 7:10

Umpakabí diápa noilahir in ki Lewi, táe motaau bidon tangoion kon sia in kon bonu bidon awak i Abraham mogoguyangnea tatua, wakutu in ki Melkisedek noyodungkuḷ i Abraham.

IBRANI 7:12

Dá aka ḷoḻitúan in imang mita bo mobaḷu-baḷuibí; yo hukum in agama Yahudi in mustibí doman mobaḷu-baḷui.

IBRANI 7:13

Imakusud naa in ki Tuhan naton: Sia in nongkon sukubí ibanea, bo diápabí kon dodai in onda intau nongkon sukunea in nogaid saḷaku imang.

IBRANI 7:15

Onu inta inouman naa in nodugangdon nosilang, naonda in oyúondon imang ibanea ná ki Melkisedek.

IBRANI 7:21

Táe ki Yesus in nobaḻí Imang pinakéanbí in ibot, nanaa in singog i Allah kon i-Nia, “Ki Tuhan in nongibotdon bo diábí baḷuian-Nea onu inta ain siningog-Nea: ‘Iko nion in Imang inta mononoi.’ ”

IBRANI 8:7

Aka kuma bo diá in gaatnea kon dodandian inta muna, yo tantú diá bidon paraḷu mogaid bui kon dodandian inta induanea.

IBRANI 9:6

Natuata, sinompia komintan intua. Pomuḷoi in singgai imang mita tumuot kon bonu in ḷoḷaigan tatua kon tampat inta kon muna totok, bo mopobayá in oaidan monia kon tua.