IBRANI 6:5 - Alkitab Singog In Mongondow Masa In Tanaa

⁵ bo inta ain notarima kon pirman inta mopia nongkon i Allah bo kawasa mita in dunia inta kon singgai moiduduimai.

IBRANI 6:5 Iomraidhean Croise

MAZMUR 34:8

Malaekat i Tuhan in moḷukad kon intau inta mopirisaya, bo mopoḷuat kon i monia nongkon anib.

MATIUS 12:32

Bo aka intau mosingog kon pomaḷawang kon Adí Intau, sia in ampunganpabí, táe aka sia bo momaḷawang kon Roho i Allah, yo sia in diábí motaau ampungan in tanaa mako andeka kon aherat!”

MARKUS 6:20

Sin kinotaauan i Herodes kon ki Yohanes tua in totabá mopia i Allah dá mobangkaḷ in sia. Manangka intua pinoki ḷukadnea totok in ki Yohanes kon bonu in ponjara. Bo aka mosingog in ki Yohanes yo moibogbí in ki Herodes mokidongog kon singognea, umpakabí moḻia-ḻiaw totok in ginanea in mokodongog.

LUKAS 8:13

Aka bibit inta noḷabú kon butá inta nobayong in batu, tua in ibarat intau inta nokidongog kon Pirman i Allah, bo notarima takin pia in gina, táe onu in dinongog monia tua diá noitonop kon bonu in gina monia. Mosia in tongá nopirisaya notoyong, naonda in kino angoian sobaan, mosia in diá nonahang bo nobaḷui in pirisaya monia kon i Allah.

EPESUS 6:17

Gamádon in kasaḷamatan saḷaku sapoyo uwaja, bo singog i Allah saḷaku pitow nongkon Roho i Allah.

IBRANI 11:3

Lantaranbí oyúon in pirisaya, dá kinotaauandon naton kon dunia naa in binaḻíbí i Allah takin singog-Nea. Dá onu inta koontongan naton tua, in nobaḻíbí nongkon onu inta diá koontongan tua.

IBRANI 2:5

Malaekat mita in diábí inogoian i Allah in kawasa momarenta kon dunia mobagu singgai moiduduimai, dunia inta yogot oumanon naton tanaa.

IBRANI 4:12

Sin pirman i Allah tatua in singogbí inta nobiag bo moropot bo Siabí in moḷani-ḷanit nongkon pitow inta doyowa in matanea. Singog tatua in tumurak nodapot in nopoyotondí in jiwa bo roho; boḻikatog bo tuḷan bobubuton, sahingga in kotaauanneadon totok in raian bo niat in intau.

PETRUS 1 1:25

táe pirman i Tuhan in mononoibí.” Pirman tatua in Habar Mopia inta ain pinotaau kon inimu.

PETRUS 1 2:3

Sin kon Buk Motusi ain pinais nanaa: “Kopopia i Tuhan kinorasaan bidon monimu.”

PETRUS 2 2:20

Intau inta nonotaaudon kon i Tuhan bo kon i Mopoposaḷamat naton ki Yesus Kristus, yo sia tua in noipilatdon nongkon kawasa mita in dunia naa inta mokokotor kon intau. Táe onda intua sia in buidon nogaid kon inta moraat, dá oaid in intau tatua in moiḻiu bidon totok kon koraatnea inta muna.