IBRANI 6:2 - Alkitab Singog In Mongondow Masa In Tanaa

² ande totundú inta pinodoyon kon baptisan andeka soaḷ momarakat kon intau ande soaḷ kobiagan bui naonda in matoi, andeka doman soaḷ kobiagan mononoi.

IBRANI 6:2 Iomraidhean Croise

MOHOHUTUBA 12:14

Ki Allah in mongadilbí kon bayongan in oaid naton; inta mopia bo inta moraat, nodapot in inta noibuni doman.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

MATIUS 28:19

Tuamai, bayádon, bo baḻídon in bayongan intau dumodudui-Ku, bo baptisdon in mosia podoyon kon tangoi i Amá, Adí, bo in Roho i Allah.

MATIUS 3:14

Táe ki Yohanes nongampag kon i-Nia, kainia: “Akuoibí naa in musti baptison i Pak Guru, táe tanaa in noyoḻiudon, ki Pak Gurubí in mamangoi bo mokibaptis kon inakó!”

MARKUS 16:16

Intau inta diá mopirisaya hukumon. Táe intau inta mopirisaya bo binaptis in posaḷamaton.

MARKUS 7:4

Onu in taḷuion kon pasar diápabí kaanon, aka diápa batáan muna. Nobayongpa doman in atorang nongkon mogoguyang monia inta umuranpa totok kinadaian monia; umpamanea atorang moyuyuk kon galas, palo, bo pakakat mita inta nongkon tambaga.

MARKUS 7:8

Parenta mita i Allah in toḻikudan mita monimu, bo atorang mita intau tua in kadaian totok monimu.”

LUKAS 11:38

Táe intau in Parisi tatua nongoherang in nokoontong kon i Yesus nongaan táe diá muna nonomok ná atorang in agama.

LUKAS 12:50

Oyúonpa in roriga moḷoben in musti kobayáan-Ku. Moajarbí totok in gina-Ku aka tua komintan bo diápa kobayáan-Ku.

LUKAS 14:14

Aka natua yo iko in barakatan sin intau mita tatua in diá mokotuḻí kon oaidmu inta mopia. Oaidmu inta mopia tua in ki Allahbí in motuḻí kon wakutu in intau mita mopia tatua biagon bui nongkon kinopatoiannea.”

LUKAS 3:16

Tuamai in ki Yohanes noguman kon i monia komintan, nanaa, “Akuoi in Mopobaptis kon i monimu in tubig, táe moiangoibí in intau inta moḷobe-ḷoben nongkon inakó. Umpaka tongá mobuká kon togot in sapatunea yo diá kobaḻí in akuoi. Sia tua in mopobaptis kon i monimu in Roho i Allah bo tuḷu.

YOHANES 1:33

Tungkuḷ intua diápabí kinotaauanku mongo ki ine in Sia. Táe ki Allah inta nopotabá kon inakó mopobaptis in tubig nogumandon kon inakó nanaa, ‘Aka mokoontong in iko kon Roho i Allah moponag bo mogutun kon intau tobatú, yo intaubí tatuata inta mopobaptis in Roho i Allah.’

YOHANES 5:29

bo ḷumuai nongkon poḷoḷobongan. Intau inta nogaid kon mopia in mobangon bo mobiag. Táe intau inta nogaid kon moraat in mobangon sin hukumon.”

OUMAN IN RASUL MITA 10:47

“Indoiaika, intau mita tanaa in kinawasa domandon in Roho i Allah naonda doman bo kita. Dá motaaupa degá intau moḷamboi kon i monia in baptison tubig?”

OUMAN IN RASUL MITA 13:3

Naonda in nopaḷutdon nopuasa bo nosambayang in mosia, binarakatandon monia in ki Barnabas bo ki Saulus bo poḷat pinotabá minayá in taya dua.

OUMAN IN RASUL MITA 16:15

Dá mosia tobaḷoian in nodait binaptis. Naonda in nopaḷut binaptis, inoinínea in kami poḷat noguman in sia, “Aka rasaanmai i utat mita kon akuoi in totu-totuu bidon mopirisaya kon i Tuhan Yesus, dá koḻigai mongandupa kon baḷoiku.” Totoknea in pakisaan sinbá duduianpa nami in oigumnea tatua.

OUMAN IN RASUL MITA 16:33

Kon doḷompa doman tua bo dinia itoi in ponjara tatua in mosia bo dinaritan in kekeb mita monia. Dá sia bo bayongan in intau inta kon bonu in baḷoinea baya-bayádon binaptis.

OUMAN IN RASUL MITA 17:18

Guru mita nongkon golongan in Epikuros bo Stoa nobobayowanmai takinnea. Oyúon kon sigad monia tua in nosingog nanaa, “Eta onubí in kotaauan in intau mita tanion? Mosia nion in dondunguḷbí mita, táe moantó in ouman!” Bo ibanea in moguman doman, “Sia nion ná bí mopotaau in dewa ibanea.” Tua mita in singog monia sin ki Paulus nopotaau in habar soaḷ ki Yesus kon i monia bo soaḷ doman kobiagan naonda in matoi.

OUMAN IN RASUL MITA 2:38

Ki Petrus in noguman kon i monia nanaa, “Pogogaidon in mogaid kon dosa in moiko bo pokibaptisdon kon bonu in tangoi i Yesus Kristus sinbá modait ampungan in dosa. Bo moiko in motarima kon Roho i Allah.

OUMAN IN RASUL MITA 2:41

Noantó in intau in nopirisaya kon inta pinoguman i Petrus bo poḷat nokibaptis. Dodai intua intau inta nopirisaya in nodugangdon toḷu noribu in kobayongnea.

OUMAN IN RASUL MITA 23:6

Kinotaauan i Paulus kon mosia inta kon tua in nobayongbí in nongkon golongan Saduki bo Parisi. Tuamai sia in noguman kon Mahkama Agama tatua, “Utat mita! Akuoi naa intaubí in Parisi, buí intau in Parisi. Akuoi in sidangon kon naa sin akuoi in mopirisaya kon intau minatoi in mobiagbí bui.”

OUMAN IN RASUL MITA 24:15

Akuoi in ná bí doman mosia inta moharap doman mako kon i Allah kon bayongan intau in mobiagbí bui naonda in matoi, intau mopia andeka intau moraat!

OUMAN IN RASUL MITA 24:21

Tongábí tokalimat tanaa in nouḻí monia inta siningogku wakutu in akuoi kon tayowon monia, naa in singogku: Akuoi in adilon monimu in singgai naa tongábí popisí in akuoi mopirisaya kon intau mita inta ain minatoi in mobiagbí bui.”

OUMAN IN RASUL MITA 24:25

Táe naonda in ki Paulus nongonguman kon soaḷ mobiag moitutui, soaḷ monahang kon napusu bo soaḷ hukuman kon singgai tumi, inagían ondok in ki Peliks dá nogumandon nanaa in sia, “Iko in motaaudon mayá in tanaa. Bain aka oyúon in kasampatan mopia, buikubí pokioiní in iko.”

OUMAN IN RASUL MITA 26:8

Nongonu sin tai utat mita intau in Yahudi in diábí mopirisaya kon ki Allah in nomiagbí kon intau minatoi?

OUMAN IN RASUL MITA 4:2

Mosia in sinumorú kon i nayadua sin mosia ain notundú bo nopotaau kon intau mita kon ki Yesus aindon nobiag bui nongkon kinopatoian-Nea. Tua in nobaḻí bukti kon intau matoi in mobiagbí bui.

OUMAN IN RASUL MITA 6:6

Taya pitu tua in dinia kon tayowon in rasul mita bo sinambayangan poḷat nopoigum sinbá barakatan i Tuhan in mosia.

SURAT I PAULUS KON JAMAAT RUM 2:16

Natuata in mobaḻí kon singgai inta ain sinantú tua. Kon Singgai tatua, podudui in Habar Mopia inta pinoyaputku naa, ki Allah pongin i Yesus Kristus mohakim kon bayongan inta noibuni kon bonu in gina bo raian in bayongan intau.

KORINTUS 1 10:2

Sinbá mobaḻí dumodudui i Musa, dá mosia komintan in binaptis kon bonu in goḷom bo kon bonu in dagat tatua.

KORINTUS 1 12:13

Natua doman in kita komintan, intau in Yahudi ande deeman, ata ande deeman; kita komintan ain bidon binaptis in Roho inta kotangoianmai naa, sinbá motobatúdon in kita kon awak i Kristus bo mokorasa doman kon Roho inta notongkai doman tatua.

KORINTUS 2 5:10

Sin notantúbí kon kita in diaanbí kon tayowon pongadilan i Kristus, bo pomuḷoi intau in motarimabí kon inta patus tarimaannea podudui in oaidannea kon wakutu in kon duniapa naa – oaid mopia andeka moraat.

PILIPI 3:21

Awak naton inta ilo-ilow bo inta diá mononoi naa, baḷuian i Kristus mobaḻí naonda bo awak-Nea tontaní inta momulia. Motaau-Neabí aidan intua, sin oyúonbí in kawasa nongkon i-Nia mopotungkud in bayongan yagi-yagi.

KOLOSE 2:12

Sin kon wakutu in moiko binaptis, moiko in iḷobongdon noyotakin i Kristus; bo takin doman baptisan tatua, moiko in noitakin doman biagon bui moyotakin i Kristus popisí in moiko mopirisaya kon kawasa i Allah inta ain nomiag kon i Kristus nongkon kinopatoian.

TIMOTIUS 2 2:18

Mosia tua ain inumukat kon totundú inta mobanar bo mopotombauk kon pirisaya in tongonumai intau. Mosia in noguman, kon kobiagan nongkon kinopatoian ain bidon nobaḻí.

IBRANI 11:35

Popisí in oyúon in pirisaya monia, dá bobay mita in noyodungkuḷ bui in intau mita monia inta ain minatoi, sin mosia in biniagdon bui. Oyúon doman inta norelabí in iroriga nodapot in minatoi, bo doíbí pobebason popisí in moibog bui biagon bo mokouḻí kon kobiagan inta totok in mopira.

IBRANI 9:10

Sin upacara mita tatua in tongábí soaḷ kokaanon bo oinumon bo noyagi-yagimaidon upacara pondaritan. Bayongan intua tongábí atorang mita in intau inta pakéon modapot wakutunea ki Allah monoimbagu kon dunia naa.

PETRUS 2 3:7

Táe ḷangit bo butá in umuranpa oyúon in tanaa mako, iḷukadandon in singog i Allah nongkon tuḷu sin popogoḷat kon singgai ponantúan bo koyoyangan in intau mita inta moraat.