IBRANI 5:12 - Alkitab Singog In Mongondow Masa In Tanaa

¹² Sabanarnea aka raionmai yo moiko nion in bá mobaḻí bidon guru, táe nion in mustipabí moiko mobalajar kon intau ibanea kon soaḷ totundú mita i Allah inta totok in moponting. Moiko in diápa motaau mokaan kon kaanon motogat, bá umuranpa poinumon in susu.

IBRANI 5:12 Iomraidhean Croise

SAMUEL 2 16:23

Kon tungkuḷ intua bayongan tonggina i Ahitopel sinarima naonda bo tosingogon i Allah tontaní in tosingogonnea tua; pinomayá ki Daud andeka ki Absalom dumudui kon tongginanea mita.

EZRA 7:10

Ki Ezra in totokdon in nonaridi kon Hukum i Tuhan, sin aidan bo motundú kon bayongan in inta sinantú bo atorangnea kon bangusa in Israel.

MAZMUR 34:11

Umpaka singa mita yo gogoyonbí doman popisí in kodaitan in kaanon; táe intau inta mosumba kon i Tuhan in diábí kodaitan.

YESAYA 28:13

Tuamai in ki Tuhan notundú kon i monimu pinangkoi kon hurup mita, tosingogon bo onu in singogon. Bo kon tungkuḷ in minayá moiko noḷabú noiboḻingkayang nodapot in kinekeban, noibaaḷ bo kinodomokan.

YESAYA 55:1

KI Tuhan in noguman, “Igaidon in moiko komintan inta morogang, ponginumdon, tubig in sinadiadon. Angoidon in moiko inta diá kodoit, tarimadon in gandum inta diábí uboḻian, bo kaandon! Anggur bo susu in sinadiadon, tarimadon mako diábí uboḻian.

MATIUS 17:17

Dá ki Yesus in noguman kon murí-Nea mita, “Ei moiko intau inta diá mongopirisaya bo intau inta nongoiḷaḻe, dapotpamain onda in Akuoi in musti moyotakin monimu? Diadon mangoi kon naa adí tanion!”

MARKUS 9:19

Dá ki Yesus in noguman kon murí-Nea mita, “Moiḻiu-ḻiu bidon in moiko nion! Totu-totuubí kon moiko nion intau inta diá mopirisaya. Modapotpa in onda in Akuoi musti mogutun moyotakin monimu bo mokoposabar? Dia mangoi kon naa in adí tanion!”

OUMAN IN RASUL MITA 7:38

Ki Musabí tuata inta kon yua-yuak in bangusa Israel kon padang gurun, inta nobaḻí tonsigad kon malaekat inta nopoyaput in singog kon inia kon Buḷud in Sinai takin mogoguyang naton. Sia tuata inta notarima kon habar inta nobiag nongkon i Allah sin poyaput kon i naton.

SURAT I PAULUS KON JAMAAT RUM 3:2

Mobayongbí totok in baragunanea! Muna-munamai, lantaranbí kon intaubí in Yahudi naa in pinopopirisayaan i Allah in singog-Nea mita.

KORINTUS 1 14:19

Táe aka wakutu in jamaat moyosipun mosumba kon i Tuhan, mosana-sanangbí in ginaku in mopoyaput in ḻima notontagá inta komangaḻean in intau dika in moantó in singog inta kon bonu in bahasa mokoherang táe diá komangaḻean in intau. Tuabí in totok kinoibogku sinbá motaau in akuoi motundú kon intau.

KORINTUS 1 14:20

Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon.

GALATIA 4:3

Natua doman in kita, kon dodai in diápa moguyang in pirisaya, yo kita in mobaḻípabí ata in Ibilis mita kon dunia naa.

PILIPI 3:1

Pangabisannea, pogumanku kon i monimu utatku mita, kosanangdon in gina monimu, sin moiko ain notobatú i Tuhan. Diábí mobú in akuoi in momais bui kon onu inta ain pinaisku koḻipod kon i monimu; sin kopiaanbí monimu intua.

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

IBRANI 10:32

Toropka in kaadaan monimu koḻipod. Kon wakutu in moiko notarima kon bayag inta pinonindar i Allah, moiko in tantú nokorasa kon yoyiga, táe umuran nobakuat totok in moiko.

IBRANI 5:11

Nobayongpabí in musti popotaau nami kon i monimu in soaḷ kadudukan i Yesus saḷaku Imang Moḷoben, táe moyoyiga totok in moginsilang kon tua sin moḷaḷoi totok in pororai monimu.

IBRANI 5:13

Intau inta monginumpa kon susu mangaḻenea kon tua adípa mointok inta diápa nonotaau kon onu inta noitutui bo onu inta noitaḷá.

IBRANI 6:1

Tuamai, koḻigai bá mobalajardon in kita kon totundú moiduduimai naa soaḷ naonda in kobobiag saḷaku intau in Keresten inta moguyangdon in pororai. Donaaidon tongá umuran mopobui-buimai kon totundú inta muna. Musti mogogai in mogaid kon inta diá in baragunanea bo musti mopirisaya kon i Allah,

PETRUS 1 2:2

Moiko in musti mobaḻídon naonda bo adí mointok inta bagu pinononggadí inta umuran moyogang in susu inta nongkon soroga. Aka natua yo mobiagbí bo posaḷamatonbí in moiko.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.