IBRANI 5:1 - Alkitab Singog In Mongondow Masa In Tanaa

¹ Sin pomuḷoi in imang moḷoben piniḻí nongkon sigad in umat, binaḻídon simpaḷ i Allah saḷaku toḻiu monia. Oaidan imang tatua in mobogoi in sosumba kon i Allah bo mobogoi in kuruban mita sin potobut kon taḷá mita in intau.

IBRANI 5:1 Iomraidhean Croise

IMAMAT 8:2

“Oinídon in ki Harun bo ki adínea mita bo diadon in pakeang imang, ḷana upacara, sapi koḷakian tobatú inta batánea sin baḻíon kuruban potobut kon dosa, domba koḷakian doyowa, bo tokompé in roti inta diá iragian.

IMAMAT 9:7

Nopaḷut mako kon tua sia noguman kon i Harun, “Bayádon kon mezbah bo sadiadon in kuruban potobut kon dosa bo kuruban tubáan, sinbá dosamu bo dosa in umat ampungandon i Tuhan. Aidaidon intua ná inta ain pinoki aid i Tuhan.”

SURAT I PAULUS KON JAMAAT RUM 15:17

Popisí in akuoi bo ain notobatú i Kristus Yesus, dá mosanangdon totok in ginaku, sin motaaudon in akuoi mogaid kon oaidan tatua kon i Allah.

KORINTUS 1 15:3

Onu inta ain pinotaauku kon i utatku mita, yo tuabí doman in sinarimaku. Inta totok in moponting, ná inta pinais kon bonu in Buk Motusi, akuoi ain nopotaau kon i monimu kon ki Kristus ain minatoi popisí in dosa mita naton;

IBRANI 10:11

Pomuḷoi in singgai imang intau Yahudi umuran mogaid kon oaidan monia saḷaku imang bo umuran doman mopobui-buimai in moposumba in kuruban mita ná inta biasamai pinosumba monia. Táe totuubí kon kuruban mita tatua in diábí mokopopat kon dosa.

IBRANI 10:12

Táe ki Kristus in tongábí komintan noposumba in kuruban potobut kon dosa, bo kuruban tatua in umuranbí pakéon modapotkabí in kopaḷutan dunia naa. Naonda in nopaḷut mako noposumba in kuruban tatua, ki Kristus in iḻimitú kon dotá in koḷanan i Allah bo nomarenta noyotakin-Nea.

IBRANI 11:4

Popisí in oyúon in pirisaya, dá ki Habel in noposumba kon i Allah in kuruban inta mopia-pia nongkon onu inta pinosumba i Kain. Popisí doman in pirisayanea tatua, dá ki Habel in sinarima i Allah saḷaku intau inta mopia, bo tua in noniatadon kon sosumbanea in sinarima i Allah. Bo popisí in pirisayanea, dá sia in nosingogpabí umpaka minatoidon.

IBRANI 2:17

Mangaḻenea kon naa kon bayongan in yagi-yagi Sia in musti mobaḻí naonda bo ki utat-Nea mita, sahingga notaau in Sia nobaḻí Imang Moḷoben inta motoindudui kon i Allah bo kototabi. Tua in pomiaan-Nea sinbá ampungandon dosa in intau.

IBRANI 7:27

Sia in diábí notongkai in imang mita moḷoben ibanea inta pomuḷoi in singgai musti moposumba in kuruban sin potobut kon bayongan taḷánea tontaní. Mopaḷut mako kon tua sia in moposumba doman in kuruban potobut kon dosa mita in umat. Ki Yesus in tongábí komintan noposumba in kuruban bo awak-Neabí tontaní in pinosumba-Nea saḷaku kuruban.

IBRANI 8:3

Pomuḷoi in imang moḷoben sinantú bidon kon musti moposumba in kuruban andeka mobogoi in sosumba kon i Allah. Natua doman in Imang Moḷoben naton, musti oyúon doman in ogoi-Nea posumba.

IBRANI 8:4

Aka Sia in nogutun kon dunia naa, dá diábí nobaḻí Imang in Sia, sin oyúon bidon in imang kon dunia naa inta moposumba in kuruban inta pinoigum in hukum agama Yahudi.

IBRANI 9:9

Naa nobaḻí lambang kon sempo in tanaa; mangaḻenea kon sosumba mita bo kuruban mita mahaḷuk inta pinosumba kon i Allah, diábí mokosompurna kon gina intau inta nodia kon sosumba.