IBRANI 4:9 - Alkitab Singog In Mongondow Masa In Tanaa

⁹ Manangka intua, kon umat i Allah oyúonpabí in dandi pogogogaian ná ki Allah inta nogogai doman kon singgai impitunea.

IBRANI 4:9 Iomraidhean Croise

MAZMUR 47:9

Ki Allah in iḻimitú kon pomomarentaan-Nea inta motusi; Sia in nomarenta kon bangusa mita.

IḶUAIAN 16:30

Tuamai kon singgai noginpitu mosia diá mogaid.

YESAYA 11:10

Moiangoibí in wakutunea datu tobatú buí i Daud in tantú tontongan in bangusa mita. Mosia in mamangoibí kon inia, bo pogogutunannea in tango-tangoionbí.

MATIUS 1:21

Sia in mopononggadí in adí ḷoḷaki bo Sia tangoianmu ki Yesus, sin Sia tuata inta moposaḷamat kon umat mita baradosa.”

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

IBRANI 11:25

Sia in moibo-ibogbí mobiag moyoyiga moyotakin in umat mita i Allah, doíbí in sia nobiag nosanang táe umuran kinawasaan in dosa.

IBRANI 3:11

Akuoi sinumorú bo nongibot, ‘Mosia tua in diábí moituot kon butá tatua bo mogogai moyotakin-Ku.’ ”

IBRANI 4:1

Dandi i Allah tatua in umuranpabí pakéon, bo kita in ogoianbí in pogogaian inta pinodandi-Nea tatua. Manangka intua kita in musti umuran kiḷuka-ḷukadmai sinbá diá in tobatúmai kon sigad monimu in diá mokouḻí kon pogogaian inta pinodandi-Nea tatua.

IBRANI 4:10

Intau inta ain sinumuot kon tampat pogogogaian i Allah, yo sia in mogogai bidon kon bayongan in oaidannea, ná doman ki Allah inta nogogaidon kon bayongan in oaidan-Nea.

IBRANI 4:3

Táe kita inta mopirisaya in umuranbí mokouḻí kon tampat pogogaian inta pinodandi i Allah tatua. Soaḷ tatua in noyokaan in onu inta siningog i Allah nanaa: “Akuoi in sinumorú bo nongibot, ‘kon mosia in diábí moituot bo mogogai moyotakin-Ku.’ ” Ki Allah in noguman natua umpaka oaidan-Nea in nopaḷutdon kon wakutupa in nomia kon dunia naa in Sia.

IBRANI 4:8

Aka kuma bo inogoidon i Yosua in tampat pinogogaian inta pinodandi i Allah tua, yo tantú diá bidon in ki Allah noguman bui kon soaḷ singgai ibanea nion.

PETRUS 1 2:10

Koḻipod moiko in deemanbí umat i Allah, táe masai in naa moiko in nobaḻídon umat i Allah. Koḻipod moiko in diá kinotabi i Allah, táe masai naa moiko ain notarima kon totabi-Nea.

WAHYU 14:13

Bo akuoi in bui nokodongog kon singog nongkon soroga noguman, “Paisdon in naa: Mulaidon tanaa mako, koḷungangadon in intau mita minatoi inta minatoi kon dodai in yogotpa nogaid kon oaidan i Tuhan!” “Totuu intua!” tubag in Roho i Allah. “Mosia in mogogai bidon mogaid kon oaidan monia, lantaran boḻi in pinogaidan monia umuran kotaki-takin monia.”

WAHYU 21:4

Paḻitandon i Allah in bayongan ḷuá kon mata monia. Diá bidon in popatoi. Diá bidon in mokoajar kon gina. Amui ande ombaḷ onu inta mokonakitpa kon gina in diá bidon. Soaḷ mita inta nokoyongandon ain noinggamá.”