IBRANI 4:7 - Alkitab Singog In Mongondow Masa In Tanaa

⁷ Sin ki Allah in nonantú domandon kon singgai ibanea inta sinangoian “Singgai Naa.” Bo naonda in tongonumaidon notaong noiduduimai kon tua, ki Allah in bui nosingog kon soaḷ tatua pinongin i Daud, kon bonu in tontagá inta pinais koina, nanaa, “Aka singgai naa mokodongog in moiko kon singog i Allah, yo donaai togaton in ginamu.”

IBRANI 4:7 Iomraidhean Croise

DATU MITA IMITÁNEA 6:1

Ki Salomo nomangkoi noposindog in Baḷoi Tuhan kon buḷan Ziw, tuata in buḷan nogindua, kon taong noginggopat kon pinomarentaannea, 480 notaong naonda in bangusa in Israel nonaḷámai kon Mesir.

MAZMUR 95:7

Sin Siabí in ki Allah naton, kita naa in umat inta biniag-Nea, naonda bo domba gombalaan-Nea. Singgai in naa indongogaidon in singog-Nea:

MATIUS 22:43

Dá Sia in noguman, “Aka natua, yo nongonu sin ki Daud inta kinawasaan in Roho i Allah monangoi kon i-Nia, ‘Ki Tuangnea,’ kon wakutu in sia nosingog,

MARKUS 12:36

Bokaka ki Daud tontaní kon dodai in kinawasa in Roho i Allah – noguman, ‘Ki Tuhan nogumandon kon i Tuhanku: ḻitúdon kon dotá in koḷanan-Ku modapot in potungkud-Ku in bayongan saturu-Mu.’

LUKAS 20:42

Bokaka ki Daud tontaní ain nomais kon bonu in buk Mazmurnea nanaa, ‘Ki Tuhan aindon noguman kon i Tuangku: Ḻitúdon kon dotá in koḷanan-Ku,

OUMAN IN RASUL MITA 2:29

Utatku mita, bá singogonkudon kotarangon kon i monimu in soaḷ ki Daud, ki mogoguyang naton. Sia ain minatoi bo iḷobongdon doman; pinoḷobongan kon inia in umuranpa oyúon kon sigad naton dapot in masa in tanaa.

OUMAN IN RASUL MITA 2:31

Tuamai, pinotaaudon muna i Daud kon Datu Mopoposaḷamat tatua in buibí mobiag. Nanaa in kainia, ‘Sia in diábí pomayá mako in kotaḷáan kon bonu in dunia intau minatoi; awak-Nea in diábí moyoyang bo modait.’

OUMAN IN RASUL MITA 28:25

Dá mosia posi-posimaidon minayá nonaḷámai kon tampat tatua takin diábí notantúmai in raian monia. Dá ki Paulus in nosingog kon i monia, “Totuubí in onu inta ain pinoguman in Roho i Allah inta ain pinoyaput i Nabi Yesaya kon mogoguyang monimu!

IBRANI 3:15

Tanaa in pinais kon Buk Motusi, “Aka singgai naa mokodongog in moiko kon singog i Allah, yo donaai kotogaton in gina, ná mogoguyangmu, wakutu in mosia nomaḷawang kon i Allah.”