IBRANI 4:6 - Alkitab Singog In Mongondow Masa In Tanaa

⁶ Dá mosia inta muna-munamai nokodongog kon Habar Mopia tatua, diá nokouḻí kon pogogaian tatua sin diá in mosia nopirisaya. Aka natua dá nosilang bidon kon oyúonbí in intau ibanea in motaau motarima kon pogogaian tatua.

IBRANI 4:6 Iomraidhean Croise

YESAYA 65:15

Intau mita inta piniḻí-Ku in momaké in tangoimu mobaḻí kutuk: ‘Igumon mako in ki Tuhan Inta Totok in moḷantud moḻimod kon i monimu ná mosia!’ Táe intau inta motoindudui kon i-Nakó in ogoian-Kubí in tangoi mobagu.

PINOGIAPAN 14:12

Putúan-Ku in mosia takin mopouma in takit inta dumodakit. Táe iko in baḻíon-Ku guyanga ḷoḷaki nongkon bangusa tobatú inta moḷobe-ḷoben bo moropo-ropot nongkon i monia!”

PINOGIAPAN 14:31

Moiko ain noguman kon ki adí mita monimu in dakopon. Táe mosiabí tuata in diaan-Ku mayá in butá inta kinodoí monimu tua, bo butá tatua in mobaḻídon butá inta kobiagan monia.

MATIUS 21:43

“Dá toropdon,” guman i Yesus, “bayongan hak, saḷaku umat i Allah gamáan nongkon inimu bo ogoi kon bangusa inta moibog dumudui kon parenta mita i Allah. [

OUMAN IN RASUL MITA 28:28

Pangabisannea ki Paulus in nosingog, “Tuamai in musti kotaauan monimu, kon habar kasaḷamatan inta nongkon i Allah tanaa aindon pinoyaput kon intau mita inta deeman Yahudi, bo mosia in noibogbí nokidongog kon tua!” [

KORINTUS 1 7:29

Nanaa in makusudku uḻe utat mita: Nopoḷokdon in wakutu naton. Tuamai nongkon masa in tanaa, intau inta kobuḷoi, kobiagdon naonda bo intau inta diápa kobuḷoi;

GALATIA 3:8

Bo kon Buk Motusi aindon pinais muna kon ki Allah in moposaḷamatbí kon intau mita inta deeman Yahudi, sin pirisaya monia kon i-Nia. Habar Mopia tatua aindon pinotaau muna kon i Abraham, tua inta mangaḻe in singog tanaa, “Barakat i Allah kon bayongan intau kon dunia naa in moponag mongin inimu.”

IBRANI 4:11

Tuamai, koḻigai in kita moramuji totu-totuu in tumuot kon tampat pogogogaian tatua, sinbá diá tobatúmai in intau kon sigad naton in diá moituot kon tampat tatua ná mosia koḻipod sin popisí in diá mopirisaya kon i Allah.

IBRANI 4:2

Sin habar tatua in pinotaaudon doman kon i naton notongkai ná kon i monia. Táe habar tatua diá in baragunanea kon i monia, sin wakutu in dinongog monia diá pinirisaya monia intua.

IBRANI 4:9

Manangka intua, kon umat i Allah oyúonpabí in dandi pogogogaian ná ki Allah inta nogogai doman kon singgai impitunea.