IBRANI 4:16 - Alkitab Singog In Mongondow Masa In Tanaa

¹⁶ Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.

IBRANI 4:16 Iomraidhean Croise

TAWARIKH 1 28:11

Nopaḷut mako kon tua ki Daud in noposarakadon kon i Salomo in tomayá mogaid kon Baḷoi Tuhan, gudangnea mita, bayongan in gopotnea, bo yuang Inta Totok in Motusi, tampat pongongampungan kon dosa.

YESAYA 27:11

Aka tanganea mita moingkagdon bo moputoḷ, bobay mita in mamangoi mogamá sin pondungú. Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.

IMAMAT 16:2

kai-Nia, “Potaaudon kon i Harun ki utatmu tua, kon tongábí kon singgai inta ain sinantú sia in motaau tumuot kon Yuang inta Totok in Motusi inta ain sinondí in toḻipoi, sin kon tuata Akuoi mokipogontong kon bonu in goḷom kon ḻimonik in taḷob in Poti Dodamean. Aka ki Harun ḻimimpat kon parenta tatua, yo matoi in sia.

EPESUS 2:18

Pinotonsigad kon i Kristus, kita komintan, intau Yahudi andeka deeman intau in Yahudi, takin totuḷung in Roho i Allah inta tobatú tua, kita in motaau dimiug kon i Amá.

EPESUS 3:12

Popisí in mopirisaya kon i Kristus bo lantaran notobatúdon takin-Nea, dá kita inogoiandon in daḷan dimiug kon i Allah takin totu-totuu mopirisaya.

IBRANI 13:6

Tuamai mobaranibí in kita moguman, “Ki Tuhan in mototuḷungku, tuamai akuoi in diá moondok. Onubí in motaau aidan in intau kon inakó?”

IBRANI 3:6

Táe ki Kristus in mosatiabí saḷaku Adí inta motanggung jawab kon Baḷoi Allah. Bo kitabí naa in Baḷoi Allah aka umuran moḷoben in ibog naton kumadai bo moyakin in mokouḻí kon onu inta harapon mako naton.

IBRANI 7:19

Sin diábí tobatúmai in motaau sompurnaan in hukum agama Yahudi tua. Tuamai tanaa kita in inogoiandon in harapan inta totuu mopira; sahingga in kita motaaudon dimiug kon i Allah.

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.

IBRANI 9:5

Kon tudu in poti tatua oyúon in kerub doyowa, tuata in mahaḷuk kokoḻikipan inta nobaḻí lambang koangoian i Allah. Koḻikip in mahaḷuk doyowa tatua noibuká mako kon tudu in taḷob in poti tatua, tobatú tampat pongongampungan kon dosa. Táe tua mita in diá koinsilangan batu-batúon tanaa mako.

PETRUS 1 2:10

Koḻipod moiko in deemanbí umat i Allah, táe masai in naa moiko in nobaḻídon umat i Allah. Koḻipod moiko in diá kinotabi i Allah, táe masai naa moiko ain notarima kon totabi-Nea.