IBRANI 3:9 - Alkitab Singog In Mongondow Masa In Tanaa

⁹ ‘Kon tua, mosia in nonungkuḷ bo noguji kon i-Nakó,’ guman i Allah, ‘bokaka ain inontong monia in bayongan inta pinomia-Ku kon sigad monia opat nopuḷú notaong in koonggotnea.’

IBRANI 3:9 Iomraidhean Croise

MAZMUR 95:9

Kon tua mosia in nonungkuḷ kon i-Nakó, umpaka ain nokoontong kon onu in inaidan-Ku.

IḶUAIAN 19:4

“Moiko ain nokoontong kon onu inta inaidan-Ku kon intau in Mesir, bo kon dodai in Akuoi nodia kon i monimu namangoi kon i-Nakó kon tampat tanaa takin kawasa inta moḷoben, naonda bo ḷagapan nodia kon i adínea kon ḻimonik in koḻikipnea.

IḶUAIAN 20:22

Ki Tuhan nomarenta kon i Musa moguman kon bangusa Israel, “Moiko ain nokoontong kon naonda in Akuoi, ki Tuhan, nosingog kon i monimu nongkon ḷangit.

AMOS 2:10

Moiko in dinia-Kudon iḻumuai nongkon Mesir, bo dinia-Ku nongin rawang in bungaion opat nopuḷú notaong in koonggotnea. Butá in intau in Amori ain inogoi-Ku kon inimu nobaḻí butámu tontaní.

PINOGIAPAN 14:33

Opat nopuḷú notaong koonggotnea ki adí monimu kon padang gurun. Popisí in moiko diá mosatia, ki adímu mita tatua in mokorasa kon yoyiga, modapot kon intau inta pangabisan kon sigad monimu matoidon.

LUKAS 7:22

Dá ki Yesus in noguman kon dumodudui i Yohanes tatua, “Bayádon bui kon i Yohanes bo oumandon onu inta ain inontong bo dinongog monimu: intau bilog mokoontong, intau ḻempeng mokobayá, inta pinanyaki kuḻit mokorongó mopia, intau bongoḷ mokodongog, intau matoi mobiag, intau bogá pinopoyaputan in Habar Mopia.

OUMAN IN RASUL MITA 13:8

Táe ki Elimas (tangoi in mososihir tatua aka kon bahasa in Yunani) in tantú momayow kon i Barnabas bo kon i Saulus, sin ramujionnea bá ki gubernur in diá mopirisaya kon i Yesus.

OUMAN IN RASUL MITA 7:36

Ki Musabí tuata inta nodia kon bangusa in Israel iḻumuai nongkon Mesir takin nogaid kon soaḷ mita inta totok in mokoherang bo soaḷ mita inta diá in poḻiuan kon Mesir, bo kon Dagat Nopuya bo kon padang gurun kon bonu in opat nopuḷú notaong.

ULANGAN 11:7

Moikodon tontaní inta ain nokoontong kon bayongan inta mokoherang inta pinomia i Tuhan.”

ULANGAN 29:2

Ki Musa nogoiní kon bayongan intau in Israel noyosipun, bodongka noguman kon i monia, “Moiko ain nokoontong tontaní kon onu in inaidan i Tuhan kon i datu in Mesir, intau mita moḷobennea bo bayongan in butánea.

ULANGAN 4:3

Moiko ain nokoontong tontaní kon onu inta ain inaidan i Tuhan Allahmu kon Buḷud in Peor. Bayongan intau inta nosumba kon Baal kon tampat tatua iyopú-Nea,

ULANGAN 4:9

Taridi bo toropdon kopiaan, sinbá kinoouput in kinobiaganmu diá koḻiongan monimu onu inta ain inontong monimu tontaní. Oumandon kon adí bo ompumu

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

ULANGAN 8:4

Kon bonu in opat nopuḷú notaong naa pakeangmu diábí nobaḻí nokoyongan bo sioḷmu in diábí doman nobobagá.

YOSUA 23:3

Moiko in ain nokoontong kon bayongan inta inaidan i Tuhan Allahmu kon bayongan bangusa kon naa sin kopiaan monimu. Inta noparang noyotakin monimu in ki Tuhan Allahmubí tontaní.

YOSUA 24:7

mosia in nokuani kon i-Nakó mopoigum in totuḷung. Dá tampat kon sigad monia bo in intau mita in Mesir tua binaḻí-Ku sinimindip, bo intau mita in Mesir tatua kinoḷoban-Ku in tubig in dagat nodapot in mosia noḷomot komintan. Kinotaauan bidon monimu komintan in onu inta inaidan-Ku kon intau in Mesir. Noonggot totok in mosia nogutun kon padang gurun.