IBRANI 3:8 - Alkitab Singog In Mongondow Masa In Tanaa

⁸ yo donaai mokopotogat kon gina, ná mogoguyang mita monimu, wakutu in mosia nomarontak bo nonungkuḷ kon i Allah kon padang pasir.

IBRANI 3:8 Iomraidhean Croise

DATU MITA 2 17:14

Táe Israel bo Yohuda in doíbí mokidongog. Motogat in gina in mosia naonda bo mogoguyang monia inta diá mopirisaya kon i Tuhan, Allah monia.

TAWARIKH 2 30:8

Dikabí motogat in gina ná mosia, táe duduiaibí in ki Tuhan. Angoidon in Yerusalem, kon Baḷoi Tuhan inta ain sinantú i Tuhan Allahmu kon i-Nia modapot in mononoi. Koḻigaidon moibada kon i-Nia sinbá moinggamádon in torú-Nea kon i monimu.

TAWARIKH 2 36:13

Ki Datu Nebukadnezar in nomakisadon kon i Zedekia mongibot pinodoyon kon i Allah kon sia in mosatiabí kon i Nebukadnezar. Táe kon singgai noiduduimai ki Zedekia nomarontak kon i Nebukadnezar. Ki Zedekia in nopotontogat in gina kon i Tuhan, Allah in Israel. Doí in sia monaḷámai kon dosanea mita bo doídon mobui mangoi kon i Tuhan.

NEHEMIA 9:16

Táe mogoguyang nami in mododia bo motogat in gina; parenta-Mu mita diábí dinuduian monia.

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

MAZMUR 106:14

Kon padang gurun mosia inaputan in ibog, bo nosoba kon i Allah.

MAZMUR 78:18

Mosia in sinumontuonbí nonungkuḷ kon i Allah, pinongin monuntut kon kaanon inta kinoibog monia.

MAZMUR 78:56

Táe nomarontak in mosia bo nonungkuḷ kon i Allah Inta Totok in Moḷantud, parenta-Nea mita diá dinuduian monia.

MAZMUR 95:8

“Dika tumontogat naonda bo mogoguyangmu kon Meriba, naonda kon tungkuḷ in mosia kon Masa, kon padang gurun.

IḶUAIAN 17:7

Tampat tatua sinangoian Masa sin kon tampat tatua intau Israel nonungkuḷ kon i Tuhan kon tungkuḷ in mosia noḻibó, “Degá sinakinan i Tuhan in kita ande diá?” Tampat tatua sinangoian doman Meriba sin kon tampat tatua intau Israel nongunsingog.

IḶUAIAN 8:15

Naonda inontongdon i datu kon tumpaḷak mita tatua minatoidon, sia nokopotontogat bui kon ginanea. Bo ná inta ain pinoguman muna i Tuhan, ki datu in doíbí mopandungmai kon tosingogon i Musa bo i Harun.

AMSAL 28:14

Horomatbí tantú in ki Tuhan, dá mosanang in iko. Aka iko moḷawang kon i-Nia, moboditobí in iko.

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

YEREMIA 7:26

Táe diá in nokidongog andeka nonondudut. Tongábí nodugang in pamandot monimu bo moraa-raatdon nongkon mogoguyangmu.”

DANIEL 5:20

Táe naonda in sia iḷumoḷatú, motogat in gina bo moḻingá iḷabú in sia nongkon pomomarentaan dodatuannea dá noinggamádon in kahoromatannea.

PINOGIAPAN 14:11

Ki Tuhan noguman kon i Musa, “Naondapa in koonggot in poḷawangan intau mita tanaa kon i-Nakó? Modapotpa in toonu in mosia diá mopirisaya kon i-Nakó, umpaka nobarongdon totok in mokoherang inaidan-Ku kon sigad monia?

MATIUS 13:15

Sin gina in intau mita tanaa ain sinimimbunod, bo bongoḷan monia in bongoḷan bo mata monia ain binilogan. Sinbá mata monia in diá mokoontong, bo bongoḷan monia in diá mokodongog, sin dikabo komangaḻeandon monia in onu inta pinoguman bo mosia in mobui mangoi kon i-Nakó, bo posaḷamaton-Ku in mosia.’ ”

OUMAN IN RASUL MITA 19:9

Táe oyúon doman in kon sigad monia tua in motogat in gina bo doí mopirisaya. Kon tayowon in intau moantó kon tua totokbí in mosia morebeg kon tomayá mita i Allah moposaḷamat kon intau podoyon kon pirisaya kon i Yesus. Tuamai in sinaḷáanmai i Paulus in mosia, bo minayá takin dumodudui mita i Yesus kon tampat pokokuliaan kon Tiranus. Kon tua pomuḷoi in singgai sia in mosisoaḷan takin intau mita kon tua.

OUMAN IN RASUL MITA 7:36

Ki Musabí tuata inta nodia kon bangusa in Israel iḻumuai nongkon Mesir takin nogaid kon soaḷ mita inta totok in mokoherang bo soaḷ mita inta diá in poḻiuan kon Mesir, bo kon Dagat Nopuya bo kon padang gurun kon bonu in opat nopuḷú notaong.

KORINTUS 1 10:9

Kita in diábí motaau in monungkuḷ kon i Tuhan ná inta inaidan in tongonumai intau kon sigad monia tungkuḷ intua, sahingga minatoi sinobak in uḷag inta mobisa in mosia.

ULANGAN 6:16

Dika monungkuḷ kon i Tuhan Allahmu ná inta pinomia monimu kon Masa.

SAMUEL 1 6:6

Onubí in mangaḻenea in moiko mokopotontogat kon gina ná datu bo intau in Mesir koḻipod? Dika koḻiongan naonda in ki Allah nopoyambá kon i monia, nodapot in mosia notobat bo pinomayádon mako monia in intau Israel nonaḷámai kon Mesir.