IBRANI 3:2 - Alkitab Singog In Mongondow Masa In Tanaa

² Sia in mosatia kon i Allah inta nomiḻí kon i-Nia sin mogaid kon oaidan tatua, ná ki Musa tungkuḷ intua nosatia doman in nogaid kon oaidannea kon Baḷoi Tuhan.

IBRANI 3:2 Iomraidhean Croise

IḶUAIAN 40:16

Inaidan i Musa in bayongan tatua pinodudui kon ná inta pinarenta i Tuhan.

PINOGIAPAN 12:7

Táe diábí natua in kon i Musa mogogundoi-Ku tua. Sia tuata in intau inta motoindudui totok kon sigad in bayongan umat-Ku.

YOHANES 15:10

Aka moiko umuran mogaid kon inta pinarenta-Ku, yo moiko in umuran mosatia in dumudui kon tabi-Ku, ná doman Akuoi inta umuran mosatia kon tabi i Amá-Ku sin umuran nopobayá in parenta-Nea mita.

YOHANES 17:4

Akuoi ain nopomulia kon i Amá kon dunia naa takin aid nokopoḷapat kon oaidan inta pinoki aid i Amá kon i-Nakó.

YOHANES 7:18

Intau inta motundú kon onu in kinoibognea tontaní, sia tua i motayakbí kon bá horomaton. Táe intau inta moramuji sinbá horomaton in ki Inta nopotabá kon inia yo mojujur in sia tua, bo diábí in uboḷ kon inia.

YOHANES 8:29

Bo Sia inta nopotabá kon i-Nakó koyota-yotakin-Kubí, diábí dodai onda in pinomayá-Nea mako in Akuoi tontaní, sin Akuoi in umuranbí mogaid kon onu inta mokosanang kon gina-Nea.”

EPESUS 2:22

Popisí in nobiag notobatú i Kristus, dá moiko doman in koyogot posindogon moyotakin in intau mita ibanea, mobaḻí tobatú baḷoi kon i Allah; inta pogutunan in Roho-Nea.

ULANGAN 4:5

Bayongan in hukum tatua sinundúku kon inimu ná inta pinarenta i Tuhan Allahku. Duduiaidon intua komintan kon butá inta bain tuotan bo ḻitúan monimu tua.

TIMOTIUS 1 1:12

Akuoi in mosukur kon i Kristus Yesus Tuhan naton, sin akuoi in inogoian-Neadon in ropot mogaid kon oaidan-Nea, bo inanggap-Neadon in akuoi patus pokiaidan in oaidan tatua,

TIMOTIUS 1 3:15

sinbá aka akuoi diápa ḷagi moiangoi, yo kotaauanmudon naonda in kobobiag naton saḷaku ki adí mita i Allah, mangaḻenea kon naa jamaat i Allah inta nobiag. Jamaat tanaa inta nobaḻí oigi pinonuḻid bo dumodudui kon totundú inta totuu nongkon i Allah.

IBRANI 2:17

Mangaḻenea kon naa kon bayongan in yagi-yagi Sia in musti mobaḻí naonda bo ki utat-Nea mita, sahingga notaau in Sia nobaḻí Imang Moḷoben inta motoindudui kon i Allah bo kototabi. Tua in pomiaan-Nea sinbá ampungandon dosa in intau.

SAMUEL 1 12:6

Bo ki Samuel in noguman bui, “Ki Tuhanbí inta ain nomiḻí kon i Musa bo kon i Harun, bo inta nodia kon mogoguyang monimu iḻumuai nongkon Mesir.