IBRANI 3:17 - Alkitab Singog In Mongondow Masa In Tanaa

¹⁷ Bo ki ine in sinorúan i Allah kon bonu in opat nopuḷú notaong? Tantú mosia inta nogaid kon diá mopia bo inta minatoidon kon padang gurun!

IBRANI 3:17 Iomraidhean Croise

MAZMUR 95:10

Opat nopuḷú notaong in koonggotnea mobú in Akuoi kon i monia; guman-Ku: Totuu, bangusa tatua in diá motoḷutui! Mosia in diá nopandungmai kon parenta-Ku mita.

YEREMIA 9:22

Mayat in noiukatdon magí-mako naonda bo apat kon tudu in butá; naonda bo gandum inta ain iratab bodongka sinaḷáan bo diádon sinipun bui. Tuata in koyow i Tuhan inta musti potaauku.”

PINOGIAPAN 14:22

tongá kon sigad in intau mita tanaa diádon tobatúmai in mosia in mobiagpa bo motaau tumuot kon butá inta pinodandi-Ku kon mogoguyang monia. Sin mosia in diá motoindudui kon i-Nakó, bo umuran monungkuḷ kon i-Nakó. Bokaka mosia ain nokoontong kon sindar nongkon i-Nakó, bo inta mokoherang mita inta pinomia-Ku kon Mesir bo kon padang gurun.

PINOGIAPAN 14:28

Musti tubagan monimu nanaa in mosia: Ki Tuhan noguman, ‘Akuoi in mongibot podoyon kon tangoi-Ku tontaní inta nobiag kon moiko in pomiaan-Kubí ná inta pinoguman monimu kon tayowon-Ku. Akuoi, ki Tuhan, aindon nosingog.

PINOGIAPAN 14:29

Moiko aindon nongunsingog kon i-Nakó. Tuamai matoi in moiko, bo mayat monimu moiukat magí-mako kon padang gurun tanaa.

YUDAS 1:5

Tua komintan in kinotaauan bidon monimu. Tongá moibogpa doman in akuoi moponorop kon i monimu kon soaḷ naonda in ki Tuhan noposaḷamat kon umat Israel nongkon butá in Mesir, táe noiduduimai kon tua pinutúan-Neadon in intau mita kon sigad monia inta diá mopirisaya.