IBRANI 3:12 - Alkitab Singog In Mongondow Masa In Tanaa

¹² Utatku mita, mokopoingat sinbá diá in tobatúmai kon sigad monimu in gina moraat bo diádon mopirisaya, sahingga in tumoḻikud bo mokopoyayúdon kon i Allah inta nobiag!

IBRANI 3:12 Iomraidhean Croise

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

AYUB 21:14

Bokaka mosia in nogumandon kon i Allah, “Pokoyayúdon kon inami bo bayádon! Kami in doíbí mopandungmai bo doíbí motayak kon mangaḻe in makusud bo ibog-Mu kon kobiagan nami.”

AYUB 22:17

Mosia tuata inta mokobaḻí mogindoí kon i Inta Totok in mokawasa, bo kainia kamai diábí in Sia mokoaid kon onu bo onu kon i monia.

MAZMUR 18:21

Ki Tuhan in notuḻí kon aidku inta noitutui; binarakatan-Nea in akuoi sin akuoi in diá kotaḷá.

AMSAL 1:32

Intau inta diá kopongalaman in matoibí popisí in doí motarima kon inakó, bo intau inta bodok in morimumudbí popisí in doí mopandungmai kon inakó.

YESAYA 59:13

Kami in nonguboḷdon bo nomarontak kon i Tuhan, bo doí dumudui kon i Allah nami. Kami in nondorotdon kon intau ibanea bo nobaḷui in raian; raian nami in noiḷaḻedon, bo tosingogon mita nami in uboḷ.

YEREMIA 11:8

bo nopotabá kon i monia dumudui kon dodandian-Ku tatua, táe mosia in doíbí mokidongog bo doí motoḷutui. Nodapotbí in mosia umuranbí pamandot bo moraat ná koḻipod. Tuamai bayongan in hukuman inta pinais kon bonu in dodandian tatua aindon pinopoḷabú-Ku kon i monia.”

YEREMIA 16:12

Táe moiko in nogaid kon moiḻiu in raat bui. Moiko in pamandot bo tongá dumudui kon ibogmu tontaní inta moraat. Moiko in doí tumoḷutui kon i-Nakó.

YEREMIA 17:5

Ki Tuhan in noguman, “Aka intau monaḷámai kon i-Nakó, ki Tuhannea, bo umandoḷ kon intau poḷat umandoḷ kon ropotnea, dá hukumon-Ku in sia.

YEREMIA 17:9

Gina in intau diábí kodoḷopan, moiḻiu in licik nongkon bayongan yagi-yagi bo totuu mobogat in takitnea.

YEREMIA 18:12

Táe mosia in motubagbí, ‘Onu in baragunanea? Kami in umuranbí dumudui kon ibog nami tontaní! Kami kon batúannea in mogaidbí kon ibog in gina nami inta moraat!’ ”

YEREMIA 2:13

Umat-Ku ain nogaid kon doyowa norupa in dosa: mosia in nonoḻikud kon i-Nakó, bokaká in tubig mobogoi in kobiagan kon intau; mosia in nogaid kon tabang noḷombang inta diá mokosion kon tubignea.”

YEREMIA 3:17

Kon dodai intua kotá in Yerusalem in tangoiondon ḷoḻitúan ‘Pomomarentaan i Tuhan’, bo bayongan in bangusa in mosipun kon kotá tatua sin mosumba kon i-Nakó. Mosia in diá bidon dumudui kon ibog in gina monia inta pamandot bo moraat tua.

YEREMIA 7:24

Táe mosia in doíbí mokidongog bo doí monondudut. Mosia in tongábí dinumudui kon ibog in gina monia tontaní inta motogat bo moraat tua. Mosia in deemanbí nobaḻí mopia táe nodugangbí moraat.

YEHEZKIEL 14:5

Komintan berhala tatua in nokopopisídon kon umat-Ku iyumayú kon i-Nakó, táe igumon mako pongin tubag-Ku tatua umat-Ku in mobuidon mangoi kon i-Nakó.’

HOSEA 1:2

Kon dodai in ki Tuhan dungkuḷ totok nosingog kon bangusa in Israel pinongin inakó, ki Tuhan in noguman, “Hosea, tonibuḷoidon in bobay tobatú inta sundaḷ, bo ki adímu mita doman in moidayan kon inia. Umat-Ku in notongkai ná ki buḷoimu tatua; mosia in diá motoḷutui kon i-Nakó, bo nonaḷámai kon i-Nakó.”

MATIUS 16:16

Dá ki Simon Petrus in notubag, “Iko in ki Mesias, ki Adí i Allah Inta Nobiag.”

MATIUS 24:4

Dá ki Yesus in noguman kon i monia, “Mokopoingat sinbá diá in moiko koakaḷan.

MARKUS 13:23

Dá, tuamai mokopoingatdon! Tua komintan nodait-Kudon pinoguman kon i monimu wakutu in diápa mobaḻí intua.”

MARKUS 13:33

Manangka intua moiko in musti umuran mobasadia, sin diá kotaauan monimu in wakutunea.

MARKUS 13:9

Musti mokopoingat in moiko sin domokon bo pokisidang kon mahkama agama. Moiko in bongkugon kon baḷoi mita pososambayangan. Diaan in moiko potayow kon mongongawasa mita bo datu popisí in moiko in murí-Ku mita. Bo tuata in kasampatan monimu mongonguman kon i monia soaḷ Akuoi.

LUKAS 21:8

Ki Yesus in noguman, “Mokopoingatdon, sinbá moiko in diá koakaḷan. Moantó in intau in mamangoi momaké in tangoi-Ku bo moguman, ‘Akuoi in Sia!’ bo ‘Wakutuneadon.’ Táe dikabí indongogan monimu in mosia.

SURAT I PAULUS KON JAMAAT RUM 11:21

Sin aka ki Allah bo diá motabi in moḷumbú kon intau mita in Yahudi inta pinoumpama tanga taakan tua, yo dikabí kai monimukamai oyúonbí in tabi-Nea in moḷumbú kon i monimu!

KORINTUS 1 10:12

Bo intau inta monganggap moropot in sia, musti mokopopia; dika bo moḷabú.

KOLOSE 2:8

Mustibí mokopoingat in moiko, dikabí modapot in oyúon in mokodondouḷug kon i monimu takin raian mita inta tongá pinodoyon kon pandoi in intau inta diá in baragunanea, táe tongá mokopoyaying kon pirisaya. Raian mita tatua in deemanbí nongkon i Kristus, táe tongábí nongkon raian in intau bo nongkon roho mita inta nongawasa kon dunia.

TESALONIKA 1 1:9

Bayongan intau in mongonguman kon naonda pinototomu monimu kon inami wakutu in namangoi kon i monimu. Inouman doman monia kon moiko in nonaḷámaidon kon onu inta pinomia monimu berhala inta sumbáan domanmai. Moiko nopirisayadon kon i Allah inta mobanar bo tongádon Sia in sinumba monimu.

IBRANI 10:31

Totokdon mokoondok aka kon bonudon in kawasa i Allah inta nobiag!

IBRANI 10:38

Bo umat-Ku inta mobanar in mopirisayabí bo mobiag; táe aka oyúon in kon sigad monia tua in nobaḷui in pirisaya, dá diábí mosanang in gina-Ku kon inia tua.”

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.

IBRANI 12:22

Tongá aka moiko namangoidon in Buḷud Sion bo kotá i Allah inta nobiag, tuata in Yerusalem inta kon soroga takin ribuan malaekat-Nea.

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!

IBRANI 3:1

Utat mita tumpaḷa Keresten inta ain inoiní i Allah! Raika monimu koako-ako in soaḷ ki Yesus naa! Sia ain pinotabá mangoi i Allah sinbá mobaḻí Imang Moḷoben kon agama inta dinuduian naton.

IBRANI 3:10

Tuamai in sinumorú Akuoi bo poḷat noguman kon i monia nanaa, ‘Mosia in umuran diá mosatia, bo doí dumudui kon parenta-Ku mita.’

IBRANI 3:19

Tanaa in kinotaauandon naton kon mosia tua in diábí, moituot, sin diá mopirisaya in mosia kon i Allah.

IBRANI 9:14

Dá aka dugú bo ḷobud mokodarit kon onu inta nokotor kon intau mita tatua, yo bambíkabí dugú i Kristus! Pinongin Roho inta diá mato-matoi, ki Kristus ain noposumba in awak-Nea tontaní kon i Allah saḷaku kuruban inta nosompurna. Tuabí in nondarit kon gina naton nongkon upacara mita inta diá in baragunanea, sinbá kita umuran mosumba kon i Allah inta nobiag.