IBRANI 3:11 - Alkitab Singog In Mongondow Masa In Tanaa

¹¹ Akuoi sinumorú bo nongibot, ‘Mosia tua in diábí moituot kon butá tatua bo mogogai moyotakin-Ku.’ ”

IBRANI 3:11 Iomraidhean Croise

MAZMUR 106:26

Dá takin ibot Sia in nodandi kon moḻimod kon i monia kon padang gurun.

MAZMUR 95:11

Dá Akuoi in nongibot kon bonu in torú-Ku, mosia in diábí tumuot kon butá tatua bo mokouḻí kon pogogaian takin-Ku.”

PINOGIAPAN 14:35

Akuoi in mongibot kon aidan-Kubí intua kon i monimu, intau mita moraat inta noyopakat moḷawang kon i-Nakó. Moiko matoi komintan kon padang gurun tanaa. Akuoi, ki Tuhan ain nosingog.’ ”

ULANGAN 2:14

Tua in nobaḻí toḷu nopuḷú bo waḷu notaong naonda in kita nonaḷámai kon Kades Barnea. Bayongan tontara kon dodai intua ain minatoi ná inta pinoguman i Tuhan.

IBRANI 4:3

Táe kita inta mopirisaya in umuranbí mokouḻí kon tampat pogogaian inta pinodandi i Allah tatua. Soaḷ tatua in noyokaan in onu inta siningog i Allah nanaa: “Akuoi in sinumorú bo nongibot, ‘kon mosia in diábí moituot bo mogogai moyotakin-Ku.’ ” Ki Allah in noguman natua umpaka oaidan-Nea in nopaḷutdon kon wakutupa in nomia kon dunia naa in Sia.

IBRANI 4:5

Bo oyúon doman in pinais nanaa: “Mosia in diábí tumuot kon butá tatua bo mokouḻí kon pogogaian moyotakin-Ku.”

IBRANI 4:9

Manangka intua, kon umat i Allah oyúonpabí in dandi pogogogaian ná ki Allah inta nogogai doman kon singgai impitunea.