IBRANI 2:16 - Alkitab Singog In Mongondow Masa In Tanaa

¹⁶ Dá noniata bidon kon deemanbí malaekat mita in sinuḷungan-Nea táe buíbí i Abraham.

IBRANI 2:16 Iomraidhean Croise

KINOBAḺIAN 22:18

Bayongan in bangusa kon dunia naa in mopoigum kon i-Nakó sinbá Akuoi momarakat kon i monia ná Akuoi ain nomarakat kon buímu – sin iko ain dinumudui kon parenta-Ku.”

SURAT I PAULUS KON JAMAAT RUM 2:25

Aka iko bo motoindudui kon hukum in agama Yahudi, dá oyúonbí in mangaḻe in sunat tatua kon i monimu. Táe aka iko bo doí dumudui kon soaḷ mita inta pinarenta kon bonu in hukum tatua, yo totokbí in diá in mangaḻe in sunat tatua kon inimu.

GALATIA 3:16

Ki Allah ain nobogoi in dandi-Nea mita kon i Abraham bo kon buínea mita. Kon dodandian tatua diábí in pinoguman nanaa, “bo kon intau mita inta buí i Abraham”. inta aka tomangaḻean yo moantó in intau. Nanaabí in pinais, “bo kon intau inta buí i Abraham”. mangaḻenea in tongábí tobatú in intau, tuata in ki Kristus.

GALATIA 3:29

Bo aka moiko bo ain nobaḻí kapunyaan i Kristus, dá moiko in buíbí i Abraham, tuamai moiko in motarima kon onu inta pinodandi i Allah.

IBRANI 12:10

Aka guyanga naton kon dunia naa in motundú yo noterbatasbí sin tongábí onu inta inanggap monia mopira. Táe aka ki Allah in motundú yo tua in kopiaanbí naton tontaní. Sinbá kita in mokouḻí doman kon silai inta mopia nongkon i-Nia.

IBRANI 2:15

Tua in cara-Nea moposaḷamat kon intau mita inta umuran kinawasaan in ondok kon soaḷ popatoi.

IBRANI 2:17

Mangaḻenea kon naa kon bayongan in yagi-yagi Sia in musti mobaḻí naonda bo ki utat-Nea mita, sahingga notaau in Sia nobaḻí Imang Moḷoben inta motoindudui kon i Allah bo kototabi. Tua in pomiaan-Nea sinbá ampungandon dosa in intau.

IBRANI 6:16

Aka intau bo mongibot, yo mongibotbí in sia podoyon kon tangoi in intau inta moḷantu-ḷantud nongkon inia, dá ibotnea tatua in monginggamádon kon bayongan bobayowan.

PETRUS 1 1:20

Ki Kristus in piniḻídon i Allah kon wakutupa in dunia naa diápa pinomia. Bo kon singgai mita tumi naa, sia namangoi in dunia naa sinbá posaḷamaton in moiko.