IBRANI 13:3 - Alkitab Singog In Mongondow Masa In Tanaa

³ Bo tantúdon kon gina mako in mosia inta kon bonu in ponjara naonda bo moiko kon bonu doman in ponjara noyotakin monia. Bo intau mita inta pinomia ibo-ibog umuran kon gina-gina doman mako in mosia naonda bo pinomia doman natua in moiko.

IBRANI 13:3 Iomraidhean Croise

KINOBAḺIAN 40:23

Táe mopoposadia kon oinumon i datu tatua in diá bidon kinotoropannea in ki Yusup. Totok bidon in kinoḻiongannea in ki Yusup.

MATIUS 25:36

Wakutu in Akuoi diá koḷambung; inogoian monimu in Akuoi in pakeang; wakutu in Akuoi notakit, sinompia monimu; wakutu in Akuoi kon bonu in ponjara, inangoi inindoian monimu.’

MATIUS 25:43

Wakutu in Akuoi nobaḻí intau mokokiangoi, diá inogoi monimu in Akuoi sinumuot kon baḷoi. Wakutu in Akuoi diá koḷambu-ḷambung, diá inogoian monimu in pakeang wakutu in Akuoi notakit bo kon bonu in ponjara, diá binayá inindoian monimu.’

OUMAN IN RASUL MITA 24:23

Bo ki Gubernur in nopotabá kon porwira inta noḷukad kon i Paulus sinbá mayá monahang kon inia, táe sia in nobaḻíbí tahanan bebas bo yobayatnea mita in motaaubí mamangoi kon inia bo mobogoi in kaparaḷuannea mita.

OUMAN IN RASUL MITA 27:3

Naonda in nopoikoḷomaidon kon singgai, noiyaputdon in kami kon Sidon. Mopiabí totok in ki Yulius kon i Paulus. Inogoineabí in sia minaya-mayá mako mokipodungkuḷ kon yobayatnea mita sinbá ogoian monia onu in kaparaḷuannea.

SURAT I PAULUS KON JAMAAT RUM 12:15

Koḷungangadon in gina monimu takin intau mita inta nongoḷunganga doman in gina, bo pongombaḷdon takin intau mita inta mongombaḷ.

KORINTUS 1 12:26

Manangka intua aka anggota tobatú bo mokorasa kon roriga, yo anggota ibanea in mokorasa doman kon roriga tatua; bo aka tobatú anggota bo duíon, yo gina in anggota ibanea in tumpaḷabí moḷunganga.

EPESUS 4:1

Manangka intua akuoi – saḷaku intau inta pinonjara sin nogaid kon oaidan i Tuhan – mopoigum totok kon i monimu: sinbá moiko, intau inta inoinídon in kobiag domandon ná inta kaadaanmu saḷaku intau inta inoiní i Allah.

KOLOSE 4:18

Salam nongkon inakó, ki Paulus. Akuoibí tontaní in nomais kon salam tanaa. Dika koḻiongan kon akuoi in kon bonupa in ponjara! Igumon mako umuran barakatan i Tuhan in moiko. Horomat nami, Ki Paulus

IBRANI 10:34

Bo moiko in noitakin doman nokorasa kon koajar in gina monia inta kinurung kon ponjara. Bo wakutu in kapunyaan monimu nodait inagow, diá noyaat in gina monimu, sin kinotaauandon monimu kon oyúonpabí in mopia-pia nongkon tua bo inta mononoi totok.

IBRANI 11:37

Mosia in inandur in batu nodapot in minatoi, oyúon doman in ginaragaji, bo oyúon doman iratá in pitow. Maya-mayá mako in mosia bo mopogiḷambung in ḷambung inta pinomia nongkon kuḻit in domba andeka kuḻit in bembé; mosia in nobiag nobogá, pinogutú bo iroriga mangoi.

PETRUS 1 3:8

Naa in kasimpulannea: utat mita poramuji mobiag motobatú kon tosingogon bo porasaan. Moiko in musti umuran mositabian ná doyowa mogutat. Moiko in musti doman mosituḷungan bo mokopoompá kon dodia.