IBRANI 13:2 - Alkitab Singog In Mongondow Masa In Tanaa

² Dika moondo-ondok in motarima kon intau mita inta diápa nogogintaauan monimu aka mongandup in sia kon baḷoimu. Sin nokoimontandon in nobaḻí, oyúon intau in noibog pinongandupan in intau mita inta diá nogogintaauannea, bo naanta mosia tua in malaekatbí mita.

IBRANI 13:2 Iomraidhean Croise

KINOBAḺIAN 18:1

Ki Tuhan nokipogontong kon i Abraham kon diug in pangkoi kayu mita mokaramat inta tampat pososumbaan kon Mamre. Tungkuḷ intua singgai totok in mopatú, bo ki Abraham ḻimitú mako kon ngara in ḷoḷaigannea.

KINOBAḺIAN 19:1

Naonda in nongkon i Abraham, malaekat doyowa tatua minayá in Sodom bo noyaput kon tua ain nodoḷomdon. Ki Lot ḻimitú mako kon ngara in kotá, bo naonda in nokoontong kon i monia, sinimindog in sia sin monontomu kon i monia. Bo dinumokódon in sia kon tayowon monia,

DATU MITA 2 4:8

Kon Sunem oyúon in bobay tobatú inta nooyúon. Kon singgai tobatú kon dodai in ki Elisa minayá in Sunem, bobay tatua in nogoiní kon inia nongaan. Pinangkoi kon tua pomuḷoi in ki Elisa mongandup kon Sunem mongaan in sia kon baḷoi in bobay tatua.

AYUB 31:19

Aka ontongonku in intau inta diá koonu bo onu, inta diá mokotaḷui kon ḷambung,

AYUB 31:32

Baḷoiku in motaaubí pongandupan i ineka; diábí kon dodai in onda bióonku mako in mosia mosiug kon daḷan.

YESAYA 58:7

Silaidon in kaanonmu takin intau inta gogoyon, tarimadon kon baḷoimu in intau mita inta diá kobaḷoi. Ogoiaidon in ḷambung in intau mita inta diá nogiḷambung, bo dika monoḻikud kon i utatmu inta paraḷu tuḷungan.

IMAMAT 19:34

Baḻí in mosia ná intau mita tobangusamu bo kotabidon in mosia ná kototabi monimu kon awak monimu tontaní. Toropdon kon moiko tontaní nokoimontan doman nobiag nobaḻí intau ango-angoi kon butá in Mesir. Akuoi in ki Tuhan Allahmu.

MATIUS 25:35

Sin wakutu in akuoi ginogoy, inogoian monimu Akuoi in kaanon, wakutu in Akuoi noyogang, inogoian monimu in Akuoi in inumon; wakutu in Akuoi nobaḻí intau mokokiangoi sinarima monimu in Akuoi kon baḷoimu.

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

MATIUS 25:43

Wakutu in Akuoi nobaḻí intau mokokiangoi, diá inogoi monimu in Akuoi sinumuot kon baḷoi. Wakutu in Akuoi diá koḷambu-ḷambung, diá inogoian monimu in pakeang wakutu in Akuoi notakit bo kon bonu in ponjara, diá binayá inindoian monimu.’

OUMAN IN RASUL MITA 16:15

Dá mosia tobaḷoian in nodait binaptis. Naonda in nopaḷut binaptis, inoinínea in kami poḷat noguman in sia, “Aka rasaanmai i utat mita kon akuoi in totu-totuu bidon mopirisaya kon i Tuhan Yesus, dá koḻigai mongandupa kon baḷoiku.” Totoknea in pakisaan sinbá duduianpa nami in oigumnea tatua.

SURAT I PAULUS KON JAMAAT RUM 12:13

Tuḷungai bo ogoiai onu in paraḷu in intau mita Keresten ibanea, bo tomubí takin pia in gina in utat mita Keresten umpakabí diá nogogintaauan monimu in mosia. Tarima doman takin sanang in gina in mosia kon baḷoimu.

SURAT I PAULUS KON JAMAAT RUM 16:23

Ki Gayus nopoyaput doman in salam kon i monimu. Akuoi in nongandupa kon baḷoinea, bo jamaat nami nongandupa doman noibada kon tua. Ki Erastus, tobatú itoi in mokokadai kon doit kon kotá nokipoyaput doman in salamnea kon i monimu. Ná doman tua in ki Kwartus, ki utat naton. [

TIMOTIUS 1 3:2

Tuamai intau inta mobaḻí itoi kon jamaat in mustibí intau inta motuḻid in gina, tongá tobatú in ki buḷoinea, mokokawasa kon ibog in gina, mobijaksana, mopia in oaid, moibog motuḷung kon bayongan in intau bo motaau motundú kon inta mopia kon intau ibanea;

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

TITUS 1:8

Mustibí intau inta moibog motuḷung kon intau ibanea, moibog kon inta mopia, mokotahang kon bibig, mojujur bo motoindudui kon ibog i Tuhan.

PETRUS 1 4:9

Bo moiko in musti motaau mosipasiaran kon baḷoi takin diá mogamui.

YOHANES 3 1:5

Utatku! Mopiadon totok in onu inta inaidanmu kon i utat mita inta tumpaḷa Keresten; umpaka utat mita inta diápa nogogintaauanmu, táe binantunganmubí doman.