IBRANI 13:11 - Alkitab Singog In Mongondow Masa In Tanaa

¹¹ Dugú in mahaḷuk inta pinosumba saḷaku kuruban pongampungan kon dosa dinia i imang moḷoben kon Yuang Inta Totok Motusi, táe awak in mahaḷuk tatua in sinubábí kon ḷuai in pinononḷoḷaigan.

IBRANI 13:11 Iomraidhean Croise

IḶUAIAN 29:14

Tapú, kuḻit bo kompong in sapi koḷakian tatua musti tubáan kon ḷuai in ḷoḷaigan. Tuata in nobaḻí sosumba potobut kon dosa in imang mita.

YEHEZKIEL 43:21

Onda intua, gamádon in sapi koḷakian inta pakéon potobut kon dosa tatua, bo tubádon kon tampat inta ain sinantú, inta kon ḷuai in tampat motusi kon Baḷoi Tuhan.

IMAMAT 16:27

Sapi koḷakian bo bembé inta pinokuruban potobut kon dosa, inta dugúnea dinia sinumuot kon bonu in Yuang Totok Motusi sin potobut kon dosa, musti diaan poḷuai kon ḷoḷaigan bo tubáan. Kuḻit, tapú bo bonu in sian mahaḷuk doyowa tatua musti tubáan kopayongon.

IMAMAT 6:11

Mopaḷut mako kon tua sia musti momaḷuidon kon pakeang bodongka modia kon ḷobud tatua kon ḷuai in ḷoḷaigan, pobayá in tampat inta ain sinantú potagúan kon tua.

IMAMAT 6:30

Mahaḷuk inta pinaké kon upacara potobutan kon dosa inta ginamá in dugúnea ibanea bo dinia kon Yuang Motusi, mustibí tubáan kopayongon bo diábí motaau in kaanon.

IMAMAT 9:11

Táe tapú bo kuḻit in mahaḷuk tatua tubáannea kon ḷuai in ḷoḷaigan.

IMAMAT 9:9

Ki adí mita i Harun nodia kon dugú in mahaḷuk tatua kon i Harun, bo sia nopoḷodokdon in gongguyamúnea kon dugú tatua, bo poḷat nopoḻepo kon tungoi mita inta kon siku opat in mezbah. Onda intua kiagat in dugú tatua pinopobutakneadon kon datoḷan in mezbah.

PINOGIAPAN 19:3

Ogoidon in sapi tatua kon i Imang Eleazar. Biag tatua in musti diaan kon ḷuai in pinononḷoḷaigan bodongka ratáan kon tayowon i imang.

PINOGIAPAN 19:7

Onda intua imang musti momatá kon pakeangnea bo poḷat moinggú; tongá sia in umuranpabí doman nonajis modapot kon mata in singgai tumoyop.