IBRANI 13:10 - Alkitab Singog In Mongondow Masa In Tanaa

¹⁰ Oyúonbí in meja pobobogoian naton kon sosumba kon i Allah. Bo imang mita inta nogaid kon bonu in Baḷoi Tuhan, diábí motaau in mokaan kon kuruban inta kon tudu in meja tatua.

IBRANI 13:10 Iomraidhean Croise

PINOGIAPAN 7:5

“Tarimadon onu inta inogoi mita tatua sin pogakutan kon Ḷoḷaigan-Ku; ogoidon in bayongan tua kon intau in Lewi podudui in oaidan monia.”

KORINTUS 1 10:20

Onu in pinosumba kon meja pogogukatan kon sosumba inta inogoi kon berhala, deemanbí pinosumba kon i Allah, táe kon dimukudbí moraat.

KORINTUS 1 9:13

Kinotaauanbí monimu kon intau inta mogaid kon bonu in Baḷoi i Allah, motarimabí in mosia kon kaanon kon bonu in Baḷoi i Allah doman tatua. Bo intau inta monompiamai kon tampat pororataan kon kuruban sosumba, mokouḻíbí doman in sia kon silainea nongkon kuruban inta pinosumba tatua.

IBRANI 8:5

Oaidan inta inaidan monia tua saḷaku imang sabanarnea in tongábí gambaran bo oḻinow in onu inta kon soroga. Tua ain bidon pinotaau i Allah kon i Musa koḻipod, kon wakutu in sia noposindog in Ḷoḷaigan i Tuhan. Nanaa in guman i Allah kon i Musa, “Pokotorop! Tua komintan in mustibí pomiaanmu podudui in gambar inta pinoontong-Ku kon inimu kon tudu in buḷud.”