IBRANI 12:9 - Alkitab Singog In Mongondow Masa In Tanaa

⁹ Kon dunia naa oyúonbí in ki amá naton. Sia in motundú kon i naton, táe horomatonbí naton in sia. Yo bambíkabí bo ki Amá naton kon soroga, tantú mustibí in kita tumonsiup kon i-Nia sinbá mobiag in kita.

IBRANI 12:9 Iomraidhean Croise

AYUB 12:10

Sia in nonompia kon kobiagan in bayongan mahaḷuk; Sia in kitogi kawasa kon nyawa in batúan intau.

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

AMSAL 30:17

Intau inta moningkuḻe kon i amánea andeka kon i inánea inta ain nogoguyang, patusbí pogambat kon ḷuai sinbá matanea padokon in ḷagapan kawag bo awaknea in kaanon in ḷagapan boniá.

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.

YESAYA 38:16

Oo Tuhan, ogoiaidon in akuoi in kobiagan in tosingogon bo aid-Mu, biódon mako akuoi mobiag tongádon kon ini-Mu.

YESAYA 42:5

Ki Tuhan Allah in nomaḻí bo nosongká kon ḷangit; Sia in nomia kon butá bo bayongan inta nobiag kon tudunea. Sia in nobogoi kon intau in poginaan kobiagan bo nyawa. Sia in nopotaau in koyow tanaa kon mogogundoi-Nea mita,

YESAYA 45:10

Moboditodon in intau inta moguman kon guranganea, “Nongonu sin akuoi in pinononggadíbí nanaa?”

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

YEHEZKIEL 22:7

Diábí tobatúmai in intau inta nogutun kon inimu in mohoromat kon guyanganea. Iko in monompobaḻik kon intau ango-angoi bo motayak kon kauntungan nongkon roriga in boba-bobay bo uno-unon.

IMAMAT 19:3

Bayongan intau musti mohoromat kon i amá bo kon i inánea bo mohoromat kon singgai in Sabat ná inta pinarenta-Ku. Akuoi in ki Tuhan Allahmu.

ZAKHARIA 12:1

Naa in koyow i Tuhan soaḷ Yerusalem. Ki tuhan inta nomukat kon ḷangit, nomaḻí kon dunia naa bo nobogoi in kobiagan kon intau, in noguman,

MALEAKHI 1:6

Ki Tuhan Inta Totok in mokawasa in noguman kon imang mita, “Adí tobatú in mohoromatbí kon i amánea, bo mobobantung tobatú in mohoromatbí kon i tuangnea. Akuoi i naa in ki Amámu; nongonu sin moiko in diábí mohoromat kon i-Nakó? Akuoi naa in ki tuangmu; yo nongonu sin moiko in diábí moondok kon i-Nakó? Moiko in mopoompámai kon i-Nakó, táe moiko in noḻibó, ‘Naonda in pinononingkuḻe nami kon ini-Mu?’

PINOGIAPAN 16:22

Táe ki Musa bo ki Harun dinumokó nosumba bo noguman, “O Allah, Ikobí in nobogoi in kobiagan kon bayongan inta nobiag. Aka tongá tobatú in intau in binaradosa, yo degá Iko in tumorú domandon kon bayongan umat?”

PINOGIAPAN 27:16

“O, Tuhan Allah, inta nobogoi in kobiagan kon bayongan inta nobiag, poigumonku, tundúpa in intau tobatú inta motaau mobaḻí itoi kon bangusa tanaa;

LUKAS 18:2

Ki Yesus in noguman, “Aka tobatú kotá oyúon in hakim inta diá moondok kon i Allah bo diá doman mopandungmai kon kasusahan in intau.

LUKAS 18:4

Aindon kotongonu degá in bobay tatua in mayámai kon hakim tatua táe umuranbí doman doí motuḷung in hakim tatua kon inia. Táe pangabisannea hakim tatua in norai nanaa, ‘Umpakabí akuoi naa diá moondok kon i Allah bo diá doman mopandung kon tumpaḷa intau,

YOHANES 3:6

Aka awak naa pinolahirbí in guyanga, táe aka secara rohani yo pinolahirbí in Roho i Allah.

OUMAN IN RASUL MITA 2:30

Sia naa in tobatú nabi inta nonotaau kon ki Allah aindon nodandi pinodoyon kon ibot kon inia kon oyúon in buínea in baḻíon i Allah Datu.

SURAT I PAULUS KON JAMAAT RUM 1:3

Habar Mopia tatua in soaḷbí ki Adí i Allah, inta ki Tuhan naton, ki Yesus Kristus. Inta aka podudui in awak ilo-ilow naa, yo Sia tua in buíbí i Daud.

SURAT I PAULUS KON JAMAAT RUM 9:3

sin moiko in intau mita tobangusaku. Bo popisí in moiko dá morelabí in akuoi in kutukon i Allah bo poyoguaton nongkon i Kristus.

SURAT I PAULUS KON JAMAAT RUM 9:5

Mosia in buíbí doman in mogoguyang naton. Awak i Kristus naa in nongkon bangusabí monia tua. Táe Siabí in moḷantu-ḷantud nongkon bayongan in yagi-yagi. Dinayo-dayowdon in ki Allah modapot in kopaḷutannea! Amin.

ULANGAN 27:16

‘Kinutuk in intau inta diá mohoromat kon guyanganea bo mopomayá mako kon i monia.’ ‘Amin!’

YAKOBUS 4:10

Moiko in musti mokopoompá kon dodia kon tayowon i Tuhan, dá poḷantudon i Tuhan in moiko.

YAKOBUS 4:7

Tuamai, kotoinduduidon kon i Allah bo ḷawangdon in Ibilis, dá moḷaguidon in Ibilis nongkon i monimu.

PETRUS 1 5:6

Manangka intua kodu-koduduidon in moiko kon kawasa i Allah inta moropot, sinbá poḷantudon-Nea in moiko aka wakutuneadon.

WAHYU 22:6

Nopaḷut mako malaekat tatua in noguman kon inakó nanaa, “Singog mita tanaa in totuubí bo motaaubí pirisayaan. Ki Tuhan Allah inta nobogoi in Roho-Nea kon nabi mita, aindon nopotabá in malaekat sin mopoontong kon bobantung-Nea mita in onu inta ḷagidon mobaḻí.”