IBRANI 12:3 - Alkitab Singog In Mongondow Masa In Tanaa

³ Toropka monimu naonda in kororiga i Yesus in sinumayow kon intau mita dinosa inta noramuji totok moḷawang kon i-Nia! Tuamai in umuranbí korigon in gina bo umuran moharap.

IBRANI 12:3 Iomraidhean Croise

AMSAL 24:10

Aka iko kobuḻian in kamang kon dodai in kosisíannea, dá intaubí moyangkó in iko.

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

MATIUS 11:19

Onda intua Adí Intau namangoi, Sia nongaan bo nonginum kon anggur, táe kai monimu, ‘Indoiaika, Sia in intau! Moturá bo yobayat in moigum kon pajak bo intau inta baradosa.’ Táe kawasa i Allah pinoponiata kon i-Nia.”

MATIUS 12:24

Táe naonda intau in Parisi nokodongog kon tua, mosia in noguman, “Sia naa nomaké in kawasa i Beelzebul, inta tongguḷu in dimukud mita moraat.”

MATIUS 15:2

“Nongonu sin murí-Mu mita in diábí dinumudui kon adat in mogoguyang naton? Mosia in diábí nonomok muna kon dodai in nongaan!”

MATIUS 21:23

Bo ki Yesus in sinumuot kon Baḷoi Tuhan, bo naonda in Sia notundú kon tua, namangoidon in imang mita itoi takin guhanga mita in ḻipú intau in Yahudi, bo noḻibó kon i-Nia, “Degá nongkon onda in kawasa inta pinogaid-Mu kon soaḷ mita tatua? Ki ine in nobogoi in kawasa tatua kon ini-Mu?”

MATIUS 21:46

Dá ḷongasiondon monia domokon in Sia, táe mosia moondok kon intau moantó kon tua, sin inanggap in intau moantó tatua kon Sia tua in nabi.

MATIUS 22:15

Intau mita in Parisi minayádon nongkon tua, bo noyosingog kon naonda sinbá kouḻían monia kon taḷá in ki Yesus podoyon kon onu inta ḻibóon monia.

LUKAS 14:1

Kon singgai in Sabat tobatú, ki Yesus minayá nongaan kon baḷoi in intau in Parisi. Intau mita kon tua nonarukiramai kon i Yesus.

LUKAS 15:2

Dá intau mita in Parisi bo mototundú mita kon agama nomangkoidon mongunsingog, kai monia, “Sesé ah, intau tanion moibogbí motarima kon intau mita inta diá mopia, bo mongaan doman moyotakin monia!”

LUKAS 16:14

Onu in siningog i Yesus tatua dinongog in intau mita in Parisi táe tongá kinosingan monia, sin mosia tua in dinoit.

LUKAS 2:34

Ki Simeon nomarakat kon i monia bo noguman kon i Maria ki iná in Adí tatua, “Adí tanaa aindon piniḻí i Allah sin momutú bo moposaḷamat kon moantó intau Israel. Sia in mobaḻí tanda nongkon i Allah, inta bayowan in moantó intau,

LUKAS 5:21

Mototundú mita kon agama bo intau mita in Parisi nomangkoidon moḻibó kon bonu in gina monia, “Ki inebí intau tanaa sin mobaranibí in moningkuḻe kon i Allah? Eta ki inebí in motaau mongampung kon taḷá koḻikudbí in ki Allah tontaní?”

YOHANES 10:20

Nobayong in noguman, “Kinotoḷangan in dimbuḷó in Sia! Sia in nobundai! Nongonu sin indongoganbí monimu in Sia?”

YOHANES 18:22

Naonda in ki Yesus nosingog natua, tobatú pongawal kon diug-Neamai nonokap kon i Yesus bo poḷat noguman, “Mobaranibí totok in Iko in mosingog natua kon i imang moḷoben!”

YOHANES 5:16

Dá tuamai, mosia in mulaidon moḷongasi momogutú kon i Yesus, sin Sia monon oaidan kon singgai in Sabat.

YOHANES 7:12

Moantó intau in momangkoidon moyogombong soaḷ Sia. Oyúon in noguman: “Sia Intaubí mopia.” Táe oyúon doman in noguman: “Diá! Sia in mopoyaying kon intau mobayong.”

YOHANES 8:13

Bo intau mita in Parisi in noguman kon i-Nia, “Iko nion in mongongumanbí kon soaḷ kaadaan-Mu tontaní, dá onu in inouman-Mu nion in diábí totuu.”

YOHANES 8:52

Dá itoi mita in Yahudi tatua in noguman bui kon i Yesus, “Tanaa in kinotaauandon totok nami kon Iko nion in totu-totuudon kinotoḷangan in dimbuḷó! Sin ki Abraham tontaní ain minatoi, ná doman tua in nabi mita. Táe Iko in moguman, ‘Intau inta dumudui kon singog-Mu, diá bidon kawasaan in popatoi.’

YOHANES 8:59

Bo intau mita in Yahudi tatua in nogamá kon batu sin pogandur kon i-Nia; táe ki Yesus inumadop, bodongka nonaḷámai kon Baḷoi Tuhan.

YOHANES 9:40

Tongonumai intau in Parisi inta kon tua in nokodongog kon i Yesus nosingog natua, bo mosia in noḻibó kon i-Nia, “Makusud-Mu in kami naa in bilog doman?”

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

KORINTUS 2 4:1

Kami nogaid kon oaidan tanaa popisíbí in totabi i Allah. Tuamai in diábí moḻia-ḻiaw in gina nami.

KORINTUS 2 4:16

Manangka intua diábí moḻia-ḻiaw in gina nami. Umpaka kosikisa-sikisadon, táe gina nami in tantúbí toimbaguon pomuḷoi in singgai.

GALATIA 6:9

Manangka intua donaaibí mokopomaḷat in mogaid kon inta mopia; sin aka kita bo diá mogogai in mogaid kon inta diá mopia, yo korasaanbí doman naton in koonggotannea.

ULANGAN 20:3

‘Utat mita, indongogai! Singgai in naa moiko mayá moparang. Dika moondok ande kimiot in gina ande motoboḻingo.

TESALONIKA 2 3:13

Dikabí angoian in maḷat in mogaid kon inta mopia.

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.

IBRANI 12:5

Bo dikabí ḻiongon monimu in tonggina mita i Allah tanaa, inta inogoi-Nea kon i monimu saḷaku ki adí-Nea mita: “Adí-Ku, tarukiradon kopira totok in totundú i Tuhan, bo dikabí tumontoḷ aka torúan-Nea in iko.

IBRANI 3:1

Utat mita tumpaḷa Keresten inta ain inoiní i Allah! Raika monimu koako-ako in soaḷ ki Yesus naa! Sia ain pinotabá mangoi i Allah sinbá mobaḻí Imang Moḷoben kon agama inta dinuduian naton.

PETRUS 1 2:23

Wakutu in Sia sinibáan, Sia in diábí nonuḻí nonibá. Wakutu in Sia iroriga, diábí in Sia nodandi motuḻí; tua komintan in tongábí pinosarakan-Nea kon i Allah, Hakim inta totok i moadil tua.

WAHYU 2:3

Moiko in nosabar bo moiko in nokorasa kon yoyiga popisí in nopirisaya kon i-Nakó, táe moiko in diábí kinobuḻian in harapan.

SAMUEL 1 12:24

Horomatdon in ki Tuhan bo pogundoidon kon i-Nia takin satia takin ḻimbatú in ginamu. Toropdon in aid-Nea mita inta moḷoben inta ain inaidan-Nea kon inimu.