IBRANI 12:25 - Alkitab Singog In Mongondow Masa In Tanaa

²⁵ Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!

IBRANI 12:25 Iomraidhean Croise

DATU MITA IMITÁNEA 12:16

Naonda inontongmai in rayat kon ki datu in doíbí mokidongog kon i monia, nomaḷú in mosia, “Dikadon mopandungmai kon i Daud bo buínea! Mosia in diábí kon dodai in onda in nogaid kon onu bo onu kon inaton. Rayat in Israel, koḻigai mobuidon in kita! Pomayádon mako in ki Rehabeam tua in moindoi kon awaknea tontaní!” Dá nobuidon in rayat in Israel,

TAWARIKH 2 7:19

Táe aka iko bo rayatmu in ḻimimpat kon hukum mita bo parenta-Ku mita bo poḷat mosumba kon ilah mita ibanea,

IḶUAIAN 16:29

Pokotoropdon, kon ogoi-Kubí kon i monimu in singgai tobatú sin pogogaian. Tuamai kon singgai noginggonom Akuoi nobogoi in kaanon inta tugat kaanon monimu doyowa nosinggai. Kon singgai noginpitu komintan intau musti mogutun mako kon baḷoi, bo diá motaau ḷumuai.”

IḶUAIAN 20:22

Ki Tuhan nomarenta kon i Musa moguman kon bangusa Israel, “Moiko ain nokoontong kon naonda in Akuoi, ki Tuhan, nosingog kon i monimu nongkon ḷangit.

AMSAL 1:24

Moiko in inoiníkudon, táe doí mokidongog in moiko bo diá mopandungmai.

AMSAL 1:32

Intau inta diá kopongalaman in matoibí popisí in doí motarima kon inakó, bo intau inta bodok in morimumudbí popisí in doí mopandungmai kon inakó.

AMSAL 13:18

Intau inta doí tundúon in mobaḻí mobogá bo tososingkuḻe; intau inta moibog mokidongog kon tonggina in horomatonbí.

AMSAL 15:32

Intau inta doí tongginaan, diábí mohoromat kon awaknea tontaní; intau inta moibog toboḷowon, mobaḻí mopia.

AMSAL 8:33

Tarimadon in tongginaku bo kobaḻídon mobijaksana, dikabí toḻikudanmu intua.

YESAYA 48:6

Bayongan in toḻindap-Ku inta dinongogmu ain nobaḻí; musti akuonmu kon tosingogon-Ku tua in totuubí. Tanaa Akuoi in mopotaau in soaḷ mita inta mobagu, rahasia mita inta diápa kinotaauanmu.

YESAYA 64:9

Dá dikadon tumorú totok, kaasí Tuhan, dikadon monoro-norop kon dosa nami; indoiaidon kaasí in kami naa umat-Mu.

YEREMIA 11:10

Mosia in nogaidon kon dosa inta pinomia in mogoguyang monia inta doí motoindudui kon i-Nakó, Mosia in nosumba kon ilah mita ibanea bo doí dumudui kon parenta-Ku. Pinomayá Israel andeka Yohuda iḻimimpatdon kon dodandian inta ain pinomia-Ku takin mogoguyang monia.

YEHEZKIEL 5:6

Táe Yerusalem ain nondoí kon parenta-Ku bo noniata magí noiḻiudon kon kororaat in bangusa mita ibanea, nodapot in noiḻiudon in diá kototoinduduinea kon negara mita inta kon ḻibuneamai. Yerusalem iḻimimpat kon parenta-Ku mita bo doí dumudui kon hukum-Ku mita.”

ZAKHARIA 7:11

Táe umat-Ku motontogat in uḷu bo totokbí in doí mokidongog; mosia in nomaḷon kon bongoḷan monia sinbá diá mokodongog.

PINOGIAPAN 32:15

Aka moiko monoḻikud kon i Tuhan, dá bayongan bangusa tanaa in pomayá-Neadon mako modugang moonggot kon padang gurun, bo moikodon in mokopopisí kon koyopúan monia!”

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

MATIUS 8:4

Bo ki Yesus in noguman kon inia, “Toropdon in singog-Ku naa! Donaai oumanon kon i inekabí in onu inta nobaḻí tanaa. Táe bayádon bo pokiindoi kon imang, bo pobogoidon iko in sosumba ná inta pinarenta i Musa, mobaḻí bukti kon i monia kon nopia in iko!”

OUMAN IN RASUL MITA 7:35

Ki Musa naa kinodoí in bayongan intau Israel bo inta siningog monia nanaa, ‘Eta ki inebí in nomaḻí kon inimu itoi bo hakim kon sigad nami?’ Táe ki Musabí intau inta pinotabá i Allah mobaḻí itoi bo mopoposaḷamat, takin totuḷung in malaekat inta namangoi kon inia inta kon yua-yuak in díat tatua.

ULANGAN 18:19

Sia in mosingogbí podoyon kon tangoi-Ku, bo Akuoi in mohukum kon i inekabí inta doí mokidongog kon inia.

ULANGAN 30:17

Táe aka moiko bo diá motoindudui bo doí doman mokidongog, bo mopomayá doman mako in awakmu poḷaḻeon sin mosumba kon ilah mita ibanea,

ULANGAN 4:36

Nongkon ḷangit in Sia mopodongog in singog-Nea kon inimu sin motundú kon i monimu; kon dunia naa Sia nopoontongdon kon inimu in tuḷú-nea inta motoyang, bo nongkon tuḷú tatua nosingog in Sia kon inimu.

TESALONIKA 1 5:15

Ḷukadai sinbá diá in mosituḻían intau kon soaḷ mita inta moraat. Umuran poramuji in mogaid kon inta mopia kon intau mita.

TIMOTIUS 2 4:4

Mosia in doí bidon mokidongog kon totundú inta noitutui, dongka bidon moibo-ibog mokidongog kon ouman mita inta diá in baragunanea.

IBRANI 1:1

Dungkuḷmai in noyagi-yagimaidon daya i Allah in mosingog kon mogoguyang naton, singog-Nea tatua in pinoyaput pinongin nabi mita.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

IBRANI 12:19

Mosia in sinumayow kon singog in terompet, bo singog inta totok mokobongom-bongoḷ. Bo naonda in intau mita Israel nokodongog kon singog tatua, nopoigum totok in mosia sinbá singog tatua diádon mosingog kon i monia.

IBRANI 3:12

Utatku mita, mokopoingat sinbá diá in tobatúmai kon sigad monimu in gina moraat bo diádon mopirisaya, sahingga in tumoḻikud bo mokopoyayúdon kon i Allah inta nobiag!

IBRANI 3:17

Bo ki ine in sinorúan i Allah kon bonu in opat nopuḷú notaong? Tantú mosia inta nogaid kon diá mopia bo inta minatoidon kon padang gurun!

IBRANI 8:5

Oaidan inta inaidan monia tua saḷaku imang sabanarnea in tongábí gambaran bo oḻinow in onu inta kon soroga. Tua ain bidon pinotaau i Allah kon i Musa koḻipod, kon wakutu in sia noposindog in Ḷoḷaigan i Tuhan. Nanaa in guman i Allah kon i Musa, “Pokotorop! Tua komintan in mustibí pomiaanmu podudui in gambar inta pinoontong-Ku kon inimu kon tudu in buḷud.”

YOSUA 22:15

Dá nodapotdon in mosia kon tampat in suku i Ruben, i Gad bo suku i Manasye kon butá in Gilead.

YOSUA 22:16

Bo mosia nosingog nobaḻí toḻiu in bayongan in umat i Tuhan, mosia noguman kon intau mita inta nongkon suku i Ruben, i Gad bo i Manasye tatua, “Nongonu sin moiko in nogaid bidon kon inta moraat nanaa kon i Allah Israel? Takin nogaid kon mezbahmu tontaní, moiko in noḷawangdon kon i Tuhan! Moiko in diá bidon dinumudui kon parenta-Nea mita!

PETRUS 1 1:22

Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.

WAHYU 19:10

Dá sinumungkud in akuoi kon tayowonnea sin mosumba kon inia, táe sia in noguman kon inakó, “Donaai! Donaai mosumba kon inakó, sumbadon in ki Allah! Sin akuoi naa in tongábí doman bobantung ná iko nion bo notongkai doman i utatmu mita inta umuran kinumadai norigon kon onu inta pinoguman i Yesus!” Sin onu inta pinoguman i Yesus, tuatabí inta nopogonú kon gina in intau mita inta nopotaau in koyow i Allah.

WAHYU 22:9

táe sia in noguman kon inakó “Donaai momia naníon, táe sumbadon in ki Allah! Sin akuoi naa in atabí doman naonda bo iko, bo ná doman tai utatmu mita inta nabi bo bayongan intau inta dinumudui kon koyow mita inta kon bonu in buk tanaa!”