IBRANI 12:11 - Alkitab Singog In Mongondow Masa In Tanaa

¹¹ Totuubí kon wakutu in kita sambokon, diábí mosanang in gina naton, sedang bo monakitbí totok. Táe moiduduimai kon tua, kita inta sinambok, yo sambok tatua in momaḷuibí kon oaid naton, sahingga in kita nobiagdon podudui in ibog i Allah, bo bungainea kon tua in mosanangdon totok in gina naton.

IBRANI 12:11 Iomraidhean Croise

KINOBAḺIAN 21:11

Diábí nosanang gina i Abraham nokodongog kon singog tatua, sin ki Ismael ki adíneabí doman.

MAZMUR 118:18

Ki Tuhan in totokdon in nopororiga kon inakó, táe diábí in akuoi inogoi-Nea kon popatoi.

MAZMUR 119:165

Intau inta moibog in hukum-Mu in moaman bo moodom, diábí in mokoḷamboi kon i monia.

MAZMUR 89:32

aka mosia in diá mopandungmai kon inta ain sinantú-Ku bo monaḷámai kon atorang-Ku,

AMSAL 15:10

Intau inta mogaid kon inta moraat in rorigaanbí; intau inta doí toboḷowon in matoi.

AMSAL 19:18

Tundú kotompiraan in ki adímu kon dodai in oyúonpa in kamang; aka diá dá mangaḻenea ibogonmu in morimumud in sia.

YESAYA 19:22

Ki Tuhan in momongkugbí kon bangusa in Mesir, táe mopaḷut mako kon tua Sia in mongundambí bui kon i monia. Mosia in mobuibí mangoi kon i Tuhan, bo Sia in mokidongogbí kon sambayang monia poḷat mongundam.

YESAYA 32:17

Kon batúan in intau in mogaidbí kon onu in moitutui, dá oyúon in kobiagan motompia bo moonow modapot in mononoi.

SURAT I PAULUS KON JAMAAT RUM 14:17

Sin aka ki Allah in momarenta kon kobiagan intau, yo soaḷ onu in motaau kaanon ande inumonnea, tua in diábí moponting. Inta moponting in soaḷbí intau inta dumudui kon onu in kinoibog i Allah in mokorasabí kon moonow in gina bo motarima kon kasanangan gina inta inogoi in Roho i Allah, tua in moponting.

KORINTUS 2 4:17

Sin yoyiga inta diá mobogat totok naa, inta tantú korasaan nami tanaa in mobogoibí in kopiaan mononoi, moiḻiu kon rupa-rupa roriga inta kinorasaan nami tontaní.

TIMOTIUS 2 4:8

Bo tanaa mako in pinopooḷatdon mako kon inakó in saḷaku intau inta nountung. Kon singgai ponantúan ki Tuhan, hakim inta moadil totok tua in moposarakan in tombuinag tatua kon inakó. Deemanbí doman tongá akuoi in motarima kon tombuinag natua, táe bayonganbí doman intau inta umuran mogoḷat mako kon koangoian bui i Tuhan.

IBRANI 12:10

Aka guyanga naton kon dunia naa in motundú yo noterbatasbí sin tongábí onu inta inanggap monia mopira. Táe aka ki Allah in motundú yo tua in kopiaanbí naton tontaní. Sinbá kita in mokouḻí doman kon silai inta mopia nongkon i-Nia.

IBRANI 5:14

Aka kaanon notogat, tua in ogoi kon intau inta noguyangdon in raiannea bo inta nobayongdon in kinoyitakannea bo inta kinorasaannea, sahingga motaaudon in sia mopoyoposi kon onu inta mopia bo onu inta moraat.

PETRUS 1 1:6

Tuamai moiko in musti mokoposanang kon gina, umpakabí tanaa mako moajarpa in gina, sin moiko in kinoantugan in noyagi-yagimai in totungkuḷ.

PETRUS 2 2:14

Mosia tua in diábí mogoga-gogai in mogaid kon dosa, bo totok moibog in mosia motayak kon bobay inta monakaḷ. Bo intau mita inta diápa noroton in pirisaya monia modait tongganutan monia. Gina monia tua in noibiasa bidon moturá. Mosia tua in binutung bidon!