IBRANI 12:10 - Alkitab Singog In Mongondow Masa In Tanaa

¹⁰ Aka guyanga naton kon dunia naa in motundú yo noterbatasbí sin tongábí onu inta inanggap monia mopira. Táe aka ki Allah in motundú yo tua in kopiaanbí naton tontaní. Sinbá kita in mokouḻí doman kon silai inta mopia nongkon i-Nia.

IBRANI 12:10 Iomraidhean Croise

MAZMUR 119:75

Kinotaauanku kon pinononantú-Mu in moadil o Tuhan, Iko in nohukumdon kon inakó popisí in kososatia-Mu.

MAZMUR 17:15

Táe akuoi in imindoibí kon ini-Mu, sin akuoi in diá kotaḷá. Kon tungkuḷ in akuoi nobangon, kinoangoian-Mu nokoḷunganga kon ginaku.

OMBAḶ 3:33

Diábí mopia in gina-Nea in mopomayá mako kon i naton in mororiga bo moajar in gina.

IMAMAT 19:2

mopotaau kon bangusa Israel in parenta tanaa, “Moiko in musti motusi, sin Akuoi ki Tuhan Allahmu in motusi.

EPESUS 4:24

Bo kobiagdon in moiko saḷaku intau mobagu inta pinomia podudui in ibog i Allah, inta moibog dinumudui kon tabiat moitutui, motuḻid bo motusi.

KOLOSE 1:22

Táe tanaa, pinodoyon kon kinopatoian i Adí-Nea, sinompiadon bui i Allah in hubungan monimu takin-Nea. Natua in pinogogaid-Nea sinbá moiko in motaau diaan tumayow kon i Allah takin kaadaan mokudus, modarit bo diá in aid moraat.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

IBRANI 12:14

Poramuji umuran mobiag motompia takin bayongan intau. Poramuji doman mobiag mokudus takin i Tuhan. Sin diábí in tobatúmai intau mokoontong kon i Tuhan aka diá mobiag natua.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

PETRUS 2 1:4

Natua in aid i Allah mobogoi kon i naton in barakat-Nea inta moḷoben bo baraguna totok inta ain pinodandi-Nea. Sinbá aka barakat tatua oyúondon kon i monimu, yo moiko in diádon kawasaan in ibog mita moraat inta mokogoguyaat kon dunia naa, bo moiko in moitakin motarima kon sipat i Allah.

RUT 1:3

ki Elimelekh in minatoi. Dá dongkadon ki Naomi bo ki adínea doyowa.