IBRANI 12:1 - Alkitab Singog In Mongondow Masa In Tanaa

¹ Uḻe, soaḷ kita tontaní, kon ḻibumai naton naa in nobayongbí totok in nobaḻí sakusi! Manangka intua, koḻigai ḷumbúondon naton in bayongan inta mokoyoyiga kon i naton bo dosa inta umuran moikompit mako kon i naton. Bo koḻigai mositandingan in kita in mogaid kon onu inta pinoki aid kon i naton.

IBRANI 12:1 Iomraidhean Croise

AYUB 8:10

Indongogaipa in singog in intau moarip tatua koḻipod, mosia in nobogoi in totundú tanaa kon inimu,

MAZMUR 18:23

Bayongan in hukum-Nea sinaridianku, parenta-Nea mita diábí in sinaḻibanku.

YESAYA 60:8

Onu degá in inta noiḷayug naonda bo goḷom naonda bo paḷoma inta iḷumayug nobui?

YEHEZKIEL 38:16

Bo sinubumu in umat-Ku Israel naonda bo deḷang nondangat kon dunia. Aka wakutunea moiangoidon, iko in potabá-Ku sin mongawasa kon butá-Ku. Takin aid-Ku pongin inimu, ei Gog, bayongan bangusa in monotaaudon mongo ki ine in Akuoi, tuata in ki Allah inta motusi.

YEHEZKIEL 38:9

Sia bo tontaranea takin nobayong in bangusa inta dinumudui kon inia in mamangoibí monubu naonda bo deḷang bo mongoḷob kon bayongan in butá naonda bo goḷom.”

MATIUS 10:22

Moiko in saturuon in bayongan intau sin moiko in murí-Ku. Táe ki ine in mokotahang modapot in kopaḷutannea, sia tua in mosaḷamat.

MATIUS 24:13

Tongá intau inta monahang modapot in kopaḷutan tua komintan mosia in mosaḷamat.

MARKUS 10:50

Pinogarab in intau bilog tatua in jubahnea bo iḻimikat sinimindog minayá kon i Yesus.

LUKAS 12:15

Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”

LUKAS 16:28

Sin taya ḻimapa in ki utatku kon tua. Potabápa in ki Lazarus mayá mobogoi in tompoingat kon i monia sinbá mosia in diá mobaḻí ná akuoi moiukat kon tampat inta mororiga nanaa.’

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

YOHANES 3:32

Sia in nongonguman kon soaḷ inta inontong bo dinongog-Neadon, táe diá tobatúmai in intau in mopirisaya kon onu in inouman-Nea.

YOHANES 4:39

Nobayong in intau in Samaria inta nogutun kon kotá tatua in nopirisaya kon i Yesus popisí in nokodongog kon ouman in bobay tatua. Sin bobay tatua in noguman, “Sia in noguman kon inakó kon bayongan inta ain pinomiaku.”

YOHANES 4:44

Ki Yesus tontaní in nogumandon nanaa, “Tobatú nabi in diábí horomaton kon ḻipúnea tontaní.”

SURAT I PAULUS KON JAMAAT RUM 12:12

Utat, poharapdon kon i Tuhan takin ḷunganga in gina, mokoposabar aka koantugan in susa, bo umuran posambayang.

SURAT I PAULUS KON JAMAAT RUM 2:7

Bo ki Allah in mobogoibí in kobiagan mopia bo mononoi kon i monia inta umuran mogaid kon inta mopia, kon i monia inta motayak kon inta momulia, inta motayak kon kahoromatan bo inta motayak kon inta mononoi.

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

GALATIA 2:2

Akuoi in minayá in Yerusalem sin ki Allahbí in nopotabá. Bo kon tobatú pinoyodungkuḷan takin itoi mita kon tua, akuoi noginsilang kon Habar Mopia inta pinoyaputku kon intau mita inta deeman Yahudi. Sin doíbí in akuoi aka usahaku koḻipod bo masa in tanaa, tongá mobaḻí diá baraguna.

GALATIA 5:7

Koḻipod moiko in mosiḷawangan in mogaid kon inta mopia. Yo nongonu sin masai naa moiko in doí bidon dumudui kon onu inta kinoibog i Allah? Ki ine in nopongaru kon i monimu?

EPESUS 4:25

Manangka intua Utatku mita, dikadon moibog monguboḷ. Mokopojujurbí aka mobiag, sin kita komintan naa in tumpaḷabí anggota in awak i Kristus.

PILIPI 1:30

Tanaa, moiko in noyotakinku nogaid kon oaidan inta notongkai; tuata in oaidan inta nokoimontandon inontong monimu iramujiku totok in koḻipod, bo inta tantúku doman ramujion dapot kon tanaa mako, ná inta dinongogdon monimu masa in tanaa.

TIMOTIUS 2 2:4

Tobatú prajurit inta koyogot in moparang diá bidon morai kon kopontingannea tontaní, sin moibog in sia moposanang in gina i tuangnea.

TIMOTIUS 2 4:7

Aka ná motanding yo akuoi in dinumuduidon totok kon pinotandingan nodapot kon bares pangabisan. Bo umuran in akuoi notoindudui kon i Kristus Yesus nodapot in pangabisan.

IBRANI 6:15

Nosabar in ki Abraham in nogoḷat kon dandi tatua, sahingga nouḻínea in onu inta pinodandi tatua i Allah.

YAKOBUS 1:3

Sinbá kotaauandon monimu, kon aka moiko bo umuran mopirisaya kon i Tuhan kon dodai in koantugan in sobaan, yo tua in mokopobaḻí kon i monimu moropot.

PETRUS 1 2:1

Manangka intua, ḷumbúdon in bayongan inta moraat; kon i monimu, bo donaaidon umuran monguboḷ, momunapik. Dikadon mointoi, bo dikadon mohojat kon intau ibanea.

PETRUS 1 4:2

Manangka intua, kobiagdon in moiko kon singgai moiduduimai podudui in onu inta kinoibog i Allah, bo deemanbí dumudui kon ibog in intau.

PETRUS 1 5:1

Naa in tongginaku mita kon itoi mita in jamaat i Allah inta kon sigad monimu. Akuoi in nomais tanaa saḷakubí yobayat topogaidan in itoi mita in jamaat bo saḷaku intau inta ain nokoontong tontaní kon roriga i Kristus, bo inta moitakin doman kon kamuliaan inta popoontong i Kristus kon intau kon singgai moiduduimai. Poigumonku totok

PETRUS 1 5:12

Suratku inta nopoḷok tanaa in pinoki paisku kon i Silas, intau inta inanggapkudon ginaḷum bo motaau pirisayaan. Surat tanaa in pinotuju kon i monimu. Akuoi in mononggina bo mopoyakin kon i monimu, kon onu inta pinaisku naa in habarbí totuu soaḷ totabi i Allah. Manangka intua akuoi in moguman sinbá moiko in umuran mokoporoton in kumadai kon totabi i Allah kon i monimu.

PETRUS 2 1:6

koḻikud in mopandoi, moiko in musti doman mokotahang kon gina. Koḻikud in mokotahang kon gina moiko in musti moramuji doman sinbá motaba in tumayow kon bayongan in yagi-yagi. Koḻikud in motaba tumayow kon bayongan yagi-yagi, moiko in musti doman mobiag podudui kon inta kinoibog i Allah.

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.

WAHYU 13:10

“Intau inta sinantúdon domokon, mustibí in sia domokon. Bo intau inta ain sinantú matoi sibaton, yo pasti matoibí doman sibaton. Manangka intua umat i Allah musti monahang bo mosatia.”

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”

WAHYU 3:10

Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.