IBRANI 11:5 - Alkitab Singog In Mongondow Masa In Tanaa

⁵ Popisí in oyúon in pirisaya, dá ki Henokh biningkat pinobayá kon i Allah sinbá diá matoi in sia. Diábí tobatúmai in nokouḻí kon inia sin biningkatdon i Allah in sia. Kon Buk Motusi in pinais nanaa, “Kon wakutu in ki Henokh diápa sinintak, kobobiagnea in mokosanang kon gina i Allah.

IBRANI 11:5 Iomraidhean Croise

DATU MITA 2 2:1

Noiyaputdon in wakutunea ki Tuhan modia kon i Elia mamonik in soroga pongin uḷu in tompot. Kon dodai intua ki Elia bo ki Elisa in nobuatdon nongkon Gilgal,

DATU MITA 2 2:11

Kobaya-bayá, umuran in taya dua mongonguman. Bo daḻídon in kereta inta kodoko-dokot inta inugut in kabaḷo namangoi nopoyoguat kon inayadua bo diniadon namonik in uḷu in tompot minayá in soroga in ki Elia.

MAZMUR 89:48

Toropdon in akuoi totuubí mopoḷok in kobiaganku naa, binaḻí-Mu in intau saḷaku mahaḷuk inta mato-matoi.

YEREMIA 36:26

Noidapot in ki datu nomarentabí kon i adínea ḷoḷaki, ki Yerahmeel, noyotakin i Seraya ki adí i Azriel bo ki Selemya ki adí i Abdeel, sin modomok kon inakó bo kon i Barukh momomaisku. Táe binuni i Tuhan in kaminda.

LUKAS 2:26

Roho i Allah ain noguman muna kon inia kon sia in diápabí matoi aka diápa mokoontong kon Datu Mopoposaḷamat inta pinodandi i Tuhan.

LUKAS 3:37

inta ki adí i Metusalah, ki adí i Henokh, ki adí i Yared, inta ki adí i Mahalaleel, ki adí i Kenan,

TESALONIKA 1 2:4

Deemanbí natua! Kami in diábí mosingog sin moposanang kon gina in intau, táe moposanangbí in gina i Allah inta umuran noguji kon gina nami. Sin inanggap-Nea kon kami naa in motaaubí mopotaa-taau mako in Habar Mopia tatua.

IBRANI 11:6

Aka diá in pirisaya, dá diábí in tobatúmai intau motaau moposanang kon gina i Allah. Sin ki ine in mamangoi kon i Allah mustibí mopirisaya kon ki Allah tua in oyúonbí. Bo intau inta totu-totuu motayak kon i-Nia in ogoian-Neabí in onu inta sinayaknea tatua.”

IBRANI 2:9

Táe inontongdon naton in ki Yesus in nongawasa! Sia in binaḻídon topí noḻin ompá notoyong nongkon malaekat mita, sinbá podoyon kon kopopia in gina i Allah Sia in motaau matoi kon kopontingan in bayongan intau. Inontong naton in tanaa, kon Sia ain inogoian in ḷoḻitúan inta momulia bo inta ihoromat sin Sia in notarimadon kon roriga dapot in minatoi.

YOHANES 1 3:22

Bo onu in igumon naton kon i-Nia, tarimaanbí naton, sin kita in umuran dinumudui kon parenta-Nea mita bo nogaid kon onu inta mokosanang kon gina-Nea.

YUDAS 1:14

Ki Henokh, buí impitunea nongkon i Adam, tungkuḷ intua nokoimontan doman in nopotaau in koyow i Allah soaḷ intau mita tatua. Ki Henokh in noguman nanaa, “Indoiai, ki Tuhan in mamangoi takin ribuan malaekat-Nea mita inta mokudus