IBRANI 11:25 - Alkitab Singog In Mongondow Masa In Tanaa

²⁵ Sia in moibo-ibogbí mobiag moyoyiga moyotakin in umat mita i Allah, doíbí in sia nobiag nosanang táe umuran kinawasaan in dosa.

IBRANI 11:25 Iomraidhean Croise

AYUB 20:5

ḷunganga in intau moraat tongábí motoyong, bo kasanangan in intau moraat tongá tokokiap?

AYUB 36:21

Pokoingat, dika mobobui kon inta moraat. Rorigamu in pinomakusud sinbá taḷaanmu in inta moraat.

MAZMUR 47:9

Ki Allah in iḻimitú kon pomomarentaan-Nea inta motusi; Sia in nomarenta kon bangusa mita.

MAZMUR 84:10

Barakataipa kaasí in datu nami, o Allah, ḷukadaidon in intau inta ain piniḻí-Mu.

YESAYA 21:4

Moḻia-ḻiaw in ginaku; porasaan moondok nokourot kon awakku. Doḷom inta kinotanobanku tongá nokopoangoi kon ondok.

DANIEL 3:18

Táe aka kuma bo doí doman in Sia moposaḷamat, yo igumon mako ki Tuangku in monotaau kon kami in diábí mosumba kon dewa i Tuangku bo diábí doman mosumba kon patong buḷawan inta pinosindog i Tuangku tatua.”

MATIUS 13:21

Táe Pirman tatua in diá nonguakat kon bonu in ginanea, sahingga in diá nonahang. Aka koantugan in yoyiga andeka pomogutúan popisí in Pirman tatua, yo intau tatua in baḷú mobaḷui in pirisaya monia kon i Yesus.

LUKAS 16:25

Táe ki Abraham in notubag, ‘Uḻe, toropdon adíku: iko aindon nokorasa kon bayongan inta mopira wakutu iko nobiagpa kon dunia, táe ki Lazarus naa in tongábí nokorasa kon bayongan inta diá mopia. Manangka intua tanaa mako sia in mokouḻí kon inta mopia kon naa. Yo iko in mokouḻí kon roriga.

OUMAN IN RASUL MITA 7:34

Inontong-Kudon bo umuran-Kudon sinaridimai in roriga in umat-Ku kon Mesir. Dinongog-Kudon in amui monia, dá moponag in Akuoi bo mopoḷuat kon i monia. Tanaa, koḻigai! Potabá-Kudon bui in iko mayá in Mesir.’

SURAT I PAULUS KON JAMAAT RUM 5:3

Deemanbí doman tongá tua, moḷungangabí doman in gina naton aka kita bo koantugan in roriga, sin kotaauan bidon naton kon roriga tatua in mokopomukábí kon ibog mogaid totu-totuu.

KORINTUS 2 5:17

Intau inta notobatúdon i Kristus in totu-totuu bidon sinoimbagu. Inta ain nokoyongan in diá bidon, komintan bidon sinoimbagu.

KOLOSE 1:24

Tanaa mopiabí in ginaku in mororiga sin kopontinganmu. Sin aka awakku bo mororiga, yo tua in mangaḻenea akuoi nogintompodon kon roriga inta diápa kinorasaan i Kristus, sin kopontingan in jamaat saḷaku awak-Nea.

TIMOTIUS 2 1:8

Manangka intua dikabí moondok in mopotaau bo moguman kon onu inta inaidan i Tuhan naton. Dika doman mooyá, sin akuoi in pinobonu kon ponjara popisíbí in mopirisaya kon i-Nia, táe pakébí in ropot inta inogoi i Allah motanggung moyotakin kon roriga sin mopoyaput in Habar Mopia tatua.

IBRANI 10:32

Toropka in kaadaan monimu koḻipod. Kon wakutu in moiko notarima kon bayag inta pinonindar i Allah, moiko in tantú nokorasa kon yoyiga, táe umuran nobakuat totok in moiko.

IBRANI 11:37

Mosia in inandur in batu nodapot in minatoi, oyúon doman in ginaragaji, bo oyúon doman iratá in pitow. Maya-mayá mako in mosia bo mopogiḷambung in ḷambung inta pinomia nongkon kuḻit in domba andeka kuḻit in bembé; mosia in nobiag nobogá, pinogutú bo iroriga mangoi.

IBRANI 4:9

Manangka intua, kon umat i Allah oyúonpabí in dandi pogogogaian ná ki Allah inta nogogai doman kon singgai impitunea.

YAKOBUS 1:20

Sin intau inta tumorú, diá mokopogaid kon inta mopia, inta mokosanang kon gina i Allah.

YAKOBUS 5:5

Moiko ain nobiag nooyúon totok bo kinorasaandon monimu in kasanangan dunia naa. Moiko in naondadon bo koyogot in mopoḷongó in awak sin ratáan kon singgai porataan.

PETRUS 1 2:10

Koḻipod moiko in deemanbí umat i Allah, táe masai in naa moiko in nobaḻídon umat i Allah. Koḻipod moiko in diá kinotabi i Allah, táe masai naa moiko ain notarima kon totabi-Nea.

WAHYU 18:7

Ogoidon kon inia in roriga bo inta mokoajar kon gina inta motongkai in kobayong in kamuliaan bo kaoyúonan inta ain kinorasaannea tontaní. Sin sia in umuran moguman kon bonu in ginanea tontaní, ‘Akuoi naa in bokí inta momarenta! Akuoi naa in deemanbí mobobaḷu; akuoi in diábí mokorasa kon ajar in gina!’