IBRANI 11:22 - Alkitab Singog In Mongondow Masa In Tanaa

²² Popisí in oyúon in pirisaya, dá naonda in ki Yusup motoyongdon matoi, sia in nongonguman kon naonda in koḷoḷuai intau in Israel nongkon Mesir. Sia in munadon nongoyow, kon tuḷannea mita in diaan aka ḷumuaidon nongkon butá in Mesir tatua.

IBRANI 11:22 Iomraidhean Croise

IḶUAIAN 13:19

Ki Musa in nodia kon tuḷan mita i Yusup, sin kon dodai in ki Yusup nobiagpa sia nopoigumdon muna kon intau mita Israel takin nongibot kon aidanbí monia in natua. Nanaa in koyow i Yusup, “Kon dodai in ki Allah nopoḷuat kon i monimu, tuḷanku musti diaan monimu nongkon tampat tanaa.”

OUMAN IN RASUL MITA 7:16

Tuḷan mita monia in dinia domandon minayá in Sikhem bo iḷobong kon tua. Butá inta inuboḻian i Abraham kon suku bangusa in Hemor kon Sikhem.

YOSUA 24:32

Tuḷan mita i Yusup dinia in umat in Israel nongkon Mesir, iḷobong kon Sikhem kon butá inta ain sinaḷui i Yakub mogatut in doit saḷaka nongkon i adí mita i Hemor, ki amá i Sikhem. Butá tatua pinononsilai kon buí i Yusup.