IBRANI 11:19 - Alkitab Singog In Mongondow Masa In Tanaa

¹⁹ Ki Abraham in noyakinbí totok kon mokosanggupbí in ki Allah momiag kon i Ishak nongkon kinopatoiannea tua, dá motaaubí tangoion kon ki Abraham in notarimadon bui kon i Ishak nongkon kinopatoiannea.

IBRANI 11:19 Iomraidhean Croise

KINOBAḺIAN 22:13

Bo ki Abraham nobobui bo nokoontong kon domba koḷakian tobatú kon tumineamai, Tungoi in domba tatua noikarit kon singsing mita. Ki Abraham minayá nogamá kon domba tatua bo dongka pinosumbanea kon i Tuhan saḷaku kuruban sinubá nobaḻí toḻiu i adínea.

MATIUS 12:36

Táe poguman-Ku kon i monimu; Pomuḷoi in singog inta diá in mangaḻenea inta aindon siningog in intau yo musti tubagannea kon singgai pohakiman.

MATIUS 9:28

Bo naonda in ki Yesus sinumuot kon baḷoi tobatú namangoi domandon kon i-Nia in intau bilog taya dua tua, dá ki Yesus noḻibó kon i nayadua, “Eta mopirisaya in moiko kon Akuoi mokopia kon i monimu?” “Mopirisaya, Amá!” tubag monia.

SURAT I PAULUS KON JAMAAT RUM 5:14

Táe umpaka natua popatoi in nongawasa bidon kon bayongan intau nongkon sempo i Adam dapot kon sempo i Musa. Umpakabí intau mita diá nogaid kon taḷá ná inta inaidan i Adam, táe mosia in noitakin bidon kinawasa in popatoi. Ki Adam tua in gambaranbí i-Nia inta moiangoi kon singgai moiduduimai.

EPESUS 3:20

Takin kawasa i Allah inta tantú moigonú kon bonu in gina naton, motaau in ki Allah mogaid kon mobayo-bayong nongkon onu inta motaau igumon andeka inta koraian naton.

IBRANI 9:24

Sin ki Kristus in diábí sinumuot kon Yuang Motusi inta pinomia in intau, inta nobaḻí lambang in yuang Motusi inta totokea. Ki Kristusbí tontaní in sinumuot kon soroga; tanaa Sia in minayá kon tayowon i Allah sin lantaran kopontingan naton.

IBRANI 9:9

Naa nobaḻí lambang kon sempo in tanaa; mangaḻenea kon sosumba mita bo kuruban mita mahaḷuk inta pinosumba kon i Allah, diábí mokosompurna kon gina intau inta nodia kon sosumba.