IBRANI 10:5 - Alkitab Singog In Mongondow Masa In Tanaa

⁵ Tuamai naonda in ki Kristus namangoi in dunia naa, Sia in noguman kon i Allah nanaa: “Iko in doí bidon in kuruban bo sosumba; táe sinadia-Mudon in awak kon i-Nakó.

IBRANI 10:5 Iomraidhean Croise

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

YESAYA 1:11

Ki Tuhan in noguman, “Kainimukamai dá moibogbí in Akuoi in bayongan kuruban inta umuranmu posumba kon i-Nakó? Mobúbí in Akuoi in domba mita kuruban pinayong bo ḷongó in ki adí in sapimu. Dugú in sapi koḷakian, domba bo bembé kinodoí-Kubí.

YESAYA 40:16

Bayongan in biag kon kayuon in Libanon diá tugat baḻíon kuruban payongon; pangkoinea mita totuu moyakag baḻíon kayu pondungú.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

YEREMIA 31:22

Modapot in toonu moḻia-ḻiaw in ginamu, ei bangusa inta diá motoindudui kon i-Nakó? Akuoi in nomaḻídon kon inta mobagu kon dunia, tobatú inta diá notombuḷoi – naonda bo bobay diá motombuḷoi in moḷukad kon ḷoḷaki.”

YEREMIA 6:20

Onubí in mangaḻenea in kamania inta dinia monia kon i-Nakó nongkon Syeba, andeka toyokayu nongkon butá moyayú? Doíbí in Akuoi in motarima kon sosumba monia. Doíbí in Akuoi kon kuruban mita payongon monia.

MATIUS 11:3

dá nopotabádon in sia kon murínea mita noḻibó kon i-Nia nanaa: “Degá Ikodon naa in intau inta mamangoi podudui in dandi i Allah, andeka mogoḷatpa degá bui in kami kon intau ibanea?”

LUKAS 1:35

Dá tubag in malaekat tatua kon inia nanaa, “Roho i Allah takin kawasa-Nea inta totok in moḷantud mamangoi bo mongawasa kon inimu. Tuamain Adí inta polahirmu tua in tangoion Mokudus, ki Adí i Allah.

LUKAS 7:19

bodongka pinotabánea mayá moḻibó kon i Yesus, “Ki Tuangdon degá inta pinodandi mamangoi tua, andeka mogoḷatpa in kami kon intau ibanea?”

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

GALATIA 4:4

Táe naonda in motompodon in wakutunea, potabádon i Allah in ki Adí-Nea mamangoi in dunia naa. Ki Adí-Nea tatua in pinononggadí in tobatú bobay inta nobiagpa kon bonu in kawasa in hukum i Musa.

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

IBRANI 1:6

Táe wakutu in ki Allah nopotabá kon i Adí-Nea guya-guyang tatua namangoi in dunia naa, ki Allah in noguman nanaa: “Bayongan in malaekat i Allah in musti mosumba kon Adí tatua.”

IBRANI 10:10

Inaidandon i Yesus Kristus in onu inta kinoibog i Allah. Pinosumba-Neadon in awak-Nea tontaní saḷaku kuruban. Sia in noposumba in awak-Nea tatua tongábí komintan modapot in kopaḷutan dunia naa, táe onu in inaidan-Nea tatua, nondaritbí kon i naton nongkon bayongan in dosa.

IBRANI 10:7

Bo Akuoi in noguman nanaa, ‘Naadon in Akuoi, o Allah! Akuoi in namangoi sin mogaid kon onu inta kinoibog-Mu, ná inta pinais kon Buk Motusi soaḷ Akuoi.’ ”

IBRANI 10:8

Dungkuḷ ki Kristus in noguman nanaa, “Iko in doídon in kuruban bo sosumba; bo doí bidon Iko in kuruban mahaḷuk inta sinubá saḷaku sosumba bo kuruban inta potobut kon dosa.” Ki Kristus in nosingog natua, umpaka bayongan in kuruban tatua pinosumba pinodudui kon hukum agama in Yahudi.

IBRANI 2:14

Lantaran intau mita inta sinangoi-Nea adí tua, tongábí intau ilo-ilow inta mato-matoipabí, dá ki Yesus sinumongkaidon kon i monia bo nobiag naonda bo kaadaan intau. Tua pinomia-Nea, sinbá kinopatoian-Nea tua mokorimumud kon Ibilis inta nongawasa kon popatoi.

IBRANI 5:7

Kon wakutu in ki Yesus nobiagpa kon dunia naa, Sia in nosambayang bo nopoigum takin koamu-amui bo koomba-ombaḷ kon i Allah inta mokosanggup moposaḷamat kon i-Nia nongkon roriga in popatoi. Bo lantaran Sia umuran dinumudui kon onu in kinoibog i Allah, dá inindongogan i Allah in pinoigum-Nea tua.

IBRANI 8:3

Pomuḷoi in imang moḷoben sinantú bidon kon musti moposumba in kuruban andeka mobogoi in sosumba kon i Allah. Natua doman in Imang Moḷoben naton, musti oyúon doman in ogoi-Nea posumba.

PETRUS 1 2:24

Ki Kristusbí tontaní in notanggung kon dosa mita naton. Tua mita in sinanggung-Nea kon tudu in Kayu pinoyotaḻempang, sinbá kita in moipilatdon kon bonu in kawasa in dosa, bo mobiagdon podudui in ibog i Allah. Kekeb-Neabí mita tatua inta mokopia kon i monimu.

YOHANES 2 1:7

Tanaa mako in nobayongdon kon dunia naa in intau inta motundú kon diá totuu. Mosia tua in intau inta diá mopirisaya kon ki Yesus Kristus namangoidon in dunia naa saḷaku intau. Intau natua i mongouboḷ, bo saturu i Kristus.