IBRANI 10:19 - Alkitab Singog In Mongondow Masa In Tanaa

¹⁹ Yo uḻe utat mita, dugú i Yesus tua in nobogoidon in kabaranian kon i naton in tanaa tumuot kon Yuang Totok Motusi.

IBRANI 10:19 Iomraidhean Croise

SURAT I PAULUS KON JAMAAT RUM 5:2

Popisí in kita mopirisaya kon i Yesus, dá inogoian-Nea in kasampatan in kita motarima kon tabi i Allah, bo totabi tatua in mokobiag kon i naton tanaa mako. Tuamai moḷunganga totok in gina naton sin oyúon in harapan naton mokoalami kon kobiagan mopia inta inogoi i Allah!

SURAT I PAULUS KON JAMAAT RUM 8:15

Sin Roho, inta inogoi i Allah kon i monimu, diábí mopobaḻí kon i monimu ata, sahingga moiko in mobiagdon kon bonu in porasaan moondok. Táe Roho i Allah in mopobaḻíbí kon i monimu ki adí mita i Allah. Bo takin kawasa in Roho tatua kita komintan in monangoi kon i Allah, “Amá, o Amáku!”

EPESUS 2:18

Pinotonsigad kon i Kristus, kita komintan, intau Yahudi andeka deeman intau in Yahudi, takin totuḷung in Roho i Allah inta tobatú tua, kita in motaau dimiug kon i Amá.

EPESUS 3:12

Popisí in mopirisaya kon i Kristus bo lantaran notobatúdon takin-Nea, dá kita inogoiandon in daḷan dimiug kon i Allah takin totu-totuu mopirisaya.

TIMOTIUS 2 1:7

Sin Roho inta inogoi i Allah kon i naton in deemanbí bá moondok in kita, táe Rohobí inta mobogoi in ropot bo mopuḻing in tabi bo mokotahang kon gina in kita.

IBRANI 10:18

Aka, dosa mita bo aid mita mongoraat aindon inampungan, dá diá bidon paraḷu moposumba in kuruban sin potobut kon dosa.

IBRANI 10:35

Manangka intua, dikabí ukatan monimu in onu inta ain pinirisaya monimu sin aka moiko umuran mopirisaya, dá moḷobenbí in mangaḻe inaidanmu tua!

IBRANI 12:28

Tuamai, kita in musti umuran mopoyaput in sukur kon i Allah, sin kita in motarima kon tobatú dodatuan inta diá modandú nongkon i-Nia. Kita in musti mopoyaput in sukur bo moibada kon i Allah takin mohoromat bo moondok, podudui in onu inta kinoibog-Nea tontaní.

IBRANI 3:1

Utat mita tumpaḷa Keresten inta ain inoiní i Allah! Raika monimu koako-ako in soaḷ ki Yesus naa! Sia ain pinotabá mangoi i Allah sinbá mobaḻí Imang Moḷoben kon agama inta dinuduian naton.

IBRANI 3:6

Táe ki Kristus in mosatiabí saḷaku Adí inta motanggung jawab kon Baḷoi Allah. Bo kitabí naa in Baḷoi Allah aka umuran moḷoben in ibog naton kumadai bo moyakin in mokouḻí kon onu inta harapon mako naton.

IBRANI 4:16

Tuamai, koḻigai in kita dika moondo-ondok in mayá kon tayowon i Allah inta nomarenta takin pia in gina. Motabibí in ki Allah kon i naton bo ogoian-Neabí in barakat, sahingga motarimabí in kita kon totuḷung-Nea aka kon wakutuneadon.

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.

IBRANI 9:12

Ki Kristus in sinumuot kon Yuang Totok in Motusi kon ḷoḷaigan tatua tongábí komintan, diá bidon mopobui-buimai. Dodai intua Sia in diábí nodia kon dugú in bembé koḷakian andeka dugú adí in sapi sin posumba, táe dugú-Neabí tontaní in dinia-Nea. Bo dugú-Neabí tatua in nopobebas kon i naton dapot in kopaḷutannea.

IBRANI 9:3

Kon dotá in bonunea, inta kon tumimai in gorden induanea, oyúon in yuang inta sinangoian “Yuang Totok Motusi.”

YOHANES 1 4:17

Tabi in binaḻídon nosompurna kon i naton, sinbá oyúondon in kabaranian naton kon Singgai Ponantúan. Oyúon in kabaranian naton, sin kobiagan naton kon dunia naa in notongkaidon ná kobobiag i Kristus.