IBRANI 1:8 - Alkitab Singog In Mongondow Masa In Tanaa

⁸ Táe ki Allah in noguman kon i Adí-Nea nanaa: “Ḷoḻitúan pomomarentaan-Mu, umuranbí mononoi! Moadil totok in pomomarenta-Mu.

IBRANI 1:8 Iomraidhean Croise

SAMUEL 2 23:3

Ki Allah i Yakub ain nosingog; kon inakó moḷoḷukad in Israel in noguman: “Datu inta nomarenta kon rayat takin moadil inta nonongganut takin toindudui kon i Tuhan,

MAZMUR 145:13

Pomarentaan-Mu in umuranbí mononoi, kawasa-Mu in mononoi modapot in adí bo ompu. Ki Tuhan in mosatiabí kon bayongan in dandi-Nea, Sia in nopuḻingbí in tabi kon bayongan in aid-Nea.

MAZMUR 72:7

Igumon mako kooadil in modugang kon bonu in wakutunea, bo kororomon in moiḻiu kon tungkuḷ in oyúonpa in buḷan.

MAZMUR 99:4

Kawasa in kon ini-Mu, datu inta motabi kon hukum; Iko in noposindogdon in inta mobanar; Iko in nopobayá in hukum bo kooadil kon Israel.

YESAYA 45:25

Táe buí i Yakub in posaḷamatonbí, bo mosia in modayowbí kon i-Nakó, ki Tuhan.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

YEREMIA 38:15

Akuoi in notubag, “Aka akuoi in moguman kon inta totuu, yo notantú bidon kon ki Tuang datu in mopoḷabúbí in hukuman matoi kon inakó; bo aka akuoi mononggina, ki Tuang datu in doíbí dumudui kon tonggina tatua.”

HOSEA 1:7

Táe bangusa in Yohuda in kotabi-Ku. Akuoi ki Tuhan, Allah monia, in moposaḷamatbí kon i monia, táe deemanbí pongin parang, deeman doman pongin kedang andeka piot andeka kabaḷo bo tumotakoinea.”

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

LUKAS 1:75

Kita in umuran mogaid kon onu in kinoibog bo inta kinosanang in gina-Nea kon wakutu in mobiagpa.

YOHANES 10:30

Akuoi bo ki Amá in tobatúbí.”

YOHANES 10:33

Intau mita in Yahudi notubag, “Deemanbí popisí in oaidan-Mu mita inta mopia tua in baḻíon nami dodoyonan poganduran in batu kon ini-Mu, táe popisíbí in Iko mohojat kon i Allah. Iko nion in intaubí bo moibog mokipotongkai kon i Allah.”

YOHANES 20:28

Ki Tomas in noguman kon i Yesus, “Tuhanku bo Allahku!”

SURAT I PAULUS KON JAMAAT RUM 9:5

Mosia in buíbí doman in mogoguyang naton. Awak i Kristus naa in nongkon bangusabí monia tua. Táe Siabí in moḷantu-ḷantud nongkon bayongan in yagi-yagi. Dinayo-dayowdon in ki Allah modapot in kopaḷutannea! Amin.

KORINTUS 1 15:25

Ki Kristus in mustibí umuran momarenta modapot in bayongan saturu i Kristus potungkudon i Allah kon tayowon i Kristus.

ULANGAN 2:37

Táe kita in diábí dinimiug kon butá in intau Amon ande kon bingkí Ongkag in Yabok ande kotá mita kon buḷud ande kon tampat ibanea kon ondaka inta diá inogoi i Tuhan Allah naton.”

ULANGAN 7:14

Nongkon bayongan bangusa kon dunia, diábí tobatúmai in mokouḻí kon barakat inta námai tua in kobarongnea ná inta kon i monimu. Nongkon i monimu bo nongkon bayongan in bobiagonmu diábí in tobatúmai in mobantó.

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

PETRUS 2 1:11

Aka natua, dá moiko in motaaudon totok tumuot kon dodatuan inta mononoi nongkon i Tuhan bo Datu Mopoposaḷamat naton ki Yesus Kristus.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.