IBRANI 1:4 - Alkitab Singog In Mongondow Masa In Tanaa

⁴ Kinoḻitúanbí i Adí Allah in moḷantu-ḷantud totok nongkon malaekat mita, bo tangoi-Neabí inta pinonangoi i Allah kon i-Nia in totok in horomaton nongkon tangoi inta pinonangoi i Allah kon malaekat.

IBRANI 1:4 Iomraidhean Croise

EPESUS 1:21

Ḷoḻitúan pomarentaan i Kristus tua in moḷantu-ḷantudbí nongkon ḷoḻitúan pomomarentaan in bayongan pomarenta, bayongan pongawasa, bayongan itoi bo bayongan tuang bo bayongan intau inta inogoian in ḷoḻitúan moḷantud; mosia inta nobiag masa in tanaa ande mosia inta nobiag moiduduimai.

KOLOSE 1:18

Siata uḷu in awak-Nea, bo awak-Nea tua inta sinangoi jamaat. Sin Siabí tua in pangkoi in kobiagan jamaat tatua. Sia doman tua in Adí guya-guyang, inta muna-munamai biniag bui nongkon kinopatoian, sahingga in Sia nobaḻí totok moponting nongkon bayongan yagi-yagi.

KOLOSE 2:10

Bo lantaran nobiag notobatú i Kristus, dá moiko in inogoiandon in kobiagan. Sin ki Kristus in tongguḷu in bayongan roho inta nongawasa bo inta nomarenta.

TESALONIKA 2 1:7

Bo kon inimu inta tanaa mako noyoyiga – natua doman in kon inami – ki Allah in monginggamábí kon roriga tatua kon singgai ki Tuhan Yesus moponag nongkon soroga bo mokipogontong takin malaekat-Nea mita inta mongotorindog

IBRANI 1:9

Inta moadil in koibog-Mu bo inta motombogá in kodoí-Mu; Manangka intua ki Allah, Allah-Mu in nomiḻí kon ini-Mu; bo nobogoi in kahoromatan inta mokopoangoi kon ḷunganga in gina inta moiḻiu kon yobayat-Mu mita.”

IBRANI 12:17

Sinbá kotaauan monimu, naonda in ki Esau moibog mokouḻí kon barakat nongkon i amánea, sia sinolak. Sin umpakabí takin ombaḷ sia motayak kon daḷan mopoyotutui kon onu inta noitaḷá, táe diá bidon in kasampatannea.

IBRANI 2:9

Táe inontongdon naton in ki Yesus in nongawasa! Sia in binaḻídon topí noḻin ompá notoyong nongkon malaekat mita, sinbá podoyon kon kopopia in gina i Allah Sia in motaau matoi kon kopontingan in bayongan intau. Inontong naton in tanaa, kon Sia ain inogoian in ḷoḻitúan inta momulia bo inta ihoromat sin Sia in notarimadon kon roriga dapot in minatoi.

PETRUS 1 3:22

bo ain namonik in soroga. Bo tanaa mako Sia ain nongawasa noyotakin i Allah bo nomarenta doman kon bayongan malaekat, bayongan mongongawasa bo bayongan ropot kon dunia naa.