IBRANI 1:2 - Alkitab Singog In Mongondow Masa In Tanaa

² Táe kon singgai tumi naa in ki Adí-Neadon tontaní in pinotabá-Nea nopoyaput in singog-Nea tatua kon i naton. Ki Adí-Nea doman tanaa inta pinopodoyonan i Allah in nomia kon dunia naa. Sia in sinantú domandon i Allah motarima kon bayongan kapunyaan-Nea.

IBRANI 1:2 Iomraidhean Croise

KINOBAḺIAN 49:1

Noiduduimai kon tua ki Yakub nogoiní kon i adínea mita bo noguman, “Poyosipundon kon naa, kon diugku. Potaaukudon kon i monimu onu in kobayáan monimu kon singgai moiduduimai:

YESAYA 2:2

Kon singgai mita moiduduimai buḷud kinoḻitúan in Baḷoi Tuhan inta moḷantud bo inta noisindog moroton kon tudu in buḷud mita bo tombuḷudnea mita. Bayongan in bangusa moyotakinbí in mayá intua,

YESAYA 44:24

Nanaa in guman i Tuhan mopoposaḷamatmu inta nomia kon inimu pinangkoi kon bonupa in sian, “Akuoibí in ki Tuhan inta nomia kon bayongan yagi-yagi, inta tongá aku-akuoi mita in nosongká kon ḷangit, bo diábí in noduḷu nomaḻí kon butá.

YESAYA 45:12

Akuoibí in ki Tuhan inta nomia kon butá, bo inta nomaḻí kon intau sin mogutun kon tua. Pinodoyon kon kawasa-Ku Akuoi in nosongká kon ḷangit, bo nomarenta kon mata in singgai, buḷan bo tundi mita.

YESAYA 45:18

Ki Tuhanbí in inta nomaḻí kon ḷangit, Siabí in ki Allah! Siabí inta nomia bo nogaid kon butá, binaḻí noroton bo tantú noisindog mako. Diábí binaḻí-Nea tampat inta noingongow, táe tampatbí inta pogutunan. Siabí inta noguman, “Akuoibí in Tuhan bo diábí in ibanea mako.

YEREMIA 48:47

Táe kon singgai moiduduimai pobuíon-Kubí in kaadaan in butá in Moab. Akuoi, ki Tuhan, ain nosingog!” Tuata in aidan i Tuhan kon Moab.

YEHEZKIEL 38:16

Bo sinubumu in umat-Ku Israel naonda bo deḷang nondangat kon dunia. Aka wakutunea moiangoidon, iko in potabá-Ku sin mongawasa kon butá-Ku. Takin aid-Ku pongin inimu, ei Gog, bayongan bangusa in monotaaudon mongo ki ine in Akuoi, tuata in ki Allah inta motusi.

DANIEL 10:14

Akuoi in namangoi sin mopobaḻí kon inimu momangaḻe kon onu inta mobaḻí kon singgai moiduduimai kon bangusamu. Oontongon tanaa in soaḷbí singgai moiduduimai.”

DANIEL 2:28

Táe kon soroga oyúon in ki Allah inta nomukat kon bayongan inta noibuni, bo sia in nopotaaudon kon i Tuangku onu inta mobaḻí kon singgai moiduduimai. Tanaa, ogoipa kaasí in bobantung tanaa in moginsilang kon togoindop bo oontongon inta sinarima kon tungkuḷ nosiug tua.

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

MIKHA 4:1

Kon singgai mita moiduduimai tombuḷud, tampat in Baḷoi Tuhan, in moisindogbí motorindog moipagor moḷantud moiḻiu kon buḷud mita bo tombuḷud mita. Bayongan in bangusa diá moobo-obot in mayá intua

PINOGIAPAN 24:14

Guman i Bileam kon i Balak, “Naa in akuoi mobuidon kon bangusaku. Táe kon dodai in akuoi diápa mayá, potaaukupa muna kon i Tuangku onu in aidan in bangusa Israel kon bangusa i Tuangku kon singgai moiduduimai.”

MATIUS 13:39

Yo saturu inta noporarit in bibit in padang tatua, siata in Ibilis. Bo aka wakutu moratab, yo tua in Singgai Pangabisannea, bo inta mororatab mita tua in malaekat.

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

MATIUS 21:38

Táe naonda inontong in mototomoyó mita tatua in ki adínea tatua, mosia noguman, ‘Sia naa inta mowaris kon gobá tanaa, maní bo ḻimodon naton sia, sinbá gobá tanaa moiḷabúdon kon i naton!’

MATIUS 26:63

Táe ki Yesus tongábí kibio-biómai. Bo imang moḷoben tatua in noguman kon i-Nia: “Popodoyon kon i Allah inta nobiag, yo pogumankadon kon inami, mongo Iko degá in ki Mesias ki Adí i Allah, andeka, deeman?”

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

MATIUS 3:17

Bo kinodongogandon in singog nongkon soroga noguman: “Naadon ki Adí-Ku inta kinotabi-Ku, Sia naa inta kinoibog-Ku.”

MARKUS 1:1

Naa in Habar Mopia soaḷ ki Yesus Kristus, ki Adí i Allah.

MARKUS 12:6

Dá ki inepa in motaau potabá i togi gobá in tanaa mako? Dongkadon tobatú intau, tuata in ki adínea tontaní inta totok in kotabi-tabinea. Pangabisannea pinotabáneadon in ki adínea tatua minayá kon mototomoyó tatua. Pinikirnea, ‘Notantúbí kon horomaton monia in ki adíku tanaa.’

MARKUS 12:7

Táe nokoontongmai in mototomoyó mita tatua kon adí tatua, nosigumanan in mosia, ‘Sia tanaa inta mowaris kon kapunyaan tanaa. Koḻigai bá ḻimodon naton in sia, bá moiḷabúdon kon i naton in gobá tanaa!’

YOHANES 1:10

Pirman tatua in naadon kon dunia, Siabí tua in nomia kon dunia naa, táe dunia in diábí nonotaau kon i-Nia.

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

YOHANES 1:3

Bayongan in yagi-yagi pinomia pinodoyon kon i-Nia, bo nongkon bayongan inta oyúon, diábí in tobatúmai in pinomia diá pinodoyon kon i-Nia.

YOHANES 13:3

Kinotaauan bidon i Yesus kon ki Amá in noposarakandon in kawasa-Nea komintan kon i-Nia. Kinotaauan-Neabí doman kon Sia in namangoi nongkon i Allah bo mobui doman kon i Allah.

YOHANES 13:32

Aka ki Allah pomuliaan pongin i-Nia, dá Sia in pomuliaanbí doman i Allah pongin awak-Nea tontaní. Bo ḷagi bidon pomuliaan i Allah.

YOHANES 15:15

Moiko in diá bidon oiníon-Ku ata, sin aka ata yo diábí kotaauannea onu in yogot aidan i tuangnea. Moiko in inoiní-Ku Yobayat, sin bayongan inta ain dinongog-Ku kon i Amá in pinotaau-Kudon kon i monimu.

YOHANES 16:15

Bayongan inta kon i Amá tua in Akuoibí doman in kitogi. Tuamai Akuoi in moguman kon onu in pinotaau in Roho tatua kon ini-Mu in sinarima-Neabí nongkon i-Nakó.”

YOHANES 17:2

Amá inogoi-Mudon in kawasa kon i-Nia sin mongawasa kon bayongan inta nobiag, sinbá Sia in mobogoi doman in kobiagan mononoi kon i monia inta inogoi i Amá kon i-Nia.

YOHANES 3:16

Popisí in ná domai tua in tabi i Allah kon intau kon dunia naa, dá inogoi-Neadon in ki Adí-Nea tuḷong, sinbá bayongan in intau inta mopirisaya kon i-Nia diá in moyoyang, táe mokouḻí kon kobiagan mononoi.”

YOHANES 3:25

Tongá tongonumai in murí i Yohanes nomangkoidon mobobayowan takin intau mita in Yahudi soaḷ atorang pondaritan.

YOHANES 5:26

Ná ki Amá nobaḻí pangkoi in kobiagan, dá binaḻí-Nea doman in Adí pangkoi in kobiagan.

YOHANES 5:27

Sia in nobogoi in hak-Nea kon i Adí-Nea mohakim, sin Sia in ki Adí Intau.

YOHANES 9:29

Kinotaauanbí nami kon ki Allah ain nobogoi in pirman-Nea kon i Musa. Táe aka Intau tatua, diábí kinotaauan nami in asaḷ-usuḷ-Nea.”

OUMAN IN RASUL MITA 10:36

Pirman inta pinoki poyaput-Nea kon intau mita Israel, tuata in Habar Mopia inta nopotaau in dodamean inta inaidan i Yesus Kristus, Tuhan in bayongan intau.

OUMAN IN RASUL MITA 2:17

‘Kon singgai tumi, Akuoi in mobogoi in Roho-Ku kon bayongan in intau. Ki adímu mita ḷoḷaki bo ki adímu mita bobay in mopotaaubí kon i monimu in soaḷ mita inta pinotaau-Ku kon i monia. Intaumu mita inta nongobagupa in mokoontong kon soaḷ mita inta poontong-Ku kon i monia. Guyangamu mita in tumogoindopbí kon togoindop inta ogoi-Ku kon i monia.

SURAT I PAULUS KON JAMAAT RUM 1:4

Táe podudui kon i Allah yo noniata magí Sia in ki Adíbí i Allah. Tua komintan noniata kon kawasa inta totok in moḷoben inta nokobiag kon i-Nia nongkon kinopatoian-Nea.

SURAT I PAULUS KON JAMAAT RUM 8:17

Dá, aka kita ki adí mita i Allah, yo kita naa in intaubí mita inta mogogabat-Nea bo inta motarima kon barakat mita inta ain sinadia i Allah kon i adí-Nea mita. Kita in noyotakin i Kristus motarima kon onu inta ain sinadia i Allah kon i-Nia; sin aka kita bo mokorasa kon roriga takin i Kristus, yo kita in pomuliaanbí doman moyotakin-Nea.

KORINTUS 1 2:7

Kabijaksanaan inta poyaputku naa in nongkon i Allahbí. Kabijaksanaan tatua in diápa kinotaauan in bayongan intau kon dunia naa, táe munadon sinadia i Allah wakutu in diápa inaidan-Nea in dunia, sinbá mosanang in kita.

KORINTUS 1 8:6

Táe kita in nopirisayabí kon tongábí tobatú in ki Allah. Inta nomaḻí kon bayongan bonu in dunia naa. Bo tongábí mobiag kon kopontingan-Nea in kita. Ki Tuhan in tongábí doman tobatú, tuata in ki Yesus Kristus. Pinongin i-Nia tua bayongan in yagi-yagi binaḻí, bo lantaran doman Sia dá nobiag in kita.

GALATIA 4:4

Táe naonda in motompodon in wakutunea, potabádon i Allah in ki Adí-Nea mamangoi in dunia naa. Ki Adí-Nea tatua in pinononggadí in tobatú bobay inta nobiagpa kon bonu in kawasa in hukum i Musa.

EPESUS 1:10

Makusud in tomayá-Nea tatua in bá bayongan in yagi-yagi inta kon soroga ande inta kon dunia naa, in motobatúdon i Kristus saḷaku tongguḷu. Bo soaḷ tatua in iḷapatandon i Allah aka aindon wakutunea.

EPESUS 3:9

bo akuoi in pinaké doman i Allah mogaid kon oaidan tatua sinbá bayongan in intau monotaau kon naonda in pinogogaid i Allah inta nomia kon dunia naa, mogaid kon tomayá-Nea inta binuni-Nea kon dunia naa nongkon tungkuḷ intua.

ULANGAN 18:15

Táe nongkon bangusa naton tontaní potabá-Neabí mangoi kon inimu in ná akuoi naa, bo moiko musti motoindudui kon inia.

ULANGAN 31:29

Kinotaauankubí kon naonda in akuoi matoi, intau mita tatua mobaḻídon moraat bo mondoí kon onu inta ain sinundúku kon i monia. Bo kon singgai moiduduimai mosia in kotugatan in bodito, sin nokopomukádon kon torú i Tuhan sin nogaid kon onu inta kinodoí-Nea.”

ULANGAN 4:30

Aka moiko koantugan in bayongan bodito tatua bo moiko kon bonudon in roriga, dá moiko in mobuidon mangoi kon i Tuhan Allahmu bo motoindudui kon i-Nia.

IBRANI 1:5

Sin diábí kon dodai in onda ki Allah in noguman kon tobatúmai in malaekat, “Iko in ki Adí-Ku, singgai naa Akuoi in nobaḻí ki Amá-Mu.” Bo diábí doman kon dodai in onda ki Allah in noguman kon malaekat mita nanaa: “Akuoi in mobaḻí ki Amá-Nea, bo Sia in mobaḻí ki Adí-Ku.”

IBRANI 1:8

Táe ki Allah in noguman kon i Adí-Nea nanaa: “Ḷoḻitúan pomomarentaan-Mu, umuranbí mononoi! Moadil totok in pomomarenta-Mu.

IBRANI 11:3

Lantaranbí oyúon in pirisaya, dá kinotaauandon naton kon dunia naa in binaḻíbí i Allah takin singog-Nea. Dá onu inta koontongan naton tua, in nobaḻíbí nongkon onu inta diá koontongan tua.

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.

IBRANI 3:6

Táe ki Kristus in mosatiabí saḷaku Adí inta motanggung jawab kon Baḷoi Allah. Bo kitabí naa in Baḷoi Allah aka umuran moḷoben in ibog naton kumadai bo moyakin in mokouḻí kon onu inta harapon mako naton.

IBRANI 4:14

Manangka intua, musti umuran in kita kumadai kon onu inta ain ináku bo pinirisaya naton sin oyúondon in Imang naton momulia bo inta moḷoben. Sia ain sinumuot dapot kon tayowon i Allah, Sia tuata in ki Yesus ki Adí i Allah.

IBRANI 5:8

Umpaka ki Yesus Adí i Allah, táe nobalajardon in Sia nokopotoindudui pinongin in roriga inta ain kinorasaan-Nea.

IBRANI 7:28

Hukum in agama Yahudi nopobaḻí imang moḷoben kon intau diá nosompurna. Táe onda intua, nongkon hukum agama tatua inaidan i Allah in dandi inta sinakinan in ibot kon baḻíon-Neabí, Imang Moḷoben in ki Adí-Nea inta binaḻí-Nea mopoposaḷamat inta mosompurna bo inta diá mato-matoi.

IBRANI 7:3

Diá in katarangan mongo oyúon in ki amá ande ki inánea, ande mogoguyangnea. Diá doman in katarangan soaḷ kinolahirannea andeka kinopatoiannea. Sia in nádon onda bo ki Adí i Allah. Sia in nobaḻí Imang inta mononoi.

IBRANI 9:26

Sin aka natua dá tantú mopobui-buibí domanmai Sia in monahang kon roriga inta mulaipamai dunia naa pinomia. Táe noniata magí, tanaa kon singgai tumi naa, Sia in namangoi tongábí komintan bo noposarakan in awak-Nea tontaní sin potobut kon bayongan in dosa naton.

PETRUS 1 1:20

Ki Kristus in piniḻídon i Allah kon wakutupa in dunia naa diápa pinomia. Bo kon singgai mita tumi naa, sia namangoi in dunia naa sinbá posaḷamaton in moiko.

PETRUS 2 3:3

Inta musti totok kotaauan monimu in nanaabí: Kon singgai tumi mamangoi in intau mita inta kobobiag monia kinawasa ibog in awak monia tontaní. Mosia in moningkuḻe kon i monimu.

YUDAS 1:18

Munadon pinotaau monia kon inimu, kon aka kodiug-kodiugdon in singgai pangabisan yo moiangoibí in intau mita inta moningkuḻe kon i monimu, mosia tuata in intau mita inta nobiag podudui in ibog monia inta baradosa naa.