IBRANI 1:14 - Alkitab Singog In Mongondow Masa In Tanaa

¹⁴ Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

IBRANI 1:14 Iomraidhean Croise

KINOBAḺIAN 32:24

Táe sia kon tuapa sia-sia mita. Bo namangoidon in tobatú ḷoḷaki noridomok takin i Yakub nodapot in modiug mobayag.

DATU MITA IMITÁNEA 22:19

Ki Mikha in noguman bui, “Tanaa in indongogai in onu inta pinoguman i Tuhan! Akuoi in nokoontong kon ki Tuhan in iḻimitú kon ḷoḻitúan-Nea kon soroga, bo bayongan in malaekat-Nea sinimindog kon diug-Nea.

AYUB 1:6

Kon singgai tobatú mahaḷuk mita in soroga namangoi kon tayowon i Tuhan, bo Ibilis in kon sigad doman monia.

MAZMUR 104:4

Tompot in binaḻí totabá-Mu, bo kilat in mobobantung-Mu.

MAZMUR 34:7

Intau nororiga in nokuani bo sinubagan i Tuhan, nopoḷuat kon inia nongkon bayongan in roriganea.

DANIEL 3:28

Bo nogumandon in ki datu, “Dinayo-dayowdon in ki Allah inta sinumba i Sadrakh i Mesakh bo i Abednego. Sia in nopotabádon kon malaekatnea sin moposaḷamat kon bobantungnea taya toḷu tatua inta mopirisaya kon i-Nia. Mosia in iḻimimpatdon kon parentaku bo moibo-ibogbí kon matoi aka mosumba andeka modayow kon dewa taondaka koḻikudbí in ki Allah monia tontaní.

DANIEL 6:22

Bo kinodongogandon in tubag i Daniel, “Mobiagdon in ki Tuangku modapot in mononoi!

DANIEL 7:10

bo tuḷú ḷumekep nongkon pomomarentaan tatua. Ribuan in intau nogundoi kon i-Nia bo jutaan in intau sinimindog kon tayowon-nea. Onda intua pinangkoidon in sidang pongadilan, bo buk mita in binukádon.

MATIUS 1:20

Tongá kon wakutu in sia koyogot nopomiki-mikirmai kon makusudnea tatua, malaekat i Tuhan namangoi kon inia kon bonu in togoindop bo noguman: “Yusup, buí i Daud, donaaibí moondok iko motonibuḷoi takin i Maria, sin adí inta kon bonupa in siannea tua in nobaḻí sin kawasabí in Roho i Allah.

MATIUS 13:41

Adí Intau nopotabá kon malaekat-Nea mita mosipun kon bayongan inta mokopoḷaḻe, bo komintan intau inta nogaid kon moraat kon bonu in Dodatuan-Nea.

MATIUS 18:10

“Pokotorop! Dika mopandang enteng kon mongoadí mita tanaa. Bá poguman-Ku kon i monimu, oyúon in malaekat monia kon soroga inta umuran moindoi kon pogot i Amá-Ku inta kon soroga. [

MATIUS 2:13

Naonda intau mita in Mayusi minayádon, malaekat i Tuhan nokipogontong kon i Yusup kon bonu in togoindop bo noguman: “Pobangondon iko bo gamádon in Adí tatua takin ki iná-Nea bo dia, poḷaguidon kon butá in Mesir bo pogutunpa kon tua modapot in Akuoi bui mosingog kon inimu, sin ki Herodes moḷongasi motayak kon adí tatua bo ḻimodon”.

MATIUS 24:31

Bo Sia in mopotabá kon malaekat-Nea mita ḷumuai, bo mogirup kon bansí inta mopia totok in singognea sin mosia mosipun kon intau mita inta aindon piniḻí-Nea nongkon popod mita in dunia, bo nongkon popod in ḷangit tobotak modapot popod in ḷangit tobotak doman.”

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

MATIUS 4:11

Ibilis nonaḷámai kon i-Nia, bo malaekat mita in namangoi nosumba kon i Yesus.

MARKUS 10:17

Wakutu in ki Yesus nongingguput kon bobayáan bui, oyúon in intau tobatú noribatuk nopoangoi kon i-Nia. Intau tatua sinumungkud kon tayowon i Yesus bo noḻibó, “Guru inta mopia, onu in musti aidanku sinbá akuoi in motarima kon kobiagan inta mopia bo mononoi?”

LUKAS 1:19

Dá guman in malaekat tatua, “Akuoi naa in ki Gabriel inta nogundoi kon i Allah, bo ki Allah tontaní in nopotabá kon inakó mopoyaput in habar mopia tanaa kon inimu.

LUKAS 1:23

Naonda in nopaḷutdon i wakutunea nopobayá in oaidannea kon Baḷoi Tuhan, ki Zakharia nobuidon kon baḷoinea.

LUKAS 16:22

Diá noonggot kon tua minatoi in intau bogá tatua bo dinia in malaekat mita pinobayá in tampat inta mopia kon diug i Abraham kon soroga. Natua doman in intau inta nooyúon tatua, minatoidon doman bo iḷobong.

LUKAS 2:13

Bo daḻídon malaekat tatua sinakinan in malaekat inta nobarong ibanea, inta nodayow kon i Allah, kai monia,

LUKAS 2:9

Indoianmai sinimindogbí magí in malaekat i Tuhan, bo nokipogontong kon i monia. Sindar i Tuhan nonimbayag kon i monia, dá totok inangoian in ondok i mosia.

OUMAN IN RASUL MITA 11:22

Ouman mita tatua noiyaput kon jamaat mita inta kon Yerusalem. Manangka intua pinotabá monia in ki Barnabas minayá in Antiokhia.

OUMAN IN RASUL MITA 12:23

Bo kon dodaipa doman intua sinokap in malaekat i Allah in sia sin totokdon mopoompámai kon i Allah. Pangabisannea minatoi in sia bo kinaan in oḷuasi mita.

OUMAN IN RASUL MITA 12:7

Indoianmai noisindogbí magí malaekat i Tuhan kon tua bo nonimbayag kon bonu in ponjara. Malaekat tatua in noguḷung kon i Petrus dá noibangon. Bo malaekat tatua in noguman, “Ei, ḷagidon pobangon!” Dá kon dodaipa doman intuata bo notontak in rante uatoi inta pinotokig kon ḻimanea.

OUMAN IN RASUL MITA 13:2

Kon singgai tobatú wakutu in mosia nosambayang kon i Tuhan bo nopuasa, Roho i Allah in noguman kon i monia nanaa, “Piḻídon in ki Barnabas bo ki Saulus mobaḻí totabá-Ku, sinbá mosia in mogaid kon oaidan inta aindon sinantú-Ku pokiaid kon i monia.”

OUMAN IN RASUL MITA 16:26

Daḻíbí bo nobaḻí in ḻinug inta totok in moropot nodapot pondasi in ponjara tatua nodandú doman. Bayongan in ḷoḻingkop nobukat bo rante mita inta pinotogot kon bayongan intau inta pinonjara nongobuká.

OUMAN IN RASUL MITA 27:23

Sin kogobíi malaekat i Allah inta sinumbaku, ki Allah inta ki togi kon inakó in namangoi kon inakó.

OUMAN IN RASUL MITA 5:19

Táe nodoḷom monag, tobatú malaekat i Tuhan nomukat kon ḷoḻingkop mita in ponjara tatua bodongka nodia kon i monia iḷumuai. Malaekat tatua in noguman kon rasul mita tatua,

SURAT I PAULUS KON JAMAAT RUM 11:14

Haraponku mako akuoi in mokopomuká kon intoi kon intau mita tobangusaku, sin aka natua yo motaau posaḷamatonku in tongonumai intau nongkon i monia tua.

SURAT I PAULUS KON JAMAAT RUM 13:6

Tuabí doman in nobaḻí dodoyonan kon nongonu sin moiko in moguboḻibí kon pajak, lantaranbí pomarenta tua in pogawai i Allah inta nopobayá in oaidan nongkon i Allah.

SURAT I PAULUS KON JAMAAT RUM 15:16

Binaḻí-Neadon in akuoi mogogaid kon oaidan i Kristus sin pinotabá minayá kon intau mita inta deeman Yahudi. Bo akuoi in nogaidon naonda bo imang, inta nopoyaput in Habar Mopia nongkon i Allah, sinbá intau mita inta deeman Yahudi in mobaḻí tobatú sosumba kon i Allah inta motaau tarimaan-Nea. Poigumondon mako bá baḻíondon in Roho i Allah in mosia tobatú sosumba kon i Allah tontaní.

SURAT I PAULUS KON JAMAAT RUM 15:27

Totokbí in nosanang in gina monia in nonantú kon mobogoi in totuḷung tatua. Totuubí kon patusbí in mosia motuḷung kon utat mita inta bogá kon Yerusalem tua; sin nongkon intaubí mita in Yahudi tatuata sahingga intau mita inta deeman Yahudi notarimadon kon barakat mita nongkon i Allah. Dá tuamai intau mita inta deeman Yahudi tua in patusbí doman motuḷung mobogoi in barakat inta koontongan tua kon intau mita in Yahudi.

SURAT I PAULUS KON JAMAAT RUM 8:17

Dá, aka kita ki adí mita i Allah, yo kita naa in intaubí mita inta mogogabat-Nea bo inta motarima kon barakat mita inta ain sinadia i Allah kon i adí-Nea mita. Kita in noyotakin i Kristus motarima kon onu inta ain sinadia i Allah kon i-Nia; sin aka kita bo mokorasa kon roriga takin i Kristus, yo kita in pomuliaanbí doman moyotakin-Nea.

KORINTUS 1 1:21

Sin dapot kabí in onda in kapandoian intau, yo diábí in mokopobaḻí kon inia monotaau kon i Allah. Táe popisíbí in ki Allah mobijaksana, dá noibog in Sia in noposaḷamat kon intau mita inta mopirisaya kon i-Nia naonda in nokodongog kon habar inta pinotaau nami inta inanggap in dunia naa tongá uboḷ.

KORINTUS 2 9:12

Sin oaid mopia inta inaidan monimu naa in deemanbí tongá modugang kon onda inta nogaatpa kon umat mita i Allah, táe nobaḻíbí doman dodoyonan nodapot in nobayong intau mopoyaput in sukur kon i Allah.

GALATIA 3:29

Bo aka moiko bo ain nobaḻí kapunyaan i Kristus, dá moiko in buíbí i Abraham, tuamai moiko in motarima kon onu inta pinodandi i Allah.

GALATIA 3:7

Yo bá kotaauan monimu kon intau inta totu-totuu mopirisaya kon i Allah, yo mosia tua in buí i Abraham.

GALATIA 3:9

Dá mosia inta mopirisaya, barakatan moyotakin i Abraham, intau inta totok in mopirisaya tua.

EPESUS 3:6

Naabí inta noibuni tatua: Pinongin Habar Mopia tatua, intau deeman Yahudi in moitakin domandon mokorasa kon barakat mita i Allah inta koḻipod tongá sinadia kon intau mita in Yahudi. Intau mita inta deeman Yahudi in nobaḻídon toawakan in awak inta tobatú tua, bo moitakin doman motarima kon onu inta pinodandi i Allah pinongin i Kristus Yesus.

PILIPI 2:17

Matoikabí in akuoi sin mobaḻí kuruban in sambayangmu kon i Allah inta pinirisayamu, yo diábí moyaat in ginaku kon i monimu.

PILIPI 2:25

Soaḷ ki Epaproditus ki utat naton inta pinotabá mangoi monimu motuḷung kon inakó, rasaankumai sia in paraḷukudon potabá bui mamangoi kon i monimu. Sia ain notuḷung kon inakó nogaid kon oaidanku.

TESALONIKA 2 1:7

Bo kon inimu inta tanaa mako noyoyiga – natua doman in kon inami – ki Allah in monginggamábí kon roriga tatua kon singgai ki Tuhan Yesus moponag nongkon soroga bo mokipogontong takin malaekat-Nea mita inta mongotorindog

TITUS 3:7

sinbá saḷaku intau mita inta ain nokouḻí kon totabi i Yesus dá mokouḻí doman kon kobiagan mononoi ná inta harapon mako naton.

IBRANI 10:11

Pomuḷoi in singgai imang intau Yahudi umuran mogaid kon oaidan monia saḷaku imang bo umuran doman mopobui-buimai in moposumba in kuruban mita ná inta biasamai pinosumba monia. Táe totuubí kon kuruban mita tatua in diábí mokopopat kon dosa.

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.

IBRANI 5:9

Dá naonda in Sia binaḻídon mopoposaḷamat inta nosompurna, Sia in nobaḻídon pangkoi in kasaḷamatan inta mononoi kon bayongan intau inta umuran dumudui kon parenta-Nea.

IBRANI 6:12

Donaai mokopomaḷat, táe duduiaidon aid in intau mita inta ain notarima kon onu inta pinodandi i Allah, sin mosia in umuran nopirisaya kon i Allah bo nosabar doman mako in nogoḷat.

IBRANI 6:17

Ki Allah in moibog mopoyakin bui kon intau mita inta motarima kon dandi-Nea kon diábí baḷuian-Nea in tomayá-Nea tatua. Manangka intua Sia in nongibot bui.

IBRANI 8:6

Táe tanaa ki Yesus in nokouḻí kon tugas imang inta momuli-mulia nongkon inta inaidan in imang mita tatua. Sin dodandian inta pinomia-Nea kon sigad i Allah bo in intau tua in dodandianbí inta totok in mopia sin pinodoyon doman kon dandi inta totok in mopia.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.

PETRUS 1 1:12

Ki Allah ain noguman kon nabi mita tatua, kon onu in pinomia monia tatua, deemanbí inaidan monia sin kopontingan monia tontaní, táe kopontinganbí monimu, tua in soaḷ mita inta tanaa mako ain dinongog monimu notarang nongkon intau mita inta nopoyaput in Habar Mopia soaḷ ki Yesus Kristus. Mosia in nopoyaput intua komintan kon i monimu takin kawasa in Roho i Allah inta pinotabá-Nea mangoi nongkon soroga. Bo umpakabí malaekat mita yo moibogbí doman totok monotaau kon habar inta pinoyaput monia tua.

PETRUS 1 1:4

Kita in moharap mako sinbá mokouḻí kon barakat mita inta ain sinadia i Allah kon umat-Nea. Barakat mita tatua ain sinagú-Nea kon soroga, sahingga in diábí mogoguyaat, ande mobongkog ande mobaḷui.

PETRUS 1 3:7

Moiko doman, ḷoḷaki mita komangartibí kon i buḷoi monimu poḷat doman monotaau kon mosia tua in intaubí mita inta moyangkó. Horomatbí in mosia, sin mosia tua in moyotakin monimu motarima kon tombuinag kobiagan inta mononoi nongkon i Allah. Aidaibí in naa sinbá diá in mokoḷamboi kon sambayang monimu.

YUDAS 1:14

Ki Henokh, buí impitunea nongkon i Adam, tungkuḷ intua nokoimontan doman in nopotaau in koyow i Allah soaḷ intau mita tatua. Ki Henokh in noguman nanaa, “Indoiai, ki Tuhan in mamangoi takin ribuan malaekat-Nea mita inta mokudus

WAHYU 5:6

Noiduduimai bui kon tua akuoi in nokoontong kon tobatú ki Adí in Domba sinimindog kon yua-yuak in tampat pomomarentaan tatua bo iḻibu in mahaḷuk opat bo bayongan itoi tatua. Ki Adí in Domba tatua in nádon onda bo ain iratá. Pitu in tungoi-Nea bo pitu doman i mata-Nea. Tuata in Roho i Allah inta ain pinotabá-Nea kon bayongan dunia naa.